Украины армийн алсын тусгалт дронууд Москва хотын Капотня дүүрэгт байрлах газрын тос боловсруулах үйлдвэрт цохилт өгч, томоохон гал гарсан талаар эх сурвалжууд мэдээллээ.

Тус үйлдвэр нь Кремлээс ердөө 15 орчим км зайд оршдог бөгөөд Москва болон ойр орчмын бүсийн түлшний хэрэгцээний томоохон хэсгийг хангадаг стратегийн ач холбогдолтой байгууламж юм. Цохилтын дараа үйлдвэрийн хэсэгт гал гарч, өтгөн хар утаа тэнгэрт суунагласан дүрс бичлэгүүд цахим орчинд тархжээ. 

Оросын тал дроны довтолгоог баталсан ч хохирлын хэмжээг дэлгэрэнгүй мэдээлээгүй байна. Харин зарим эх сурвалж үйлдвэрийн үндсэн боловсруулах нэгж гэмтэж, үйл ажиллагаанд саатал үүссэн гэж мэдээлжээ.