Цахим залилангийн хохирогч болохгүйн тулд бид юуг мэдэж байх ёстой вэ?
Олон нийтийн сүлжээг дэлхий дахинд өдөрт 2.77 тэрбум хүн идэвхтэй ашиглаж байна. Эдгээр идэвхтэй хэрэглэгч дунд хуурамч хаягтай, эсвэл эх сурвалж нь баталгаагүй холбоос болох сонжоо, тоглоом зэрэг албан бус мэдээллийн сайтаар дамжуулан таны мэдээллийг олж авч, ингэснээр цахим хэтэвч болсон интернэт банкийг тань хоослох зорилготой, энэ төрлийн цахим гэмт хэрэгтнүүд олширсоор байна. Үүнээс сэргийлэхийн тулд та бүхэн олон нийтийн сүлжээ ашиглахдаа хянуур, болгоомжтой байснаар цахим гэмт хэрэгт өртөхөөс сэргийлэх боломжтой. Иймд олон нийтийн сүлжээ ашиглахдаа аюулгүй байдлаа хэрхэн хамгаалах талаар дараах зөвлөмжүүдийг хүргэе.
