Өнөөдөр аргын тооллын 2020 оны наймдугаар сарын 24. Даваа гараг. Билгийн тооллын XVII жарны "Хотолыг баригч" хэмээх Шороон хулгана жилийн намрын тэргүүн хөх бичин сарын Билгийн тооллын 6. Сумъяа гараг. Салхины эх одтой, хоёр хар мэнгэтэй шарагчин гахай өдөр.
Малчид, иргэд, хадланчдын анхааралд: Өнөөдөр нутгийн хойд хэсгээр бороо орж, сэрүүхэн байна.
Монгол Улсын Ерөнхийлөгчийн зарлигаар энэ жил Баянгол дүүргээс нийт 622 ээжид, үүнээс “Эхийн алдар” Нэгдүгээр зэргийн одонг 22, “Эхийн алдар” Хоёрдугаар зэргийн одонг 600 ээжид тус тус хүртээв. Эдгээр ээжүүдийн дотор хоёр удаа хоёр ихэр хүүхэд төрүүлж, зургаан хүүхэд өсгөж байгаа Баянгол дүүргийн дөрөвдүгээр хорооны иргэн Эрдэнэчимэгийн Одонцэцэг байгаа юм.
Манай улсын хувьд өчигдөр (2020.8.22) 267 хүн ажиглалтаас гарч, 278 хүн шинээр ажиглалтад орж, одоогоор 3228 хүн тусгаарлах ажиглалтад байна. Цэргийн төв эмнэлэгт тусгай үүргийн онгоцоор ирсэн 54 хүний гурвынх нь биеийн байдал хүндэвтэр байгаа аж. Одоогоор ХӨСҮТ-д 10 хүн эмчлүүлж байгаа. Эдгээр хүний найм нь хөнгөн, хоёр хүний биеийн байдал хүндэвтэр байна.
ХӨСҮТ-ийн хоёр лаборатори, Дархан-Уул аймгийн лабораторид нийт 546 хүнд шинжилгээ хийлээ. Коронавирус илрээгүй.
Үүлшинэ. Бага зэргийн бороо орно. Салхи баруун өмнөөс баруун хойш эргэж секундэд 6-11 метр. Өдөртөө 22-24 хэм дулаан байна.
Мод суулгах, нарийн зөвлөгөөн хийх, сэтгэлд сэвтэй газар очиход муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал бие эрхтний, хүч сайжирна хэмээжээ.
Газрын харилцаа, барилга хот байгуулалтын салбарын удирдах ажилтны зөвлөгөөн Өвөрхангай аймагт болж байна. БХБ-ын сайд Б.Мөнхбаатар зөвлөгөөнийг нээж үг хэллээ.
Улаанбаатар хотын Олон улсын нисэх онгоцны шинэ буудлын үйл ажиллагааг 2020 оны 10 дугаар сарын 1-ний өдрийн дотор эхлүүлэх арга хэмжээ авах тухай Монгол Улсын Засгийн газрын 2020 оны 6 дугаар сарын 19-ний өдрийн 227 дугаар тогтоолын биелэлтийг хангах бэлтгэл ажлын хүрээнд ИНЕГ, “Нью Улаанбаатар Интернэйшнл Эйрпорт” ХХК-ийн хамтарсан ээлжит 26 дугаар уулзалт, хурал ИНЕГ-т боллоо.
Нийслэлийн Онцгой байдлын газрын даргын тушаалаар Онцгой байдлын байгууллагын 2020 оны Сургуулийн жилийн сүүлийн хагас, II үеийн хичээл, сургалтыг эхлүүлэх бэлтгэлийг хангах, алба хаагчдын хууль эрх зүйн мэдлэг, мэргэжлийн ур чадварыг дээшлүүлэх зорилгоор бүтцийн нэгжүүдийн Сургалт, урьдчилан сэргийлэх, олон нийттэй харилцах асуудал хариуцсан мэргэжилтэн, сургагч багш нарын нэгдсэн сургалт, дадлагыг 2020 оны 08 дугаар сарын 20,21-ний өдрүүдэд зохион байгуулж байна.
Барилга, орон сууц 2020” үзэсгэлэн яармагт нээлтээ хийж байна. Үзэсгэлэн яармагт барилгын салбарын шилдэг ААН байгууллагууд оролцож захиалга авч байгаа шинэ орон сууцны төслүүд, зах зээлд нэвтэрч байгаа шинэ материал, дэвшилтэт технологийг олон нийтэд танилцуулна.
Төрийн бус өмчийн сул орон зайг ашиглаад 5087 хүүхдийг хувийн цэцэрлэгт төрийн өмчийн зардлаар авах ажлыг хийнэ. Анги танхимын хүрэлцээ тааруу байгаа зарим цэцэрлэгүүдэд зориулалтын байрилга түрээсэлж ажиллах зэрэг ажлууд Нийслэлийн боловсролын газрууд, аймгуудаас мэдээлэл авч, зохион байгуулалтын ажлууд хийгээд явж байна.
ХӨСҮТ-ийн хоёр лаборатори, ЗӨСҮТ-ийн лаборатори, Дархан-Уул аймгийн лабораторид нийт 709 хүнд шинжилгээ хийлээ. Коронавирус илрээгүй.
Увс аймгийн Цагаанхайрхан суманд 250 хүний суудалтай Соёлын төвийн шинэ барилга ашиглалтад орлоо. Сумын соёлын төв 1987 онд одоогийн үйл ажиллагаа явуулж буй барилга нь "Ардын театр" нэртэйгээр байгуулагдсан бөгөөд 1990 оноос эхлэн соёлын арга хэмжээ зохион байгуулсаар иржээ.
Истанбул-Улаанбаатар чиглэлийн тусгай үүргийн онгоц өнөөдөр /2020.08.21/ өглөө 08:15 цагт Улаанбаатарт газардлаа. Энэ онгоцоор 268 иргэн эх орондоо ирл
Нийслэлийн Засаг даргын үүрэг гүйцэтгэгч Ж.Батбаясгалан, нийслэлийн Засаг даргын Агаар, орчны бохирдлын асуудал хариуцсан төслүүдийн удирдагч Д.Мөнхжаргал болон нийслэлийн холбогдох мэргэжилтнүүд өнөөдөр Баянгол дүүргийн 14, 15 дугаар хорооны нутаг дэвсгэрт ажиллалаа. Баянгол дүүргийн 14 дүгээр хорооны 4, 14, 16 дугаар байрны дунд буюу Ачлал их дэлгүүрийн хойд талд байрлах нийтийн эзэмшлийн талбайг хувийн компани авсан асуудлыг иргэд, оршин суугчид шүүмжилж, асуудлыг шийдвэрлэж өгөхийг хүссэн юм.
Үүлшинэ. Дуу цахилгаантай бага зэргийн аадар бороо орно. Салхи зүүн өмнөөс секундэд 6-11 метр, борооны өмнө түр зуур ширүүснэ. Өдөртөө 24-26 хэм дулаан байна.
Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Балжиннямтай өдөр. Үс шинээр үргээлгэх буюу засуулбал эд малтай баялаг төгс болно хэмээжээ.
Шуурхай штабын дарга хурандаа Б.Ууганбаяр тэргүүтэй ажиллаж байгаа 69 хүн байгаа. Найман байгууллагын албан хаагчид салбар хоорондын уялдаа холбоог ханган ажиллаж байгаа. Тухайн хүмүүсийг УИХ-ын гишүүн С.Одонтуяагийн гарын үсэгтэй бичиг очиж шалгаж байгаа. Мөн өөрсдөө хүсэлт гаргаад хууль хүчний байгууллагаар шалгуулж байна. Одоогийн байдлаар хөрөнгө мөнгөтэй холбоотой тогтоогдож байгаа зүйл алга.
Орхон аймгийн Онцгой байдлын газрын Гэрээт гал түймэр унтраах, аврах 58 дугаар ангийн зүгээс Эрдэнэт үйлдвэр Төрийн өмчит үйлдвэрийн газрын удирдлагуудад тус ангийн гадна бохирын шугам, дулааны шугамыг солиулах ажлын төлөвлөгөө, зураг төслийг танилцуулж хөрөнгө оруулалтыг батлуулан 2020 оны 3 дугаар улиралд дээрх ажлын нэг болох ангийн гадна дулааны шугамыг солих ажлыг 2020 оны 07 дугаар сарын 29-ний өдрөөс эхлүүлэн ажиллаж байна.