Зовлон дагуулсан гивлүүр: Иран бүсгүйчүүд хижаб өмсөөгүйн төлөө шоронд сууна
Өнгөрсөн жил Иранд хижаб буруу өмссөнөөсөө болоод цагдаагийнханд саатуулагдаж, улмаар амиа алдсан залуу бүсгүйн үхэл Ираныг сэрээж байв. Анхлаад бүсгүйчүүд эрхийнхээ төлөө тэмцэж, хижаб өмсөхийг эсэргүүцэж байсан бол яваандаа энэ эсэргүүцэл орон даяар эрх баригчдын эсрэг жагсаал болон өрнөж, цаашлаад Ираныг хамарсан эмх замбараагүй байдал болон үргэлжилсэн.


















