Японы эрх баригчид Хойд Солонгостой холбоотой гурван групп, байгууллага болон нэг хувь хүний эсрэг хязгаарлалтын арга хэмжээ авахаар болжээ. Эдгээр байгууллага, хувь хүн нь БНАСАУ болон түнүий пуужин, цөмийн хөтөлбөртэй холбоотой гэж Японы Сайд нарын танхимын Ерөнхий нарийн бичгийн дарга Хироказу Мацуно мэдэгджээ.
Оросын Ерөнхийлөгч Владимир Путин хоёрдугаар сарын 24-ний өдөр "цэргийн тусгай ажиллагаа" эхлүүлэх тушаал өгснөөр тус улсын арми хөрш орныхоо нутаг руу цөмрөн орсон юм. Ингээд дайн эхэлж, 10 сарын нүүрийг үзээд байна.
Эх сурвалжийн мэдээлснээр, оюутан метроны хамгаалагчтай ярих үеэрээ Украин хөгжин дэвжихийг ерөөсөн нь Оросын армийн нэр хүндийг гутаасан хэрэг гэж шүүх үзэн, 30 мянган рублиэр торгосны дээр жижиг танхайн хэрэгт мөн буруутган 500рублиэр торгожээ.
Энд дуулгахад, Буриад улс Украинд амиа алдсан цэргүүдийнхээ тоогоор Оросын бүгд найрамдах улсуудын дундаас тэргүүлж байгаа улс юм. ВВС болон Медиазона сайтын мэдээлснээр, 11 дүгээр сарын 18-ны байдлаар Буриадын 340 цэрэг Украины дайнд амиа алджээ.
Энэ өвөл Францын оршин суугчид цахилгаан хангамжид тасалдал үүсэхээс сэргийлэхийн тулд цахилгаан эрчим хүчний хэрэглээгээ хэмнэх ёстой гэж тус улсын Ерөнхий сайд үзэж байгаа аж. Түүнчлэн эрчим хүчний хомстолд орохгүйн тулд засгийн газар нь шаардлагатай бүхнийг хийнэ гэж Францын Ерөнхий сайд Элизабет Борн мэдэгджээ.
Украин дахь байлдааны ажиллагаа дууссаны дараа энэ улсыг сэргээн босгох зардал 349 тэрбум долларыг давна гэж Дэлхийн банкны Ерөнхийлөгч Дэвид Мэлпас мэдэгджээ. Түүний өгүүлснээр, ихэнх зардал Украины дэд бүтцийг сэргээн босгоход шаардлагатай аж.
Өмнө нь Японы шигшээ баг Германтай тоглон ялалт байгуулсан нь хөлбөмбөг сонирхогчдын хувьд тааварлаж байгаагүй үйл явдал болсон юм. Японы шигшээ баг ийнхүү ур чадвараа гайхуулж байгаа бол Японоос багаа дэмжихээр ирсэн хөгжөөн дэмжигчид ёс суртахуунаа дэлхийд харуулж, тоглолт бүрийн дараа цэнгэлдэх хүрээлэнг цэвэрлэсээр байна.
Катарт болж буй хөлбөмбөгийн дэлхийн аварга шалгаруулах тэмцээний хэсгийн гурав дахь тоглолтын үеэр Аргентины шигшээ баг ялалт байгуулсныг тэмдэглэж байсан эр буу гарган буудаж, суманд нь найман хүү нь өртсөн талаар Toda Pasion мэдээлжээ.
АНУ-ын Ерөнхийлөгч Жо Байден Владимир Путинтэй Украины асуудлаар хэлэлцэхэд бэлэн хэмээн мэдэгджээ. Тэрбээр Францын Ерөнхийлөгч Эммануэль Макронтай хэлэлцээ хийснийхээ дараа хэвлэлийн хурлын үеэр мэдэгдсэн байна. Гэхдээ Путин тусгай ажиллагаагаа зогсоох шийдвэр гаргасан нөхцөлд хэлэлцээ хийхэд бэлэн, мөн гагцхүү НАТО-той зөвлөлдсөний эцэст Оросын Ерөнхийлөгчтэй харилцана хэмээн онцолжээ.
Хотуудад амьдралын өртөг огцом нэмэгдэх болсон нь Украины эсрэг өдүүлсэн Оросын дайн, Хятад дахь тэг ковид бодлого гэж шинжээчид үзэж байна. Эдгээр хүчин зүйл нь "нийлүүлэлтэд хүндрэл учруулж, валютын ханш нэмэгдэх, дэлхий даяар амьдралын өртөгийн хямрал үүсэх" шалтгаан болсон аж.
Катарт болж буй дэлхийн аварга шалгаруулах тэмцээнийг шүүлгэхээр нийтдээ 36 хүнийг сонгосон бөгөөд тэдний ердөө гурав нь л эмэгтэй шүүгч юм. Тэдгээр нь Францын шүүгч Стефани Фраппар, Руандагийн Салима Мукансанга, Японы иргэн Йошими Ямасита нар бөгөөд тэд пүрэв гарагт эмэгтэй гурвал болж Герман, Коста-Рикагийн тоглолтыг шүүж, түүхэнд үлдлээ.
Хятадад интернет хэрэглэгч хүүхдүүдийн тоо 190 саяыг давжээ. Энэ талаар Хятадын Залуучуудын коммунист холбоо болон Мэдээлэл интернетийн төвөөс гаргасан 2021 оны байдлаарх тайланд дурдсан байна.
Тархинд суулгах чип үйлдвэрлэдэг Neuralink компани хагас жилийн дараа энэ чипээ хүн дээр туршиж магадгүй гэнэ. Энэ талаар Neuralink компанийг үүсгэн байгуулагч Илон Маск компанийн танилцуулгын үеэр мэдэгджээ. Чипийг туршихаас өмнө энэ төхөөрөмж хэвийн ажиллаж чадна гэдгийг мэргэжилтнүүд сайтар нягталж, дараа нь хүний биед суулгана хэмээн тэрбээр мэдэгдсэн байна.
Шинэ судалгааг АНУ, Хятадын эрдэмтэд хамтран хийж, судалгааны үр дүнг Nature сэтгүүл нийтлэсэн байна. Энэ судалгаагаар эрдэмтэд агаар дахь бичил хэсгүүдийн агууламж өндөр байх нь ураг амьгүй болох тохиолдолд нөлөөлдөг болохыг анх удаа тогтоож чаджээ.
Ту-95МС, Н-6К онгоцуудыг Су-30СМ, Су-35С сөнөөгч онгоцууд дагалдан явжээ. Энэ эргүүл нь 2022 оны цэргийн хамтын ажиллагааны төлөвлөгөөний дагуу явагдаж байгаа бөгөөд гуравдагч орнууд руу чиглэгдээгүй гэж БНХАУ-ын Батлан хамгаалах яам мэдэгдсэн байна.
Коронавирусийн халдвар анх бүртгэгдэж байсан Хятад улс цар тахал эхэлсэн цагаас л хатуу хөл хорио, хязгаарлалтын арга хэмжээ авч хэрэгжүүлсээр ирсэн. Дэлхий дахин цар тахлын дараах шинэ нөхцөл байдалд дасан зохицож, хэвийн амьдралдаа шилжсэн өнөөдөр ч Хятад халдварын дэгдэлтийг дарахын тулд тэг ковид бодлогоо баримталсан хэвээр байна.
Орост явуулсан нууц судалгаанаас харахад, Оросын иргэд сүүлийн үед л дайныг эсэргүүцэх нь улам нэмэгдсэн байна. Өмнө нь, 2022 оны долдугаар сард энэ төрлийн судалгаа явуулахад Украинтай хэлэлцээ хийхийг ердөө 30 хувь нь дэмжиж байжээ.
Мета компанийн гүйцэтгэх захирал Марк Цукерберг аппликейшнд хяналт тавьж байгаа Apple компанийн бодлогыг шүүмжилжээ. Хэрэглэгчид ямар программ татаж авахыг Apple дангаар хянаж байгаа нь шударга бус хэмээн Цукерберг үзсэн байна.
Одоо түүний биеийн байдал нь хэвийн, амин үзүүлэлтүүд нь тогтворжсон талаар Пелег эмчилж буй эмч нар мэдэгджээ. Пеле хэвтэж байгаа эмнэлгийн гадна олон сэтгүүлч, шүтэн бишрэгчид нь байнга цуглан, шүтээнийхээ эрүүл мэндийн талаар мэдээлэл сонсохоор хүлээж байгаа гэнэ.
АНУ Хойд Солонгосын эсрэг шинээр тавих багц хоригийг боловсруулахаар ажиллаж байгаа гэж АНУ-ын Ерөнхийлөгчийн Үндэсний аюулгүй байдлын зөвлөх Жейк Салливан мэдэгджээ. Үүний зэрэгцээ бүс нутаг дахь нөхцөл байдлыг зохицуулахын тулд АНУ Хойд Солонгостой хэлэлцээ хийхэд бэлэн байгаа хэмээн онцолсон байна.