коронавируст халдварын цар тахалтай тэмцэх хариу арга хэмжээг эрчимжүүлэх, эрсдлээс урьдчилан сэргийлэх зорилгоор улсын хэмжээнд засаг захиргаа, нутаг дэвсгэрийн нэгж, төрийн болон нутгийн захиргааны байгууллага, иргэн хуулийн этгээдийг гамшгаас хамгаалах Бүх нийтийн бэлэн байдлын зэрэгт шилжүүлсэн хугацааг 14 хоногоор буюу 2020 оны 12 дугаар сарын 01-ний өдрийн 06:00 цаг хүртэл сунгалаа.
Хуралдаанаар коронавирусийн халдварын нөхцөл байдлын талаар болон хөл хориог сунгах эсэхийг хэлэлцэн шийдвэрлэнэ.
Гурил, будаа, хүнсний ногоо зэрэг бүтээгдэхүүн элбэг, үнэ тогтвортой байгааг худалдаа эрхлэгчид хэллээ. Гэхдээ иргэд ердийн үеэс хоёр дахин их хэмжээгээр мах, хүнсний бүтээгдэхүүн худалдан авсан байна. Өнөөдрийн байдлаар үхрийн мах нэг килограмм нь дунджаар 11,000-12,000, хонины мах 9,000, адууны мах 7,500-8,500 буюу 1,000 гаруй төгрөгийн хэлбэлзэлтэй, төмс нэг килограмм нь 700, сонгино 1,600 төгрөг, бусад хүнсний ногооны үнэ хэвийн, Алтан тариа компанийн гурил нэг килограмм нь 1,329-1,530, будаа 3,600 төгрөгийн ханштай байлаа. Иргэд, худалдаа эрхлэгчид мах, хүнсний бүтээгдэхүүний тээвэр, нийлүүлэлт, зохион байгуулалтыг сайжруулах, гэр хороололд махны бөөний цэг байгуулах нь зүйтэй
Засгийн газар хүнсний хангамжийг тогтвортой байлгах зорилгоор бүх төрлийн хүнсний будаа /цагаан будаа, гурвалжин будаа, шар будаа, бусад/, ургамлын тос, 2020-2021 оны өвөлжилт, хаваржилтыг хүндрэлгүй давахад шаардагдах өвс, бүх төрлийн малын тэжээл, тэжээлийн үр, хүнсний улаанбуудай, улаанбуудайн үр, тослог ургамал, ургамлын түүхий тосыг Гаалийн болон НӨАТ-аас чөлөөлөхөөр төлөвлөж байна.
Улаанбаатар хот, Сэлэнгэ, Дархан-Уул аймагт цар тахлын онцгой, өндөр эрсдэлтэй нөхцөлд үүрэг гүйцэтгэж байгаа эрүүл мэнд, онцгой байдал, мэргэжлийн хяналт, тагнуул, цагдаа, хил хамгаалах зэрэг байгууллагын ажилтан, албан хаагчдад нэг сарын цалинтай тэнцэх хэмжээний мөнгөн урамшуулал олгохоор боллоо.
Үүрэг гүйцэтгэх хугацаанд дэслэгч Б.Түвшинбат аймгийн хэмжээнд эрэн сурвалжлагдаж байсан этгээдийг оргон зайлах үед нь баривчлан цагдаагийн байгууллагад хүлээлгэн өгчээ.
Шаардлагатай тохиолдолд хүнс, эм, эмнэлгийн хангамжийн дуудлагын түгээлтийн баг ажиллуулахад бэлэн байлгах. Цар тахлын халдварын эсрэг ажиллаж байгаа ажилтан, албан хаагч, тэдгээрийн ар гэрт урамшуулал олгох зэрэгт анхаарахыг Монгол Улсын Ерөнхий сайд У.Хүрэлсүх холбогдох сайд болон удирдах албан тушаалтнуудад үүрэг болгов.
Монгол Улсын 2021 оны нэгдсэн төсвийн тэнцвэржүүлсэн орлого 11.8 их наяд төгрөг буюу ДНБ-ий 27.9, зарлага 13.9 их наяд төгрөг буюу ДНБ-ий 30 хувь байна гэж тооцжээ. Мөн төсвийн алдагдлыг 2.6 их наяд төгрөгөөр бууруулж, -2.2 их наяд төгрөг буюу дотоодын нийт бүтээгдэхүүний -5.1 хувь байхаар төсөвлөв.
УИХ-ын чуулганы нэгдсэн хуралдаанаар 2021 оны улсын төсвийн төслийн дөрөвдүгээр хэлэлцүүлгийг хийж байна. Ирэх онд төсвийн ерөнхийлөн захирагч нар дараах төсвийг захиран зарцуулах юм.
Ирэх онд Сангийн сайд ирэх онд 9.8 их наяд төгрөгийг, ХЗДХ-ийн сайд 55.7 тэрбум, БХ-ын 50.5 тэрбум, БШУ-ны сайд 5.5 тэрбум, ЗТХ-ийн сайд 145 тэрбум, БХБ-ын сайд 2.2 тэрбум, УУХҮ-ийн сайд 237.1 тэрбум, ХХААХҮ-ийн сайд 86.5 тэрбум төгрөгийг тус тус төсвийг захиран зарцуулна.
ҮАБЗ хуралдаж байна. ҮАБЗ-өөс "коронавирусын цар тахлын хоёр дахь давалгаа Монгол Улсад нөлөөлж, дотооддоо цар тахлын халдвар алдсан нөхцөл байдал үүсээд байгаатай холбогдуулан монголчууд бидэнд илүү хариуцлагатай, сонор сэрэмжтэй, сахилга баттай байх цаг үе тулгарч байна.
УИХ-ын чуулганы нэгдсэн хуралдаанаар Монгол Улсын нэгдсэн төсвийн 2021 оны төсвийн хүрээний мэдэгдлийн эцсийн хэлэлцүүлгийг хийлээ. Цахим хуралдаанаар ирэх оны төсвийн төслийг хялбаршуулсан дэгээр явуулж, гишүүд асуулт тавьж, хариулт авлаа.
Шинэ төрлийн коронавируст халдвар /Ковид-19/ дэлхий даяар тархаж, цар тахлын хэмжээнд хүрч хүн төрөлхтөн хүнд сорилтыг даван туулж байна.
Улсын Их Хурлын чуулганы цахим хуралдаан өнөөдөр хуралдаж, дараах асуудлуудыг хэлэлцэн батална
Монгол Улсын Шадар сайд, Улсын онцгой комиссын дарга Я.Содбаатар хяналт шалгалтаа улам чангатгахыг эрүүл мэнд, онцгой байдал, тагнуул, цагдаа, мэргэжлийн хяналт зэрэг байгууллагын дарга нарт даалгав.
УИХ-ын чуулганы нэгдсэн хуралдаан өнөөдөр хуралдах товтой.
Ард иргэд онцын шаардлагагүй үед гэрээсээ гарах шаардлагагүй. Хувийн хэвшлийн байгууллага ажилтнуудаа онлайнаар ажиллуулах боломжийг хангах хэрэгтэй. Засгийн газраас Бүх нийтийн бэлэн байдлын үед шилжүүлж, хүнсний үйлдвэр, дэлгүүр, эмийн сан, эмнэлэг, дэлгүүр, усан хангамж, хэвлэл мэдээлэл, харилцаа холбоо зэрэг газруудад хязгаарлалт хийхгүй
Засгийн газрын ээлжит бус хуралдаан боллоо. Хуралдаанаар УОК-оос танилцуулсан асуудлыг хэлэлцэн шийдвэрлэсэн юм.
Улсын онцгой комиссын хурал дууслаа. Хурлаар хэлэлцсэн асуудлыг Засгийн газрын хуралдаанд танилцуулж эцэслэн шийдвэрлэнэ.