Олон нийтийн байр суурийг судлах бүх Оросын төвөөс хийсэн судалгаагаар Украин дахь дайн эхэлснээс хойш Батлан хамгаалахын сайд Шойгуд хандах иргэдийн хандлага буурч, түүнд итгэх хүний тоо цөөн болсон гэсэн үр дүн гарсан талаар The Moscow Times мэдээлжээ.
АНУ-ын Ерөнхийлөгч тус улсын санхүүгийн систем аюулгүй байгаа гэж мэдэгдсэн ч даваа гарагт дэлхий олон орны банкуудын хувьцаа унасан гэж ВВС мэдээлжээ. Эх сурвалжийн мэдээлснээр, Silicon Valley Bank (SVB) болон Signature Bank гэсэн хоёр банк дампуурсны дараа банкны системийг хамгаалахын тулд бүхий л шаардлагатай арга хэмжээг авна гэж Байден амалсан байна.
Ираны дээд удирдагч Алим Хаменеи зарласан өршөөлийн хүрээнд, Засгийн газрын эсрэг жагсаалд оролцсон 22 мянган хүнийг өршөөсөн гэнэ. Энэ талаар Ираны Шүүхийн тэргүүн Голам Хоссейн Мохсени мэдэгдсэнийг IRNA дамжуулжээ.
Гааг дахь Олон улсын эрүүгийн шүүх Орос Украин руу түрэмгийлсэнтэй холбоотой цэргийн гэмт хэргийн тухай хоёр хэрэг үүсгэж, хэд хэдэн хүнийг баривчлах зөвшөөрөл хүсэхээр төлөвлөж байгаа гэнэ. Энэ талаар холбогдох эх сурвалжуудаас авсан мэдээлэлтэйгээр Нью-Йорк Таймс сонин мэдээлжээ.
Өмнө нь хувийн цэргийн компанийнхан хоригдлуудыг элсүүлдэг байсан бол одоо энэ ажлыг ОХУ-ын Батлан хамгаалах яамны төлөөлөгчид хийж байгаа гэж "русь сидящая" хөдөлгөөний үүсгэн байгуулагч Ольга Романова өгүүлсэн байна. Түүний өгүүлснээр, одоогийн байдлаар Волгоград болон Кемерово мужийн хоёр шоронгоос Батлан хамгаалах яамны төлөөлөгчид хоригдлуудыг цэрэгт гэдэг нь тодорхой гэнэ.
Хойд Солонгос гуравдугаар сарын 12-нд мөн пуужин харвасан бөгөөд үүний дараа Өмнөд Солонгос, АНУ-ын хамтарсан цэргийн сургуулилалт эхэлсэн. Энэ сургуулилалтыг өдөөн хатгалга гэж үзсэн БНАСАУ ийнхүү дахин пуужин харважээ.
Даваа гарагт нисэхийн салбарынхны ээлжит ажил хаялтын улмаас Германы хэд хэдэн нисэх буудлын үйл ажиллагаа доголдож, нислэгүүд цуцлагдсан талаар Евроньюс мэдээлжээ.
Энд дуулгахад, ОХУ-ын Ерөнхийлөгч Владимир Путин Буриадад айлчлахаар төлөвлөж байгаа гэсэн мэдээлэл өнгөрсөн долоо хоногт Буриадын хэвлэлүүдээр гарч байлаа. Путинийг айлчлах үеэр "хачирхалтай үйлдэл гаргахгүй" байхыг Улаан-Үд дэх нисэхийн үйлдвэрийн ажилтнуудад зөвлөсөн талаар "Люди Байкала" үйлдвэрийн ажилтнуудаас авсан эх сурвалжтайгаар мэдээлж байв.
Монгол Улсын иргэн суудлын автомашинаар "Ташант" боомтоор нэвтрэх үед Алтайн гаалийн газрын ажилтнууд машинд шалгалт хийхэд холбогдох баримт бичиггүй барагшуныг хууль бусаар нэвтрүүлэх гэж байсныг илрүүлжээ. Энэ талаар "Горно-Алтайск инфо" мэдээлсэн байна.
Тэрбээр 1970-аад оны сүүлээр, долоон настай байхдаа Вьетнамаас гэр бүлийн хамт дүрвэжээ. Ке Хюи Куан аавтайгаа Хонконгт, харин ээж нь гурван ах, эгч нарынх нь хамт Малайзид очжээ. Ингээд тэдний гэр бүл 1979 онд АНУ руу цагаачилснаар халуун бүлээрээ цуглав. Харин 1984 онд Куан "Индиана Жонс буюу Хувь тавилангийн сүм" киноны халаасны хулгайчийн дүрийн сонсголд санамсаргүй орсон гэдэг. Дараа жил нь The Goonies кинонд дүр бүтээжээ.
Энд дуулгахад, Berwyn шорон хоригдлуудад тав тухтай орчныг бий болгосон гэдгээрээ алдартай. Шоронгийн камер бүрд тусдаа бие засах газар байхын дээр цонхонд нь торгүй, хоригдлууд зурагт үзэж, гар утас, зөөврийн компьютер ашиглах боломжтой байдаг гэнэ.
Лос-Анжелес хотод болж өнгөрсөн 95 дахь удаагийн Оскарын наадмаас өдгөө 60 настай Мишель Йео "Everything Everywhere All at Once" кинод бүтээсэн дүрээрээ "Шилдэг эмэгтэй дүр" нэр төрөлд ялагч болсон юм. Хятад гаралтай Малайзийн жүжигчин тэрбээр ийнхүү Оскар хүртсэнээр энэ шагнал үүссэнээс хойших 95 жилийн түүхэнд Оскар гардсан анхны ази эмэгтэй боллоо.
Канадын эрх баригчид ОХУ-ын хөнгөн цагаан, ган төдийгүй түүгээр хийсэн бүтээгдэхүүнийг импортлохыг хориглох шийдвэр гаргажээ. Энэ талаар Канадын Засгийн газрын албан ёсны сайт дээр мэдээлсэн байна.
Өмнөд Солонгос, АНУ "Эрх чөлөөний бамбай" нэртэй хамтарсан цэргийн сургуулилалтаа эхлүүлжээ. Энэ сургуулилалт нь Хойд Солонгос пуужин харваж, бүс нутагт байдал хурцадсан үед явагдаж байгаагаараа онцлогтой гэж Ёнхап мэдээлсэн байна.
Карьерынх нь хамгийн гол шагнал Бренданд асар өндөр үнэ цэнээр ирсэн юм. Тэрбээр салалтыг даван туулж, депресст орж, ямар ч дүр авч чадалгүй олон жил болсон. Ердөө хэдхэн жилийн өмнө Бренданы карьерыг нэг мөр сүйрсэн гэж үзэж байлаа.
Гуравдугаар сарын тавны өдөр нээлтээ хийсэн Бүх Хятадын Ардын төлөөлөгчдийн хурлын чуулган даваа гарагт өндөрлөлөө. Чуулганы хаалтын ёслол дээр Ши Жинпинь мэдэгдэл хийхдээ Тайванийн асуудалд гадны улс орнууд хөндлөнгөөс оролцож байгааг БНХАУ эсэргүүцсэн хэвээр байна хэмээн онцолжээ. Мөн Тайваньтай нэгдэх явцыг "эргэлт буцалтгүй урагшлуулах" эрмэлзэлтэй байгаа хэмээн мэдэгдсэнийг Синхуа агентлаг мэдээлсэн байна.
Өмнө нь БАФТА шагнал хүртэж байсан энэ кино Оскарын шилдэг кинон нэр төрөлд "Топ Ган", "Аватар-2" зэрэг 10 кинотой өрсөлдөж, ийнхүү шилдэг киногоор шалгарчээ.
АНУ-ын Кино урлагийн академийн "Оскар" шагнал гардуулах ёслол Лос-Анжелес хотын Долби театрт үргэлжилж, шилдгүүдийг тодруулсаар байна. Одоогоор ялагч нь тодорсон нэр төрлүүдийг танилцуулъя.
Канадын найруулагч Дэниэл Роэрын бүтээсэн "Навальный" баримтат кино хоёрдугаар сард Британийн кино урлагийн гол шагнал болох BAFTA-ийн шагнал хүртсэн бол энэ удаад Америкийн Кино академийн Оскар шагналын эзэн болсон талаар бид өмнө нь мэдээлсэн.
Украины Аюулгүй байдлын албаны мэдээлснээр, Александр Мациевский 2022 оны гуравдугаар сард цэргийн албанд татагджээ. Өнгөрсөн оны 12 дугаар сарын сүүлээр тэрбээр Красная гора суурин орчмоос алга болсон, сураггүй болсонд тооцогдож байсан аж. Түүнийг 2022 оны 12 дугаар сарын 30-ны өдөр буудан хөнөөсөн гэдгийг Украины Тусгай алба тогтоосон байна. Цогцосыг нь 2023 оны хоёрдугаар сард ар гэрийнхэнд нь хүлээлгэн өгчээ.