БНХАУ-ын дарга Ши Жиньпин АНУ-д төрийн айлчлалаа эхлүүлээд байна. Тэрээр есдүгээр сарын 23-нд Вашингтоны ойролцоох Эндрюсийн цэргийн баазад хүрэлцэн ирсэн бөгөөд АНУ-ын Ерөнхийлөгч Дональд Трамп нисэх онгоцны буудал дээр биечлэн угтжээ. 

Ши Жиньпиний энэ удаагийн айлчлал есдүгээр сарын 23–25-нд үргэлжилж байгаа бөгөөд 11 жилийн дараах Вашингтонд хийж буй анхны айлчлал болж байна. 

Гол анхаарал — Трамп, Ши нарын уулзалт

Өнөөдөр буюу 9-р сарын 24-нд Трамп, Ши Жиньпин нар Цагаан ордонд албан ёсны уулзалт хийхээр товлогджээ. Хоёр талын хэлэлцэх гол асуудалд:

АНУ-БНХАУ-ын худалдаа, тариф

Хиймэл оюун ухаан, технологийн өрсөлдөөн

Чухал ашигт малтмал

Тайванийн асуудал

Иран болон Ойрхи Дорнод

Орос-Украины дайн

Хоёр улсын аюулгүй байдал, цэргийн харилцаа зэрэг асуудал багтаж байна. 

Хоёр улсын худалдааны түр тохиролцооны хугацаа ойртож байгаа тул тарифын зохицуулалтыг цаашид үргэлжлүүлэх эсэх нь уулзалтын гол сэдвүүдийн нэг байх төлөвтэй байна. 

Энэ уулзалтын үр дүн дэлхийн худалдаа, технологийн салбар болон АНУ-БНХАУ-ын харилцаанд нөлөөлөхүйц анхаарал татсан үйл явдал болж байна.