“Бүхнийг ялалтын төлөө”
1941 оны арваннэгдүгээр сард Улаан армид зориулан Монголын ард түмний хуримтлуулсан бэлгийн анхны цувааг илгээв. 1942 оны хоёрдугаар сард бэлгийн хоёр дахь цувааг илгээв. Гучин долоон вагон бэлгийн цуваанд 148 тн 100 кг төрөл бүрийн мах, 8 тн хиам, 10тн боов боорцог, 4,5 тн тос, 8000 литр архи, 5,5 сая ширхэг папирос, 2750 хос эсгий гутал, 2706 дах, 4100 дулаан хантааз, 1320 богино нэхий дээл, 6290 хос бээлий, 4500 гэрийн эсгий, 2000 суран бүс болоод савхин гутал, хүзүүний ороолт, хөвөнтэй хувцас, чихэр, лаазтай сүү багтжээ.
