Цалин нэмэх, хөдөлмөрийн нөхцөлийг сайжруулахыг шаардсан үйлдвэрчний эвлэлүүд ажил хаялтад уриалж, улмаар Францын томоохон хотуудад бүх нийтийн ажил хаялт мягмар гарагт эхэллээ. France Press агентлагийн мэдээлснээр, Францын үйлдвэрчний эвлэлүүд энэ ажил хаялтад олон сар бэлдсэн байна.
Украинтай хийж буй дайнд Оросын арми Ираны дрон ашиглаж байгаа, Шахед хэмээх нэг удаагийн зориулалттай камиказе дроноор Оросын арми Украины хотуудад цохилт өгсөөр байгааг батлах баримтууд гарч ирсээр байгаа юм. Энэ талаарх мэдээллийг Иран болон ОХУ үүнийг үгүйсгэж байлаа. Харин энэ удаад Иран Орост өмнөхөөс илүү их дрон нийлүүлэхээр болсон талаарх мэдээллийг Ройтерс агентлаг Ираны эх сурвалжуудаас авсан мэдээлэлтэйгээр дамжуулжээ.
SCMP сонины бичсэнээр, Ван Ян Ли Көцяны хамт огцорвол Хятадын Ерөнхий сайдын суудлын төлөөх тэмцэл эхлэх гэнэ. Шинэ ерөнхий сайдын нэрийг парламентын жил бүрийн чуулган дээр зарлах бөгөөд энэ чуулган ирэх оны гуравдугаар сард л болох юм. Харин ирэх ням гарагт намын удирдах байгууллагуудын бүрэлдэхүүн тодорхой болсноор шинэ ерөнхий сайд хэн болохыг таамаглах боломжтой болно.
"What'S Love Got To Do With It" дууны клипэн дээр Тина Тернер хар өнгийн богино даашинз, жийнсэн хүрэмтэй гардаг юм. Тиймээс яг энэ дүрээр нь Барби хүүхэлдэйг бүтээж, гарт нь микрофон бариулжээ.
БНАСАУ-ын пуужин болон цөмийн хөтөлбөртэй холбоотой таван байгууллагын эсрэг Японы засгийн газар хориг тавьсан бөгөөд эдгээр компаниудын хөрөнгө илэрсэн тохиолдолд царцаана гэж Японы сайд нарын танхимын Ерөнхий нарийн бичгийн дарга Хироказу Мацуно мэдэгдсэнийг Kyodo агентлаг дамжуулжээ.
Даваа гарагт Украины нийслэл Киев хот руу Оросын арми удаа дараа цохилт өгч, агаарын түгшүүр зарлаж байлаа. Тухайн үед Оросын арми Ираны камиказе дроноор Украины нийслэлийн дэд бүтцэд ихээхэн хохирол учруулсан талаар Киев хотын дарга Виталий Кличко мэдэгдэж байв. Улмаар өнөөдөр буюу 10 дугаар сарын 18-ны мягмар гарагт Киевт дахин агаарын түгшүүр зарласан талаарх мэдээлэл гарч байлаа.
Оросын дунд сургуулийн багш нарыг сургууль дээр WhatsApp зэрэг гадаадын мессенжерүүд болон интернет сервисүүдийг ашиглахыг хоригложээ. Ийм хязгаарлалт тавьснаар нууц мэдээлэл алдагдах эрсдэлийг багасгана гэж Оросын Гэгээрлийн яамнаас авсан эх сурвалжтайгаар Коммерсант сонин мэдээлсэн байна.
БНСУ болон АНУ-ын Агаарын цэргийн хүчин хамтран томоохон хэмжээний цэргийн сургуулилалт хийхээр төлөвлөж байгаа аж. Энэ талаар БНСУ-ын холбогдох албанаас авсан эх сурвалжтайгаар Ёнхап агентлаг мэдээлжээ.
Аврах ажиллагааны үеэр 68 хүнийг аварч, 360 гаруй оршин суугчийг нүүлгэн шилжүүлжээ. Энэ хэргийн улмаас 19 хүн гэмтэж бэртсэн, тэдний дөрвийг нь Краснодар хязгаарын эмнэлэгт хүргэсэн байна. Эмнэлэгт хүргэгдсэн хүмүүсийн дунд жирэмсэн эмэгтэй хоёр, хүнд гэмтсэн дөрвөн хүний хоёр нь хүүхэд байгаа аж.
Францын Төмөр замын үндэсний нийгэмлэгийн ажилтнууд 10 дугаар сарын 18-ны өдөр ажил хаялт зарлахаар төлөвлөсөн байна. Энэ ажил хаялтын улмаас Францад гал тэрэгний хөдөлгөөний хуваарь ихээхэн зөрчигдөж болзошгүй гэж Тээврийн яамнаас анхааруулжээ.
АНУ-ын Бостоны их сургуулийн судлаачид COVID-19-ийн омикрон штаммын уургийг коронавирусийн анхдагч хувилбартай нэгтгэж, илүү аюултай хувилбарыг лабораторийн нөхцөлд гарган авсан талаар Ройтерс мэдээлжээ.
Даваа гарагийн өглөө цохилтод өртсөн өөр нэг хот нь Одесс байлаа. Нэг удаад л ашиглагддаг камиказе дроны цохилтын улмаас дэд бүтцэд хохирол учирсан талаар орон нутгийн эрх баригчид мэдээлжээ. Түүнчлэн мөн өдөр Сумск болон Днепропетровск мужуудад Оросын арми цохилт өгсөн байна.
Орос, Украины хооронд олзны хүмүүсийг солилцох ээлжит солилцоо 10 дугаар сарын 17-ны өдөр болжээ. Энэ удаагийн солилцоогоор Украины 108 эмэгтэй эх орондоо буцсан талаар ВВС агентлаг мэдээлсэн байна.
Сүүлийн 13 жилийн 12-т нь энэ хүндтэй шагналыг Лионель Месси, Португалийн Криштиану Роналду нар л ээлжлэн хүртэж байв. Аргентиний хөлбөмбөгчин Месси долоон удаа "Алтан бөмбөг"-ийн эзэн болсон бол Криштиану Роналду таван удаа энэ шагналыг хүртжээ.
Эх сурвалжийн мэдээлснээр, хориг арга хэмжээний жагсаалтад Ираны 11 хувь хүн, дөрвөн байгууллага багтсан байна. Тэднийг есдүгээр сарын дунд үеэр Махса Амини бүсгүйн үхэлтэй холбоотойгоор дэгдсэн эсэргүүцлийн жагсаалыг хүч хэрэглэн дарсан хэрэгт буруутгаж байгаа аж.
Украинд өдүүлсэн дайны улмаас Орос дахь нэн ядуу хүмүүсийн тоо 2022 онд 8,3 саяар өснө, тэдний 2,9 нь хүүхэд байна гэж НҮБ-ын Хүүхдийн сан (ЮНИСЕФ) мэдэгдсэнийг Ройтерс агентлаг дамжуулжээ.
Ейск хотын орон сууцны хороололд онгоц сүйрсний улмаас гарсан гал түймэр 2000 квадрат метр талбайг хамарсан, хэргийн газарт Краснодарын хязгаар болон хотын бүхий л аврах, гал унтраах ангиуд ажилласан байна. Улмаар орон нутгийн цагаар 20:30 цагт гал сөнөөгчид галыг цурманд оруулж, шөнө дунд гал түймрийг бүрэн унтрааж дуусжээ.
ОХУ хоёрдугаар сарын 24-ний өдөр Украинд халдсанаасаа хойш ихээхэн хохирол амссан талаар барууны тагнуулын албад мэдээлсээр байгаа юм. ОХУ цэргийн хохирлоо "төрийн нууц" гэсэн шалтгаанаар нийтэд мэдээлдэггүй ч есдүгээр сарын 17-нд хэсэгчилсэн дайчилгаа зарласан нь бие бүрэлдэхүүн ихээхэн хохирол амссан гэдгийг батлах нэгэн үйл явдал болж байлаа. Үүнээс өмнө Оросын хорих газруудаар "Группа Вагнера" хувийн цэргийн компанийн төлөөлөгчид явж, хоригдлуудыг гэрээт цэргээр элсүүлж байгаа гэх мэдээлэл олонтаа гарч байлаа. Харин энэ удаад Оросын эрх баригчид хоригдлуудад мөнгө амлаж, гэрээт цэргээр татах биш харин албан журмаар дайчлахаар шийдсэн бололтой.
АНУ-ын Вашингтон мужийн эрх баригчид 1000 гаруй байшингийн оршин суугчдыг нүүлгэн шилжүүлэхээр болсноо зарлажээ. Энэ нь Канадтай залгаа хил дээр ойн түймэр асаж байгаатай холбоотой гаргасан шийдвэр гэж Ассошейтед пресс агентлаг мэдээлсэн байна.
Их Британийн хатан хаан II Элизабетийг таалал төгссөний дараа британчууд эмгэнэл илэрхийлэн, хатан хааныхаа дурсгалд зориулан ордны гадна олон тооны чихмэл тоглоом авчирж тавьж байсан. Эдгээр тоглоомуудын дунд Паддингтон бамбарууш олон байсан бөгөөд хатан хаан II Элизабет цагаан алтан ойгоо тэмдэглэх үеэр хатан хаан ийм бамбарууштай хамт цай ууж байгаа бичлэг гарч байсан тул ийнхүү энэ тоглоомыг сонгон авчирж байсан аж.