Сурагчид нэгнийгээ зодож гэмтээжээ
Цагдаагийн байгууллагад 2024.03.22-ны өдөр Сонгинохайрхан дүүргийн 9 дүгээр хороо ерөнхий боловсролын .... дугаар сургуулийн есдүгээр ангийн хүүхдүүд манай ангийн хүүхдүүдийг зодсон гэх дуудлага, мэдээлэл бүртгэгджээ.
Урьдчилсан байдлаар есдүгээр ангийн нэр бүхий зарим сурагчид хичээлийн завсарлагаагаар ариун цэврийн өрөөнд анги ангиараа талцан үл ялих шалтгаанаар маргалдаж, сурагч Ч нар нь бусдын биед халдсан нөхцөл байдал тогтоогдож, насанд хүрээгүй хохирогч нарын биед учирсан гэмтлийн зэрэг учирсан эсэхийг тогтоолгохоор Шүүх шинжилгээний үндэсний хүрээлэнд шинжээч эмч томилон үзүүлж, мөрдөн шалгах ажиллагаа явуулж байна.
Иймд сургуулийн захиргаа, багш, нийгмийн ажилтнууд ахлах ангийн сурагчдад үе тэнгийн дээрэлхэлт, ялгаварлан гадуурхалтын хор уршиг, гэмт хэрэг, зөрчлийн үр дагавар зэргийг сайтар ойлгуулах сургалт, хүмүүжлийн ажил, арга хэмжээг холбогдох байгууллагатай хамтран үе шаттай тасралтгүй зохион байгуулахыг зөвлөж байна.
СЭТГЭГДЭЛ БИЧИХ