Даваа гарагт болсон ээлжит эсэргүүцлийн жагсаалын үеэр 142 хүнийг цагдаагийнхан саатуулсан талаар France Press агентлаг мэдээлжээ. Жагсаалын үеэр эсэргүүцэгчид болон хууль сахиулагчдын дунд мөргөлдөөн гарч, хүмүүсийг тараахын тулд нулимс асгаруулагч хий ашигласан байна. Эх сурвалжийн мэдээлснээр, Страсбург, Лион зэрэг бусад хотуудад ч цагдаагийнхантай мөргөлдсөн тохиолдол гарчээ.
Цэв цэнхэр, гүн хөх тэнгэр Улаанбаатарыг бүрхэнэ. Европын хотууд намраас хавар хүртэл уйтай хүйтэн бороо цутгасан бараан, бүүдгэр тэнгэртэй байхад энд хөх тэнгэр таныг угтана. Монголд ямар ч үед, тасхийм жаварт ч нарны гэрэлт тодрон гэрэлтэх хөх тэнгэр сэтгэл дулаацуулна. Бараг өдөр бүр л ийм.
Үүний дараа, Оросын Мөрдөн шалгах хороо Олон улсын эрүүгийн шүүхийн прокурор Карима Ахмад Хан болон Томоко Аканэ, Розарио Сальваторе Айтала, Серхио Херардо Угальде Годинес гэсэн шүүгчдийн эсрэг эрүүгийн хэрэг үүсгэжээ. Оросын Мөрдөн шалгах хорооны үзэж байгаагаар Путин болон Львова-Беловагийн эсрэг эрүүгийн хэрэг үүсгэсэн нь "хууль бус, учир нь эрүүгийн хариуцлагад татах үндэслэл байхгүй" гэнэ.
Сонирхуулахад, энэ зочид буудал захиалга ихтэй, энэ оныг дуустал бүх өрөөний захиалга дүүрчээ. Энэ буудлын хамгийн өндөр үнэтэй өрөөнүүдийн нэг болох "Амбассадор"-т нэг шөнө хоноглоход 90 мянган рубль буюу 4,5 сая орчим төгрөг байдаг аж. Харин Ши Жинпинийн байрласан "Хуамин" хэмээх ерөнхийлөгчийн өрөөний үнэ хөлсний талаарх мэдээллийг сайт дээрээ бичээгүй байна.
Уулзалтын үеэр хоёр талын төрийн тэргүүн олон асуудал хэлэлцэхийн дотор Хятад руу Оросын техник, технологийн шийдлүүдийг нийлүүлэх талаар ярилцана гэж шинжээчид үзэж байна. Мөн эдийн засгийн багц хэлэлцээрийг батлах төлөвтэй байгаа аж. Эдгээрийн дунд "Сибирийн хүч-2", Сквородино-Мохэ газрын тосны хоолойг өргөжүүлэх, энхийн атом, үндэсний валютаар хийх худалдааг өргөжүүлэх зэрэг асуудлууд багтаж магадгүй талаар шинжээчид онцолжээ.
Тун удахгүй дэлхий дахин усны хямралтай нүүр тулна гэж цаг уур судлаачид болон гидрологчид анхааруулж байна. Тэдний үзэж байгаагаар 2030 он гэхэд цэвэр усны эрэлт нийлүүлэлтээсээ 40 хувиар давах гэнэ.
Тайванийн тэргүүн асан Ма Инжю эх газрын Хятадад айлчлахаар төлөвлөж байгаа бөгөөд энэ нь 70 жилд тохиож буй анхны айлчлал гэж South Chine Morning Post сонин мэдээлсэн байна.
Оросын Ерөнхийлөгчийн захиргааны дотоод бодлогын хэлтсийн ажилтнууд гуравдугаар сард багтан iPhone утас барихаа болих шаардлагатай болжээ. Энэ талаар хэд хэдэн эх сурвалжаас авсан мэдээлэлтэйгээр Коммерсант мэдээлсэн байна.
Оростой залгаа хил дээр НАТО нэмэлт хүч байршуулж, зүүн чиглэлд 300 мянга орчим цэрэг татан байршуулах асуудлыг хэлэлцэж байгаа гэж Politico сонин мэдээлжээ. Ингэснээр байлдааны ажиллагаа Украины хилээс халих эрсдэлээс сэргийлэх зорилготой гэнэ.
Францад тэтгэврийн насны босгыг дээшлүүлж, тэтгэврийн шинэчлэлийг нэвтрүүлэх зорилготой хуулийг эсэргүүцсэн олон нийтийн эсэргүүцэл үргэлжилсээр байгаа талаар МИР24 мэдээлжээ.
Гуравдугаар сарын 20-ны өдөр Лондон хотноо дэлхийн 40 гаруй орны Хуульзүйн сайд нар чуулахаар төлөвлөжээ. Тэд Олон улсын эрүүгийн шүүхийг дэмжих зорилгоор ийнхүү чуулан зөвлөлдөх аж.
Хятадын Коммунист намын People's Daily мэдээллийн агентлаг хиймэл оюун ухаанаар бүтээсэн Рен Сяорун хэмээх эмэгтэй нэвтгрүүлэгчтэй болжээ. Энэ талаар Жэнминь жибао сонин мэдээлсэн байна. Рен хөтлөгч дэвшилтэт технологи, татвар хураамж, ажил эрхлэл болон "Бүс ба зам" санаачилгатай холбоотой урьдаас өгөгдсөн сэдвүүдээр ярьж чаддаг аж.
Өнгөрсөн оны хоёрдугаар сард ОХУ Украин руу түрэмгийлсний дараа Байдены захиргаа оросуудыг эх орон руу нь албадан гаргах ажиллагаагаа түр зогсоосон юм. Тухайн үед Орос, Украин, Беларусь, Гүрж, Унгар, Молдав, Польш, Словаки, Румын рүү хүмүүсийг албадан гаргахаа зогсоож байлаа. Харин энэ ажлыг сэргээсэн талаарх мэдээлэл гарсны дараа Цагаан ордон энэ мэдээллийг батлаагүй, мөн няцаагаагүй гэнэ.
Оросын дунд сургуулиудад Африкийн орнуудын хэл заах хичээл нэвтрүүлэхээр болжээ. Энэ талаар Москвагийн улсын их сургуулийн Ази, Африкийн орнуудын хүрээлэнгийн захирал Алексей Маслов "Орос-Африк" парламентын хурал дээр мэдэгдсэнийг ТАСС агентлаг дамжуулсан байна.
Өмнөд Солонгост олон нийтийн газар амны хаалт зүүх журмыг шат дараатай цуцалсан ч нийтийн тээврээр үйлчлүүлэхдээ амны хаалт зайлшгүй зүүх журам хэвээр үйлчилж байсан юм. Энэ шийдвэрийг өнөөдрөөс цуцалж байгаа аж.
Украин дахь нөхцөл байдлыг улс төр, дипломат замаар шийдвэрлэх хэлэлцээрт ОХУ нээлттэй гэж тус улсын Ерөнхийлөгч Владимир Путин мэдэгдсэнийг Интерфакс дамжууллаа.
Энэ шүүх Гаагд байрладаг. Гэхдээ Хурлын шүүгчийн хүсэлтээр өөр газарт ч шүүх хурлыг явуулж болдог юм. Олон улсын эрүүгийн шүүхийг мөн л Гаагд төвтэй Олон улсын шүүхтэй андуурах нь олонтаа. Олон улсын шүүх нь НҮБ-ын бүрэлдэхүүнд байдаг бол Олон улсын эрүүгийн шүүх НҮБ-ын харьяанд багтдаггүй, гэхдээ НҮБ-ын Аюулгүйн зөвюлөлийн танилцуулснаар хэрэг үүсгэн шалгаж болдог аж.
Гуравдугаар сарын 19-ний өдөр үл мэдэгдэх этгээдүүд, босогчид байж болзошгүй хүмүүс Хятадын хяналтад байдаг алт олборлох объект руу халдсан гэж Төв Африкийн Бүгд Найрамдах Улсын эрх баригчид мэдэгдсэнийг News18 сайт мэдээлжээ.
Путиний хувьд эрсдэл бий, учир нь улс орнууд Олон улсын эрүүгийн шүүхээс гаргасан баривчлах шийдвэрийг хэрэгжүүлэх үүрэгтэй. Гэхдээ энд нэг жишээ татъя. Арав гаруй жилийн өмнө Олон улсын эрүүгийн шүүх Суданы тухайн үеийн ерөнхийлөгч Омар аль-Баширыг олон хүний амь насыг хөнөөсөн хэрэгт буруутган баривчлах шийдвэр гаргасан. Харин тэрбээр Ромын дүрмийн гишүүн орнуудад болсон төрөл бүрийн арга хэмжээнд оролцоод явж байсан ч аль ч орон түүнийг баривчлаагүй юм.
Сүүлийн жилүүдэд Хятад, Оросын төрийн тэргүүнүүд нягт холбоо харилцаатай байсан гэдгийг Хятадын ГХЯ онцолсон байна. Тодруулбал, сүүлийн. 10 жилийн хугацаанд Ши Жинпинь болон Владимир Путин нар 40 гаруй удаа харилцжээ. Хамгийн сүүлд гэхэд 2022 оны 12 дугаар сард цахимаар уулзсан байна. Үүнээс өмнө хоёр болон зургадугаар сард утсаар ярьсны дээр хоёр талт уулзалтыг хоёронтаа биечлэн хийж байв.