Оросын эсрэг авч хэрэгжүүлэх найм дахь багц хориг арга хэмжээнд SWIFT, худалдаа, эрчим хүчний салбартай холбоотой шинэ хориг арга хэмжээг багтаах саналыг Латви, Литва, Эстони улс Еврокомисст гаргажээ.
Афганистанд цэргийн нисгэгч байсан хүмүүсийг Пентагон Украин руу илгээхээр бэлтгэж байгаа гэнэ. Энэ талаар дипломат албанаас авсан эх сурвалжтайгаар ТАСС агентлаг дамжуулжээ.
Украины Запорожийн атомын цахилгаан станц өдгөө Оросын цэргүүдийн хяналтад байгаа бөгөөд энэ станцын нутаг дэвсгэр дээр наймдугаар сарын тавны өдрөөс эхлэн буун дуу гарч, үүнд талууд нэгнээ буруутгаж байгаа бол дэлхий дахинд энэ станц дээр осол гарч, "хоёр дахь Чернобыль болох вий" гэсэн болгоомжлол төрөөд байгаа юм.
Кассвилла сургуулийн захирал Мерлин Жонсоны өгүүлснээр, өнгөрсөн онд эцэг эхчүүдийн дунд явуулсан судалгааны дүнгээр энэ аргыг хэрэглэхээр болжээ. Энэ судалгаанд эцэг эхчүүд хариулахдаа сахилга батыг сайжруулах хэрэгтэй, сахилга бат муу байгаа нь сургуулийн олон асуудлын нэг гэж үзсэн гэнэ.
Хятадын эсэргүүцлийг үл хайхран Америкийн цэргийн хоёр хөлөг онгоц Тайванийн хоолой дахь олон улсын хэсгээр нэвтэрсэн талаар ВВС агентлаг мэдээлжээ. Энэ нь АНУ-ын Конгрессын Төлөөлөгчдийн танхимын тэргүүн Нэнси Пелоси айлчилсны улмаас Тайвань, Хятадын хооронд хурцадмал байдал үүссэнээс хойших анхны энэ төрлийн тохиолдол юм.
Их Британийн Ерөнхий сайдын албан тушаалд өрсөлдөж байгаа, тус улсын Гадаад хэргийн сайд Лиз Трасс дэлхий нийтийн анхаарал татсан мэдэгдэл хийсээр байна.
Vigilant Knife олон улсын цэргийн сургуулилалт өнөөдөр буюу наймдугаар сарын 29-ний өдөр Финландад эхэлж байгаа талаар DW агентлаг мэдээлжээ.
Европын холбооны орнууд Орос, Украины дайнаас үүдэлтэйгээр Оросын байгалийн хийн хамааралтай байдлаасаа татгалзаж, улмаар эрчим хүчний хэмнэлтийн горимд шилжиж байгаа талаарх мэдээлэл гарах болсон юм. Өмнө нь Британид эрчим хүчний хэмнэлтийн төлөвлөгөө баталсан бол энэ удаад Германд цахилгаан эрчим хүчээ хэмнээд эхэлжээ.
ОХУ-д есдүгээр сарын 1-7-ны хооронд Дорнод цэргийн тойргийн полигонуудад явагдах "Восток-2022" стратегийн сургуулилалтад Оросын 50 мянга гаруй цэргийн алба хаагч оролцоно гэж тус улсын Батлан хамгаалах яам мэдэгдсэнийг ТАСС агентлаг дамжуулжээ.
Сүүлийн өдрүүдэд энэ станцын хувь заяа болон энд ажиллаж байгаа станцын ажилтнуудын талаарх мэдээлэл дэлхий дахины анхаарлын төвд байгаа юм. The Telegraph сонины сурвалжлагчид Запорожийн атомын цахилгаан станцад ажиллаж байсан болон ажиллаж байгаа хүмүүстэй ярилцахад тэд Оросын цэргүүд хэрхэн баривчилж, тамлаж байгаа талаар болон цөмийн объектын нутаг дэвсгэр дээр Оросын цэргийн техникүүд байрлаж байгаа талаар ярьжээ. Оросын тал харин энд ямар ч техник байхгүй гэж мэдэгдсээр ирсэн юм.
Дэлхий даяарх хүмүүс өдөр бүр амин зуулгынхаа төлөө төрөл бүрийн ажил хийдэг. Зарим нь оюуны, нөгөө хэсэг нь биеийн хүчний ажил хийж, зарим нь тохитой газар сууж ажиллах бол нөгөө хэсэг нь өвөрмөц, эрсдэлтэй эсвэл бүр содон гэмээр газар ч ажиллана. Ийм содон, сонин ажлуудаас цөөн хэсгийн гэрэл зургийг хүргэж байна. Эдгээрийн зарим нь олон зуун өнгөрч, техник технологи хөгжсөн ч эрт үеийнхээсээ огт өөрчлөгдөөгүй аж.
ОХУ Украины эсрэг өдүүлсэн дайнд өнгөрсөн хоногт 400 орчим цэргийн алба хаагчаа алдсан гэж Украины Зэвсэгт хүчний Ерөнхий штаб мэдэгджээ. Ерөнхий штабын мэдэгдсэнээр Оросын арми хамгийн их хохирлыг Донецкийн чиглэлд амссан байна.
Их Британид 2022 оны 10 дугаар сарын нэгнээс эхлэн цахилгаан эрчим хүчний үнэ 80 хувиар нэмэгдэж 3549 фунт болно гэж Хий, цахилгаан эрчим хүчний зах зээлийн удирдах газар мэдэгджээ.
Байгалийн хийн хэрэглээг хэмнэх талаар засгийн газраас бэлтгэсэн төлөвлөгөөг Испанийн парламент дэмжсэн талаар Блүмберг агентлаг мэдээлжээ.
Ерөнхийлөгч Зеленскийн "Ард түмний зарц" намын гишүүдийг кокаинаар хангадаг хар тамхины наймаачныг Киевт саатуулсан талаар Украины "Страна.UA" мэдээлжээ.
Ирэх өвлийн бэлтгэлийг давахын тулд Украины эрх баригчид шаардлагатай бүхнийг хийнэ гэж Зеленский мэдэгдээд байгалийн хийтэй холбоотой нөхцөл байдлыг "нэн аюултай, нэн хурцадмал" хэмээсэн байна.
Коронавирусийн вакцинд хамрагдаагүй гадаадын жуулчдыг тусгаарлах журмаа цуцалж байгаа талаар Сингапурын эрх баригчид мэдэгдсэнийг Business Travel News дамжуулжээ.
Украины нийслэл Киев хотын зөвлөл "Орос болон Зөвлөлтийн өнгөрсөн үетэй холбоотой" нэртэй байсан 95 гудамж, талбайн нэрийг өөрчилжээ. Энэ талаар Киев хотын дарга Виталий Кличко мэдэгдсэнийг "Медуза" дамжуулсан байна.
Эх сурвалжийн мэдээлснээр, энэ оны нэгдүгээр сараас долдугаар сарын хооронд ОХУ-1098 иргэн Германд улс төрийн дүрвэгч статус олгох хүсэлтийг ХБНГУ-ын Цагаачлал, дүрвэгчдийн асуудал эрхэлсэн газарт гаргасан байна. Эдгээр хүсэлтээс ердөө 11,2 хувьд нь зөвшөөрсөн хариу өгчээ.
Украины Запорожийн атомын цахилгаан станцын нутаг дэвсгэрт ойн түймэр гарсан талаар тус мужийн цэрэг, иргэний захиргааны (shuud.mn: Орос хяналтаа тогтоосон бүс нутагт байгуулсан, Оросыг баримтлагч захиргаа) гишүүн Владимир Рогов Телеграм хуудсандаа бичжээ.