Ингээд намын дотоод сонгуулиар Гадаад хэргийн сайд Лиз Трасс намын даргаар тодорч, ингэснээр Их Британийн Ерөнхий сайдын албыг хаших болсон юм. Тэрбээр Их Британийн Ерөнхий сайдын суудалд очиж буй гурав дахь эмэгтэй болж байна.
Есдүгээр сарын таванд Афганистаны нийслэл Кабул хот дахь Оросын Элчин сайдын яамны гадаа амиа золиослогч өөрийгөө дэлбэлсний улмаас 20 хүн амиа алдсаны дотор Оросын дипломат албаны хоёр ажилтан байсан талаарх мэдээлэл гарч байлаа.
Оросын "Коммерсант", "Ведомости" агентлагуудын тусгай сурвалжлагчаар ажиллаж байсан сэтгүүлч Иван Сафроновыг Москва хотын шүүх төрөөс урвасан гэмт хэрэгт буруутгаж, хатуу дэглэмтэй хорих ангид 22 жил хоригдох ял оноожээ. Энэ талаар ВВС агентлаг мэдээлсэн байна.
Ираны шүүх ЛГБТ-ын хоёр идэвхтнийг "дэлхий дахинд завхайрлыг түгээн дэлгэрүүлсэн" гэсэн шариатын хуулийн заалтаар цаазын ял оноохоор болжээ. Энэ талаар Курдийн Hengaw хүний эрхийн байгууллагаас авсан эх сурвалжтайгаар ВВС агентлаг мэдээлсэн байна.
Үүний араас Германд олныг хамарсан жагсаал болжээ. DW агентлагийн мэдээлснээр, есдүгээр сарын тавны үдэш Лейпциг хотноо Холбооны засгийн газрын эрчим хүчний болоод нийгмийн бодлогыг шүүмжилсэн хэд хэдэн жагсаал болсон байна.
Курилийн арлуудын оршин суугч асан, Японы иргэд эдгээр арлуудад хөнгөлөлттэй нөхцөлөөр зорчих тухай Японтой хийсэн хэлэлцээрээ Орос цуцалжээ. Энэ шийдвэрийг ОХУ-ын Засгийн газар гаргасан талаар Коммерсант агентлаг мэдээлсэн байна.
Шинжээчдийн үзэж байгаагаар, Оросын газрын тосноос олсон мөнгийг дайнд зарцуулахаар гаргаж байгаа талаар топ менежерүүд хэт ихийг мэдэж байсан гэнэ. Тиймээс ийм мөнгийг зарим нь хувьдаа ашиглаж, ингээд шийтгэлээ хүртсэн байж болзошгүй, эсвэл ул мөрөө баллахын тулд тэднийг зайлуулсан, учир нь газрын тосны мөнгийг “тусгай ажиллагаанд” зориулан хэрхэн гаргадаг схемийн талаар зарим хүн хэт ихийг мэдэж байсан гэсэн таамаглалыг улс төр судлаачид дэвшүүлжээ.
Украинд өдүүлсэн дайнаас үүдэн Оросыг чиглэсэн хориг арга хэмжээнүүд уламж даамжирч, улмаар ОХУ-ын орлогыг хаахын тулд энэ улсын газрын тосонд үнийн тааз тогтоохоор барууны орнууд шийдвэрлэсэн юм.
Афганистаны эх сурвалжуудын мэдээлснээр, талибууд хэргийн газарт зураг авахыг хориглож байгаа гэнэ. Халдлагын улмаас 20 хүн амиа алдсан, Афганистаны оюутнуудын виз хүссэн материалыг авахаар Оросын дипломат гарч ирэх үед амиа золиослогчийн бөмбөг дэлбэрсэн гэж Ройтерс мэдээлжээ.
Есдүгээр сарын тавны өглөө Афганистаны нийслэл Кабул хотод байх Оросын Элчин сайдын яамны барилгын ойролцоо амиа золиослогч өөрийгөө дэлбэлжээ. Энэ талаар РИА Новости мэдээлсэн байна.
Тэрбээр энэ мэдэгдэлдээ чухам ямар суурингуудын талаар өгүүлж байгаагаа тодруулаагүй байна. Энэ мэдэгдлээс өмнө, есдүгээр сарын дөрөвний өдөр Оросын цэргүүд хяналтаа тогтоосон байсан Херсон мужийн Высокополье суурингийн барилга дээр Украины далбаа мандуулж байгааг харуулсан зураг телеграм сувгуудаар түгсэн. Үүний дараа Украины Ерөнхийлөгчийн захиргааны тэргүүн Андрей Ермак мөн л энэ зургийг нийтлэн "Алхам алхмаар" хэмээн бичсэн байв.
ОХУ Монгол, Хятад зэрэг орнуудын төлөөлөгчдийг оролцуулсан "Восток-2022" цэргийн сургуулилалтыг хийж байгаа. Энэ сургуулилалтыг Орос, Японы хооронд газар нутгийн маргаантай байдаг Кунашир, Итуруп арлууд дээр хийж байгаад ихээхэн харамсаж байгаагаа Японы Засгийн газрын Ерөнхий нарийн бичгийн дарга Хироказу Мацуно илэрхийлжээ.
АНУ-ын Ерөнхийлөгч асан Барак Обама Нетфликс дэх олон ангит кинонд дуу оруулснаараа Эмми шагнал хүртсэн талаар ВВС агентлаг мэдээлжээ.
Алексей Табаловын өгүүлснээр, Оросын төмөр зам 10 мянган ажилтнаа дайнд явуулахаар ятгах үүрэг хүлээсэн гэнэ. Тэрбээр баталгаа болгон Дорнод Сибирийн төмөр замын төлөөлөгчдөөс олж авсан баримт бичгийг нийтэлжээ.
ОХУ-ын Дорнын эдийн засгийн форум өнөөдөр эхэлж байна. Владивосток хотноо энэ сарын 5-8-ны хооронд явагдах форумд Оросын Ерөнхийлөгч Владимир Путин оролцоно гэж Интерфакс мэдээлжээ.
Канадын Саскачеван мужид хэд хэдэн халдлага гарсны улмаас 10 хүн амиа алдаж, 15 хүн шархадсан талаар цагдаагийн газар мэдээлснийг ВВС агентлаг дамжуулжээ. Хэрэг үйлдсэн этгээдүүд нуугдсан, муж даяар тэднийг эрэн сурвалжилж байгаа аж
Есдүгээр сарын гуравны бямба гарагт Прага хотын төвд Чехийн Засгийн газрыг эсэргүүцсэн жагсаалд олон мянган хүн нэгдсэн талаар ВВС агентлаг мэдээлжээ. Жагсаалд оролцогчид Украиныг дэмжих, Оросын эсрэг хориг тавихыг эсэргүүцсэн тул жагсаалыг "оросууд зохион байгуулсан байж болзошгүй" гэж Чехийн Ерөнхий сайд Петр Фиала мэдэгдсэн байна.
ОХУ-ын Ерөнхийлөгч Владимир Путин хоёрдугаар сарын 24-ний өдөр "тусгай цэргийн ажиллагаа" эхлүүлэх тушаал өгч, Оросын арми хөрш оронруугаа халдсанаар дайн эхэлж, найман сарын хугацаанд Украины нутаг дэвсгэр дээр дайн дэгдэж байна. ОХУ Украины нутагт цөмрөн орсны дараахан буюу хоёрдугаар сарын 28-ны өдөр хоёр талын хэлэлцээ эхэлж, хамгийн сүүлд гуравдугаар сард Туркийн зуучлалтайгаар хэлэлцсэн ч ямар ч үр дүнд хүрэлгүй, байлдааны ажиллагаа үргэлжилсээр байгаа юм.
Дайны тал дээр монголчууд хуваагдсан. Ахмад настнууд Оросыг дэмжиж байгаа бол залуус эсэргүүцэж байна. Гэхдээ энд дайн дэндүү хол санагдах тул ихэнх нь л энэ талаар мартаж байгаа. Оросуудад хандах хандлагын тухайд гэвэл одоо илүү болгоомжлонгуй болсон. Энд халимаг, буриад, тувачуудыг өрөвддөг, учир нь биднийг Орост хавчигдан гадуурхагддаг гэдгийг мэддэг учраас тэр. Түүгээр ч зогсохгүй хурдхан энд ирж суурьших нь дээр ч гэж зөвлөдөг
Украинд хамгийн их цэрэг нь алдсан бүс нутгуудыг жагсаахад Дагестан урьдын адил тэргүүлж байгаа аж. Эндээс цэрэгт явсан 278 хүн дайны талбарт амиа алджээ. Үүний араас Буриад улс багтаж байна.Гагцхүү нээлттэй эх сурвалжуудаар батлагдсан мэдээллээс харахад л Буриадын 256 цэрэг дайнаас эргэн ирээгүй аж