Хан-Уул дүүргийн ИТХ-ын төлөөлөгч Б.Жагар НОСК, ТОСК-ын хохирогч иргэдийн хамт МАН-тай холбоотой асуудлаар мэдээлэл хийжээ.

Тэрбээр "МАН-ын зарим албан тушаалтнууд иргэдийг орон сууцанд оруулах нэрээр 2018 оноос хойш 120 гаруй иргэдээс 10 гаруй тэрбум төгрөг залилсан байж магадгүй үйлдлийн талаар мэдээлэл өгч байна. Туулван гээд дүүргийн нутаг дэвсгэрт байдаг хятадуудын хотхон бий. Одоо энэ хэрэг мөрдөн байцаалтад явж байгаа баримтууд байна. МАН-нд хүлээлгэж өгнө. Хятад иргэдийн хотхон гэж байдаг. Хятад иргэдтэй Солонгоо гэж иргэн гэрээ хийгээд энэ хүмүүст дамжуулж зарж байна гэсэн мэдээлэл байгаа. Дунджаар 50 сая төгрөгийн урьдчилгаа авсан байдаг. Солонгоогийн нөхөр Болорчулуун 2020 онд СХД-ээс сонгуульд бие дааж нэр дэвшсэн. Болорчулууны бичлэгийг өгнө. Нөхөр нь улстөр сонирхдоггүй, манай эхнэр дэвш гэсэн. МАН-ын удирдах албан тушаалтан үүрэг өгсөн. Тэгэхээр та нарыг байранд чинь оруулж өгч чадахгүй болчихвий гэж айсандаа сонгуульд нэр дэвшсэн гэдэг. 

МАН-ын нэр бүхий гишүүд НОСК ТОСК-иос хэрэгжүүлж байгаа орон сууцны метр квдратыг нь 1 сая төгрөгөөр буюу нууцлалын гэрээгээр борлуулж байна хэмээн 120 гаруй иргэнийг эдийн засаг сэтгэл санаагаар нь хохироосон байж болзошгүй. Сонгуульд хандиваар ирсэн орон сууцыг зарчихсан байгаа юм. Нэр бүхий хүмүүстээ ямар хариуцлага хүлээлгэхийг харъя. 

Хамгийн гол нь ТОСК НОСК-ийн удирдлагууд хаанаас томилогддог билээ. Удирдлагуудын нэр бариад залилан хийгээд явсан байгаа юм. 120 хүн 10 тэрбум төгрөгөөрөө хохирочихоод байна. Хятадуудтай холбоотой барилгын асуудал эрх барьж байгаа намтай холбоотой гаргаж байгаа шийдвэрийг Солонгоо Болорчулуун хоёр ашиглаад иргэдийг залилсан байж болзошгүй. Магадгүй сонгуулийн мөнгөө босгохын тулд ядарсан иргэдээ хохирсон бусармаг шийдвэр дахин бүү гараасай. Тэгэхээр эздүүд нь тодорхой болох ёстой. Цаашдаа өргөн хүрээнд залилангийн хэрэг явахгүй байгаасай. Энэ иргэдийн хохирлыг МАН барагдуулах ёстой" гэлээ. 

Оршин суугч "Солонгоо нь надтай дандаа Хүрэлсүх ярьж байгаа. Нямбаатар, Хүрэлсүх нарыг хэлдэг. Энэ орон сууцанд орохын тулд нууц байх ёстой гэдэг. Тэгээд бид нарыг байранд амьдруулчихаж байгаа юм. Одоо байрны гэрчилгээгээ авъя гэхээр  та нар чимээгүй бай. Тэгээд байранд орсноо таньдаг хүндээ хэлэхээр чи хэлсэн байна. Бусдад хэлээд байх юм бол байрнаас чинь гаргачихна шүү гэдэг. Би 70 сая төгрөг өгсөн. Намайг Энконта тауэрт оруулсан. 120 саяар байраа авна шүү гэсэн. Тухайн үед 250 сая байсан байранд би 120 саяар авчихаж байгаа юм байна. Тэгээд хүмүүс ирээд хаалга нүдвэл битгий онгойлгож өгөөрөй гэдэг. Хэнд ч мэдэгдэж болохгүй тэгвэл хөнгөлөлттэй байрны чинь гэрээг цуцална шүү гэж дарамталдаг" гэв.