"Нийтээр тэмдэглэх баярын болон тэмдэглэлт өдрүүдийн тухай" хуульд зааснаар арванхоёрдугаар сарын 29-ний өдөр бүх нийтээр амарна. Тодруулбал,"Нийтээр тэмдэглэх баярын болон тэмдэглэлт өдрүүдийн тухай" хуулийн Нийтээр тэмдэглэх баярын өдөрт Үндэсний эрх чөлөө, тусгаар тогтнолоо сэргээсний баярын өдөр буюу 12 дугаар сарын 29-н багтдаг бөгөөд энэ өдөр бүх нийтээрээ амардаг.
Дөрөлж нууранд шатахуун ачсан автомашин нуур руу цөмөрч живсэн талаар өмнө бид мэдээлсэн. Тус машиныг татаж гаргах ажиллагаа хоёр дахь өдрөө үргэлжилж байна.
Өнөөдөр Улаанбаатар хотод суурин 173, явуулын 37, түр 14 цэгт 226 багийн 980 эмч, ажилтан ажиллаж, 12.780 иргэнийг дархлаажуулахаар төлөвлөлөө. Томоохон зах, худалдааны төвд 14 түр цэг, их дээд сургуулиудад 37 явуулын баг ажиллаж байна. Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 09:00-20:00 цаг хүртэл ажиллана.
УЛААНБААТАР ХОТ ОРЧМООР: Үүл багасна. Цас орохгүй. Салхи баруун өмнөөс секундэд 5-10 метр. Өдөртөө 2-4 градус хүйтэн байна.
Монгол, Энэтхэгийн хууль тогтоох дээд байгууллагууд хамтын ажиллагааны сайхан уламжлалтай. Миний энэ удаагийн айлчлал манай хоёр орны “Стратегийн түншлэл”-ийг гүнзгийрүүлэн хөгжүүлэхэд болон парламент хоорондын хэлхээ холбоог өргөжүүлэхэд чухал ач холбогдолтой болно гэдэгт итгэлтэй байна.
Манай консулын газраас хохирогч охины гэр бүлийнхэн болон цагдаагийн байгууллага, сургууль, хүүхдийн эрхийн байгууллагуудтай хамтран байнгын холбоотой ажиллаж байна. Хохирогч охины ар гэрийнхэн шүүхийн шийдвэрт сэтгэл дундуур байгаа. Мөн энэ асуудлаар давж заалдах хүсэлтэй байгаагаа илэрхийлсэн. Мөн хэвлэл мэдээллээр гарч байгаа нь хохирогч охины сэтгэлзүй болон ар гэрийнхний нэр хүнд болон бусад асуудалд эмзэглэж байгаагаа илэрхийлж байгаа. Тиймээс Консулын газар цаашид хохирогч охины асуудалд анхаарал хандуулж ажиллаж болно
Зудын эрсдэлийн зургийг боловсруулахдаа өнгөрсөн зуны ган, зуншлага, 2021-2022 оны өвөл-хаврын бэлчээрийн даац, бэлчээрийн ургац, малын тоо, агаарын температур, хур тунадасны хазайлт, энэ жилийн цасны бүрхэц, зузаан болон агаарын температур, хур тунадасны урьдчилсан мэдээ зэрэг мэдээллийг ашигласан.
ГХЯ-наас охины ээжтэй болон БНСУ-ын Өмнөд Кёнгсан мужийн Янгсан хотын Цагдаагийн газрын Эмэгтэйчүүд, хүүхдийг гэмт хэргээс урьдчилан сэргийлэх хэлтсийн дарга Ким Янг Жунтэй өнөөдөр өглөө 08 цагт холбогдож нөхцөл байдлыг тодруулсан байна.
Чуулганаар бүс нутгийн удирдлагуудын тайлан, Азийн олимпын зөвлөлийн Тамирчдын хороо, Соёл боловсролын хороо, Санхүүгийн хороо, Ёс зүйн хороо, Хэвлэл мэдээллийн хороо, Эмэгтэйчүүд ба спортын асуудал хариуцсан хороодын тайлан мэдээллийг сонсож, асуулт хариулт явагдлаа. Энэхүү хурлаар Ази тивд олимпын хөдөлгөөнийг тогтвортой байлгахад өндөр ач холбогдол өгч, цаашид зохион байгуулагдах Азийн дөрвөн наадмын (“Ханжоу-2022”, “Айчи-Нагоя-2026”, “Доха-2030”, “Эр Рияд-2034”) Зохион байгуулах хороодын мэдээллийг сонсож хэлэлцлээ.
Мөн цаг уурын өртөө, харуулын цасны зузааны мэдээгээр нутгийн хойд хэсгээр 1-24 см зузаан цасан бүрхүүл тогтжээ. Үүний хамгийн их нь Увсын Малчинд 24 см, Хяргас 10 см, Баян-Өлгийн Даянд 15 см, Баянхонгорт 12 см, Хөвсгөлийн Чандагатад 9 см, бусад хэсгээр 1-8 см зузаан байна.
Сүүлийн 24 цагийн хугацаанд шинээр 441 тохиолдол шинжилгээгээр батлагдсан байна. Үүний 274 нь Улаанбаатарт, 167 нь орон нутагт бүртгэгджээ. Мөн хугацаанд халдварын улмаас 41-80 насны 3 хүн нас барсан байна. Өнөөдрийн байдлаар эмнэлэгт 5 300 хүн хэвтэн эмчлүүлж байна. Тэдний 2073 -ын биеийн байдал хөнгөн байгаа бол 167 иргэний бие нэн хүнд байна.
Он гарсаар улсын хэмжээнд гол, нуурын мөс цөмөрсөн 13 удаагийн тохиолдол бүртгэгдэж, 3 хүн амь насаа алдсан байна. Өнөөдрийн байдлаар Хөвсгөл аймгийн Цагаан-Уул сумын Тосон багийн “Дөрөлж нуур” гэдэг газар /аймгийн төвөөс баруун хойд зүгт 144 км, сумын төвөөс зүүн урд зүгт 10 км/ шатахуун ачсан автомашин чиргүүлийн хамт нуур руу цөмөрч орсон дуудлагаар аймгийн Онцгой байдлын газрын алба хаагчид татан гаргах ажиллагааг зохион байгуулж байна.
Хөвсгөл аймгийн Цагаан-Уул сумын Тосон багийн “Дөрөлж нуур” гэдэг газар Шатахуун ачсан автомашин чиргүүлийн хамт нуур руу цөмөрч орсон тухай дуудлагыг өчигдөр буюу арванхоёрдугаар сарын 01-ний өдрийн 22:35 цагт хүлээн авжээ. Тус аймгийн Онцгой байдлын газрын Цагаан-Уул сум дахь Гал түймэр унтраах, аврах 73 дугаар ангийн алба хаагчид 23:00 цагт очиход Мөрөн сумаас Цагаан-Уул чиглэлд зорчин явсан шатахуун жижиглэн борлуулдаг компанийн жолооч 45 настай Э /эрэгтэй/-ийн “ZZ1257 Хово” загварын 32 тн шатахуун ачсан, чиргүүлтэй автомашин нуурын мөс цөмөрч живсэн бүхээгний хэсэг ил гарсан байдалтай байжээ. Автомашины жолооч аюулгүй гарсан байна.
Өнөөдөр Ерөнхийлөгчийн Тамгын газрын цахим хуудсанд миний тэтгэлэгт хамрагдсан талаарх видео цацагдсан. Ангийнхан, найзууд маань үзсэн байна лээ. Найзууд маань утас гацтал баяр хүргэж чат бичиж байна./инээв/ Би Монгол Улсын хамгийн анхны эмэгтэй ерөнхийлөгч болох зорилготой. Гадны их дээд сургуульд суралцаж ирээд эх орноо импортолдог бус экспортолдог орон болгохын төлөө ажиллана гэж боддог.
Өнөөдөр Улаанбаатар хотод суурин 173, явуулын 8, түр 13 цэгт 196 багийн 897 эмч, ажилтан ажиллаж, 11420 иргэнийг дархлаажуулахаар төлөвлөлөө. Томоохон зах, худалдааны төвд 13 түр цэг ажиллаж байна. Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 09:00-20:00 цаг хүртэл ажиллана.
Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнес эхлэх, цар ихтэй үйлийг эхлэх, бясалгал хийх, доодсыг асран өглөг, ханлив өргөх, сүм дуганыг сэргээх, бүжиг наадам хийх, цэцрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу.
Нутгийн зүүн хагаст солигдмол үүлтэй. Увс нуурын хотгор, Хэнтийн уулс, Онон, Улз, Халх голын сав газраар ялимгүй цас орж, явган шуурга шуурна. Бусад нутгаар багавтар үүлтэй, цас орохгүй.
“Улаанбаатар хот: Хөгжлийн чиг хандлага” форум үргэлжилж байна. Форум гурван хэсгээс бүрдэх бөгөөд эхнийх нь “Улаанбаатар хотын эдийн засгийн чадавхийг нээх нь”. Энэ хүрээнд Нийслэлийн Засаг даргын Төсөв, санхүү хариуцсан зөвлөх Д.Батмөнх “Хуулиар нээгдсэн эдийн засгийн шинэ боломжууд” сэдвээр илтгэл тавилаа.
Улсын онцгой комиссын дэргэдэх Эрдэмтэн судлаачдын багаас коронавируст халдварын шинэ хувилбар болох “Омикрон” вирусын урьдчилсан мэдээлэлд үндэслэн судалгаа хийж байна.
“Улаанбаатар хот: Хөгжлийн чиг хандлага” форум болж байна.