Дубайн Риз Карлтон зочид буудалд түүхэн дэх анхны идэж болдог цахилгаан шатыг ажиллуулж эхэлжээ. Зочид буудлаар үйлчлүүлэгчид энэ цахилгаан шатаар зорчиж, Зул сарын баяр уур амьсгал оруулан чимэглэж, жигнэмгээр хийсэн байшин шиг тохижуулсан дэлгүүрээр үйлчлүүлэх боломжтой гэнэ.
УИХ-ын чуулганы үдээс хойших хуралдаанаар Нийгмийн эрүүл мэндийн тусламж үйлчилгээний тухай хуулийг хэлэлцэж эхэллээ.
Аргентины шинэ Ерөнхийлөгч Хавьер Милей эдийн засгийн шинэчлэл хийх хүрээнд песог ханшид девальваци буюу төрөөс ханшийг нь зориуд бууруулах алхмыг хийсэн юм.
Монголын үндэсний бөхийн холбооноос арванхоёрдугаар сард зохион байгуулах албан ёсны барилдааны хуваарийг танилцуулсан. Хуваарийн дагуу 12 дугаар сарын 17-ны Ням гарагийн 13:00 цагаас "Говь+Ус" Монгол Улсад усны инженер бэлтгэж эхэлсний 60 жилийн ойд зориулсан Улс, аймгийн алдар цолтой 128 бөхийн барилдаан Монгол Бөхийн Өргөөнд болох аж.
Хууль бус цагаачдын урсгалыг зогсоох зорилгоор Оростой залгаа хилийн боомтуудаа Финланд улс 11 дүгээр сарын сүүл гэхэд бүрэн хааж байсан. Эдгээр хилийн боомтуудыг 12 дугаар сарын 13-ны өдрийг хүртэл түр хаана гэж мэдэгдэж байсны дагуу өнөөдрөөс эхлэн боомтуудаа нээж эхэлжээ.
Иргэн “А”, “Г” нар нь 2023 оны 11 дүгээр сарын 28-ны өдөр Сүхбаатар дүүргийн наймдугаар хорооны нутаг дэвсгэрт байрлах "I Loft" баарны гадна бусадтай хэрүүл маргаан үүсгэж, хутга, хийн буу гаргаж танхайрсан.
Монгол ур чадвар 2023 тэмцээний гагнуурын мэргэжлийн сүүлийн шатны тэмцээн нийслэл хотноо Техник Технологийн Политехник Коллежид болж байна. Гуравдугаар шатанд Өмнөговь аймаг дахь Политехник Коллежийн оролцогч Б.Чухал, Герман-Монголын МСҮТ-ийн оролцогч Г.Отгонцэцэг нар шалгаран өрсөлдөж байгаа юм.
Эх сурвалжийн мэдээлснээр, 12 долоо хоног үргэлжлэх арга хэмжээ 12 дугаар сарын 16-ны өдөр эхэлж, Таргалалттай тэмцэх дэлхийн өдөр тохиодог гуравдугаар сарын дөрөвнийг хүртэл үргэлжлэх юм байна. Тэмцээнд биечлэн, цахимаар, хамт олноороо болон хүүхдүүд, сургуулийн ажилтнууд гэсэн нийт дөрвөн төрөлд оролцох боломжтой аж.
Японы Сайтама мужид амьдардаг 30-40 насны эр сармагчны цэцэг өвчний улмаас нас барсан нь тус улсад бүртгэгдсэн анхны тохиолдол болжээ. Энэ талаар Японы Эрүүл мэндийн яам мэдэгдсэнийг NHK дамжуулсан байна.
УИХ дахь АН-ын бүлгийн гишүүд мэдээлэл хийлээ.
Оросын Холбооны Улсын Нижегородск мужийн хурал хувийн эмнэлгүүдэд үр хөндөлт хийхийг хориглох тухай хуулийн төслийг Төрийн думд өргөн барьжээ. Энэ нь улс даяар үр хөндөлтийг хориглох эхний алхам гэж "Важные истории" мэдээлсэн байна.
Орост энэ он гарснаас хойш 12 дугаар сарын 11-ний өдрийг хүртэлх хугацаанд тахианы өндөгний үнэ 46,2 хувиар нэмэгдсэн талаар Оросын Статистикийн газар мэдээлжээ.
PUBG Mobile-ын дэлхийн аварга шалгаруулах тэмцээн буюу "PUBG Mobile Global Championship 2023" Туркийн Истанбул хотноо болж өндөрлөсөн. Тус тэмуцээнд дэлхийн хамгийн шилдэг 16 баг тоглосон. Финалд Монголын гурван баг тоглосноос "IHC Esports" баг түрүүллээ. Тус тэмцээнд Монголын дөрвөн баг оролцсон бөгөөд "NB Esports" баг Last Chance-ын өмнөх "Survival Stage" шатнаас тэмцээнээ өндөрлүүлсэн билээ. Амжилт дүүрэн ирсэн IHC багийг ЦХХХ-ны сайд Н.Учрал “PUBG Mobile” цахим спортын тэмцээнд амжилт гаргасан багуудыг хүлээн авч уулзан, шагнал гардууллаа.
Энэ жил 81 нас хүрсэн өнөөгийн Ерөнхийлөгч Байден олны өмнө хүн, улсын нэр андуурч хэлэх тохиолдол олонтаа гарч, үүнийг Америкт "байденизм" хэмээн хошигнон нэрлэдэг болсон юм. Түүний энэ алдааг Бүгд Найрамдахчууд өрсөлдөөндөө ашиглаж, Байденыг төрийн тэргүүн байхад бие болон оюуны эрүүл мэндийн хувьд чадамжгүй нэгэн гэж шүүмжилдэг юм.
Намын санхүүжилттэй холбоотой дуулианы улмаас Японы Сайд нарын танхимын гишүүд ар араасаа огцрох өргөдлөө өгч байна. Өмнө нь Хөдөө аж ахуйн сайд болон Эдийн засгийн сайд огцрох өргөдлөө өгсөн талаарх мэдээлэл гарч байсан бол энэ удаад Сайд нарын танхимын Ерөнхий нарийн бичгийн дарга огцрохоор болжээ.
Засгийн газраас өвлийг хохирол багатай даван туулах, цаг агаарын аюулт болон гамшигт үзэгдлээс урьдчилан сэргийлэх, гамшгийн үед хариу арга хэмжээ авах чиглэлээр анхаарч, Гамшгаас хамгаалах бэлэн байдлын зэрэгт шилжүүлэн холбогдох арга хэмжээг шуурхай авч хэрэгжүүлж байна.
АНУ-ын Ерөнхийлөгч асан Дональд Трамп өнөөгийн Ерөнхийлөгч Жо Байденыг байнга шүүмжилдгийн дээр түүнийг төрийн эрхэнд үлдээхгүйн тулд ирэх онд болох Ерөнхийлөгчийн сонгуульд оролцоно гэж мэдэгдэж байлаа. Энэ удаад ч тэрбээр Байденыг шүүмжилж, хамгийн муу ерөнхийлөгч гэж мэдэгджээ.
Монгол Улсаа төлөөлөн 31 тамирчин, олон улсын шүүгч, дасгалжуулагч Б.Баасандорж, Ө.Сэнгэсамдан нарын хамт амжилттай оролцон нийт 90 медалиас 15 алт, 18 мөнгө, 19 хүрэл буюу нийт 52 медаль, долоон цомын эзэд болж багаараа дэлхийн аварга боллоо.Манай тамирчид ийнхүү багаараа дэлхийн таван удаагийн аварга баг болж байна
Олон нийтийн цахим сүлжээнд өчигдөр /2023.12.13/ "Настай хүнийг ингэж дээрэлхэж болохгүй, энэ машиныг шалгахыг иргэд шаардаж байна" гэх бичлэг нийтлэгдсэн.
DW агентлагийн мэдээлснээр, олон улсын зүгээс шахалт дарамт ирж байгаа ч ХАМАС-ын эсрэг дайныг үргэлжлүүлнэ гэж Биньямин Нетаньяху мэдэгджээ. "Олон улсын зүгээс шахалт дарамт ирсэн ч эцсийг нь хүртэл, ялах хүртлээ, ХАМАС-ыг устгах хүртлээ бид үргэлжлүүлэн тэмцэнэ. Юу ч биднийг зогсоохгүй" гэж Нетаньяху Израилын өмнөд хэсэгт байх цэргийн баазад очиж, цэргүүдтэй уулзах үеэрээ мэдэгджээ.