Хаврын тариалалтын ажил 05 дугаар сарын 03-наас эхэлж, өнөөдрийн байдлаар улсын хэмжээгээр 219 мянган га-д улаанбуудай, 5 мянган га-д төмс, 3.5 мянган га-д хүнсний ногоо, 1.3 мянган га-д малын тэжээл, 11.2 мянган га-д тосны ургамал тариалаад байна. Ингэснээр үр тарианы тариалалт 57.8 хувь, төмсний тариалалт 29.4 хувь, хүнсний ногооны тариалалт 28.1 хувьтай үргэлжилж байна.
Монгол Улсын хэмжээнд 2022 он гарсаар ой, хээрийн гал түймрийн 70 тохиолдол бүртгэгдээд байна. Харин өнөөдөр буюу 05 дугаар сарын 26-ны өдрийн байдлаар Төв аймгийн Мөнгөнморьт суманд ойн түймрийн нэг дуудлагатай байна.
“Нийслэлийн Сонгинохайрхан дүүргийн 32 дугаар хороонд байрлах “Эм Ди Си Пи” компанийн мах боловсруулах үйлдвэрт мах боловсруулахдаа химийн бодис ашиглаж байна гэх мэдээлэл тавдугаар сарын 10-нд ирсэн байна. Мэдээллийн дагуу тухайн үед хяналт шалгалт зохион байгуулсан. Өнөөдрийн байдлаар зөрчлийн хэрэг үүсгээд шалгаад явж байгаа аж. Хяналт шалгалтын явцад ямааны махнаас зургаан төрлийн дээж авсан байна. Мөн үйлдвэрт ашиглаж байсан ус болон үл мэдэгдэх цагаан бодист шинжилгээ хийжээ.
НЗДТГ, Нийслэлийн Биеийн тамир, спортын газар хамтран зохион байгуулдаг “Улаанбаатар марафон-2022”-д оролцогчдын тоо жилээс жилд нэмэгдэж байдаг. Хамгийн анхны буюу 2014 оны марафонд 14 мянган хүн анх оролцож байсан бол 2018, 2019 онд 30 мянга гаруй хүн оролцсон. Энэ жилийн хувьд мөн 30 мянга орчим хүн оролцоно гэж тооцоолж байна. Марафоны бүртгэл тавдугаар сарын 27-ны өдрийг дуустал үргэлжилнэ. 10 км, 21 км, 42 км-т гүйх оролцогчдын амжилтыг олон улсын жишгээр автомат чипээр тодорхойлно.
Засгийн газрын "Үндэсний их баяр наадмын тухай" хуулийг өргөн барих тогтоол байдаг. Үүний дагуу 2019 оноос хойш Үндэсний их баяр наадмын тухай хуулийн хэлэлцүүлэг, төсөл боловсруулалт явагдсаар байгаад энэ хаврын чуулганаар өргөн барьж, УИХ-аар хэлэлцэх эсэхийг нь баталлаа. Тухайн хуулийг өргөн барих ажлын хэсгийг Засгийн газрыг төлөөлж Хууль зүй, дотоод хэргийн сайд Х.Нямбаатар ахалж ажилласан. Ингэхдээ Үндсэн хуулийн хоёр заалтыг ноцтойгоор зөрчиж, хуулийн төсөл өргөн барьсан гэж үзэж байна.
Боловсролын ерөнхий газар болон Боловсрол эвсэл хамтран ажиллах санамж бичгийнхээ дагуу "Сургуулийн орчин дахь хүчирхийллийг таслан зогсооё" төр, иргэний нийгмийн түншлэл хамтын ажиллагааны хүрээнд БЗД-ийн 33 ерөнхий боловсролын сургуулиуд засаглал, материаллаг болон нийгэм сэтгэлзүйн орчны үнэлгээг хийж дуусгажээ. Уг үнэлгээний үр дүнг сургуулиудтай хамтран нэгтгэж ирэх хичээлийн жилд хүүхэд хамгааллын чиглэлээр ямар зорилго тавьж, хэрхэн хамтран ажиллах чиглэлээ тодорхойлох гэнэ.
Сүүлийн 24 цагийн хугацаанд улсын хэмжээнд 91 халдвар шинжилгээгээр батлагдлаа. Үүний 56 нь Улаанбаатарт, 35 нь орон нутагт бүртгэгдсэн байна. Харин нас баралт бүртгэгдээгүй байна. Өнөөдрийн байдлаар эмнэлэгт 250 хүн хэвтэн эмчлүүлж байна. Тэднээс 7 хүн хөнгөн байна.
"Сурагчдын амралт урагшилж зургаадугаар сарын 1-ээс эхэлнэ" гэх мэдээлэл цахим орчинд цацагдсан. Тэгвэл уг мэдээлэл үнэн эсэх талаар БСШУЯ-ны хэвлэлийн төлөөлөгчөөс тодруулахад “ Сурагчдийн амралтад өөрчлөлт ороогүй, ташаа мэдээлэл цацагдсан байна” гэж мэдээлэв.
Энэ сард агаарын дундаж температур Хөвсгөлийн баруун хойд хагас болон Сэлэнгэ, Төв аймгийн нутгаар олон жилийн дундэаас дулаан, бусад нутгаар дунджийн орчим байна. Хур тунадас Булган, Сэлэнгэ, Төвийн нутаг, Өвөрхангайн зүүн хойд хэсгээр олон жилийн дунджаас ахиу, бусад нутгаар дунджийн орчим байна. Агаарын температур нэгдүгээр арав хоногийн сүүлч, хоёр болон гуравдугаар арав хоногийн дунд үеэр олон жилийн дунджаас 1-2°С-аар дулаан байх бол нэг болон хоёрдугаар арав хоногийн эхэн, гуравдугаар арав хоногийн сүүлчээр ихэнх нутгаар олон жилийн дунджаас 1-2°С-аар хүйтэн байна.
Эмээлт дэх мах бэлтгэлийн газарт хийсэн лабораторийн шинжилгээний талаар НМХГ мэдээлэл хийнэ
Баярын хоолоо зөвхөн туршлагатай нэгэндээ даатгаж уламжлал болсон хэв маягаас салахыг зөвлөж байна. Учир нь хүүхдүүд хоол эсвэл амттанаа өөрийн гараар хийх нь тэдэнд илүү баяр баясал бэлэглэдэг гэдгийг мэргэжилтнүүд дүгнэсэн байдаг. Тэгэхээр баярын хоолны цэс, хийх аргаа сонгох гэж байгаа бол бяцхан үрстэйгээ зөвлөлдөн, санаа бодлыг нь сонсвол илүү өвөрмөц гайхалтай шийдэл гарч ирж болох юм. Хамтдаа гаргасан цэснийхээ дагуу асгачихна, бохирдуулна гэж төвөгшөөлгүй туршаад үзээрэй. Үүнээс хүүхэд тань шинэ зүйл сурч шинэ мэдрэмжийг авах болно. Магадгүй шинэ хобби болох ч юм билүү.
ОБЕГ-ын даргын шийдвэрээр Агаараас эрэн хайх, аврах 111 дүгээр ангийн “ЕС-145” загварын нисдэг тэрэг өнөөдөр буюу тавдугаар сарын 26-ны өдрийн 07:30 цагт Сэлэнгэ аймгийн Хүдэр, Хэнтий аймгийн Батширээт сумын зааг Минжийн хангайд ОХУ-ын талаас хил давж орж ирсэн ойн түймрийг унтраахаар агаараас тандалт хийх, алба хаагчдыг түймрийн голомтод тээвэрлэн хүргэхээр шийдвэрлэсний дагуу нислэг үйлдэхээр бэлтгэж байна.
Монгол хэл бичгийн дахин шалгалтад 6000 гаруй шалгуулагч хамрагдлаа. Үүнээс 5000 гаруй шалгуулагч тэнцсэн бол 1180 шалгуулагч босго оноондоо хүрээгүй байна. Өөрөөр хэлбэл 1180 шалгуулагч монгол хэл бичгийн шалгалтандаа тэнцээгүй.
Өнөөдөр Улаанбаатар хотод суурин 37 цэг, түр 1 цэгт 38 багийн 130 эмч, ажилтан ажиллана. Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 09:00-16:00 цаг хүртэл ажиллана.
Өдрийн наран 5 цаг 02 минутад мандан, 20 цаг 36 минутад жаргана. Тухайн өдөр гахай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба угаал үйлдэх, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн. Газар хагалах, ус булгийн эх малтах, балгадын суурь тавих, нохой худалдан авахад муу.
Тэгвэл бид “Мөсөн Өргөө”-тэй болсноор дэлхийн бусад орнуудад маш цөөхөн тоглогддог мөсөн циркийг хүлээн авч үзэх боломжтой боллоо. Маш цөөхөн тоглогддог мөсөн циркийн үзүүлбэр нь зардал өндөр мөн дээрээс нь маш их эрсдэл дагуулдаг, цаашлаад уран бүтээлчдээс дээд зэргийн ур чадвар шаарддагаараа онцлог. Монголын циркчдийн шилдгүүд, циркийн сургуулийн оюутнууд хамтарсан бүтээл хийж хүүхэд багачууддаа зориулан удахгүй болох хүүхдийн баяраар мөсөн циркийн тоглолтоо толилуулах гэж байна. Уг тоглолтоос манай улсын уран бүтээлчдийн ур чадвар, техник технологи,, найруулга ямар түвшинд байгааг нүдээр харах боломжтой
Яамд хоорондын хэлэлцээрийн хүрээнд хоёр улсын төрийн өмчийн дээд боловсролын байгууллагын бакалавр, магистр, докторын түвшинд суралцаж буй оюутан солилцоог 20 сарын хугацаатайгаар хэрэгжүүлэх, монгол хэл, слав судлалын чиглэлээр зуны сургалтад 4 хүртэлх тэтгэлгийг олгоно.
Сүүлийн 24 цагийн хугацаанд улсын хэмжээнд 89 халдвар шинжилгээгээр батлагдлаа. Үүний 56 нь Улаанбаатарт, 33 нь орон нутагт бүртгэгдсэн байна. Харин нас баралт бүртгэгдээгүй байна. Өнөөдрийн байдлаар эмнэлэгт 250 хүн хэвтэн эмчлүүлж байна. Тэднээс 7 хүн хөнгөн байна.
Энэ жилийн марафон тэмцээн тавдугаар сарын 28-ний өдөр зохиогдохоор болсон байна. Гүйлтэд нийслэлийн иргэдээс гадна хөдөө, орон нутаг, Монгол Улсад ажиллаж, амьдарч байгаа гадаадын иргэд, хөрш зэргэлдээ орны гүйлт сонирхогчид болон олон улс, тив, дэлхийд танигдсан нэртэй тамирчид ч оролцдог онцлогтой. Энэ жилийн хувьд 21 км, 095 м-ийн зайг 18-34, 35-54, 55-аас дээш нас, 5 км-ийн зайг 12-17 нас, 18-аас дээш насны эрүүл мэндийн гүйлт гэсэн ангилалтай болгон өөрчилжээ.
Өнөөдөр болох үйл явдлын тоймыг хүргэж байна.