Авлигатай тэмцэх газар 2020 оны 5 дугаар сарын 25-29-ний өдрүүдэд нийтийн албанд томилогдохоор нэр дэвшсэн 194 хүний хувийн ашиг сонирхлын урьдчилсан мэдүүлгийг хянан шийдвэрлэлээ.
Авлигатай тэмцэх газрын Мөрдөн шалгах хэлтэс 2020 оны 5 дугаар сарын 25-29-ний өдрүүдэд гэмт хэргийн шинжтэй 21 гомдол, мэдээлэл хүлээн авч, нийт 96 гомдол мэдээллийг шалгав. Үүнээс 11 гомдол, мэдээлэлд хэрэг бүртгэлтийн хэрэг нээж, 19 гомдол, мэдээлэлд хэрэг бүртгэлтийн хэрэг нээхээс татгалзах саналтайгаар прокурорт шилжүүлсэн байна. Ажиллагаанд одоогоор 66 гомдол, мэдээлэл шалгагдаж байна.
Нийслэлийн Засаг даргын Тамгын газар, Шинжлэх ухаан, үйлдвэрлэл, инновацын газраас хэрэгжүүлж буй “10,000 программист” бэлтгэх төслийн сургалт өнөөдрөөс эхэлж байна. Тус төсөл нь мэдээлэл, технологийн салбарын ажлын байрыг нэмэгдүүлэх, өндөр ур чадвар бүхий хүний нөөцийг бэлтгэх, багшлах боловсон хүчнийг чадавхжуулах, программ хангамжийн сургалтын хөтөлбөрийг сайжруулах зорилготой төсөл юм.
Авто замыг хөгжүүлэх 2030 он хүртэлх мастер төлөвлөгөөнд багтсан дугуйн замыг шинээр тавих ажлын хүрээнд Яармаг-Зайсан-Маршалын гүүр гэсэн чиглэлд 52 км урттай дугуйн замыг найман байршилд байгуулах ажил үргэлжилж байна. Налайх-Яармаг чиглэлийн 16 км дугуйн замын барилгын ажлыг эхлүүлэх бэлтгэлийг хангаж, газар дээр нь хэмжилт хийх ажил эхэллээ.
11.00 цагт Эрүүл мэндийн яамнаас коронавирусийн асуудлаар цахимаар мэдээлнэ.
Билгийн тооллын XVII жарны "Хотолыг баригч" хэмээх Шороон хулгана жилийн зуны тэргүүн цагаагчин могой сарын Билгийн тооллын 12.
Уламжлалт номын баяр буюу зохиолч уншигчдын уулзан золгох, зохиол бүтээлээ сурталчлах, гарын үсэгтэй худалдан борлуулах үйл ажиллагаа зургадугаар сарын 5,6,7 нд “Мишээл экспо” ОУҮХТөв-д болно.
Завхан аймгийн Онцгой байдлын газрын Тосонцэнгэл сум дахь Онцгой байдлын хэлтсийн Гал түймэр унтраах, аврах 39 дүгээр ангийн салааны захирагч, дэслэгч Г.Амартүвшин захирагчтай 4 дүгээр салааны алба хаагчид гал сөнөөгчийн хувцас хатаах тусгай зориулалтын төхөөрөмж хийлээ.
Онцгой байдлын ерөнхий газраас төв, орон нутгийн Онцгой байдлын байгууллагын хөдөлмөр хамгаалал, аюулгүй ажиллагаа, техник хэрэгсэл хариуцсан мэргэжилтнүүдийн сургалтыг цахимаар зохион байгууллаа.
Улсын хэмжээнд өссөн дүнгээр 8491 иргэн тусгаарлан ажиглалтад орсон бол өнөөдрийн байдлаар тусгаарлан ажиглах байранд нийт 1792 иргэн байна. 128 эмч, эмнэлгийн мэргэжилтнүүд ажиллаж байгаа. Гэрийн тусгаарлалтад 3843 иргэн байна. 114 өрхийн эмнэлэг тусламж үйлчилгээг үзүүлж байгаа. Нийтдээ 15300 гаруй шинжилгээг хийсэн байна. Энэ зургаадугаар сард 2000 орчим иргэд ирнэ. Энэ иргэдийг хүлээж авах, тусгаарлах байрууд, эмнэлгийн тусламж үйлчилгээ үзүүлэх бэлэн байдал, бэлтгэл ажлаа ханган ажиллаж байна. Цэргийн төв эмнэлгийг чөлөөлж хүлээж авна.
ХӨСҮТ-ийн хоёр лаборатори, Дархан-Уул аймгийн салбар лабораторид нийт 212 хүнд шинжилгээ хийлээ. Коронавирус илрээгүй. Үүнд ХӨСҮТ-д тусгаарлагдсан 8 хүн, ажиглах байранд тусгаарлагдсан 1 хүний давтан шинжилгээ, тандалтын зорилгоор 3 сорьц, Истанбул-Улаанбаатар чиглэлийн онгоцоор ирсэн иргэдийн давтан шинжилгээ орсон. Алтанбулагийн боомтоор орж ирсэн 10 ачаа тээврийн жолоочид шинжилгээ хийхэд коронавирус илрээгүй. Манайд нийт батлагдсан 185, эдгэрсэн 44 байна.
Эрүүл мэндийн яамнаас covid-19 халдварын цаг үеийн нөхцөл байдлын тухай ээлжит мэдээллийг /2020.06.02/ хийлээ. Хэвлэлийн хуралд ХӨСҮТ-ийн захирал Д.Нямхүү, Эрүүл мэндийн яамны тандалт, шуурхай удирдлагын хэлтсийн дарга Д.Нарангэрэл, ЭМЯ-ны Гадаад харилцааны хэлтсийн дарга Б.Янжмаа, ДЭМБ-ын мэргэжилтэн О.Ариунтуяа нарын албаны хүмүүс оролцов.
Ахмад дипломатч, Онц бөгөөд Бүрэн Эрхт Элчин, ШУА-ын Олон улсын харилцааны хүрээлэнгийн зөвлөх, доктор Жанчивдоржийн Ломбо, залуу дипломатч, Ломбын Хаш-Эрдэнэ нар “Монгол Улс, БНСУ-ын харилцаа 30 жил” хэмээх номыг Монгол,Солонгос хэлээр туурвин бүтээжээ.
Олон улсын хүүхдийн эрхийг хамгаалах өдрийг манай улс "Хүүхэд гэр бүлдээ жаргалтай" уриан дор тэмдэглэн өнгөрүүлсэн. Коронавирусийн халдварын энэ цаг үед ЭМЯ-наас хүүхдүүдийг олон нийтийн газраар дагуулж явахгүй байхыг, амны хаалт иргэн бүр зүүхийг анхааруулсан билээ. Тиймээс ч энэ жилийн хөл хорионы үеийн хүүхдийн баярыг эцэг эхчүүд хүүхдүүүддээ гэрт гэрт нь баярлуулж, Улаанбаатрын гудамж эл хульхан байлаа.
Цаг уурын байгууллагын ирүүлсэн мэдээллээр энэ сард баруун аймгуудын ихэнх нутгаар агаарын температур олон жилийн дунджаас дулаан, бусад нутгаар олон жилийн дунджийн орчим, хур тунадасны хувьд баруун аймгуудын нутгийн ойд хэсгээр олон жилийн дунджаас бага, харин зүүн аймгуудын ихэнх, говийн аймгуудын нутгийн өмнөд хэсгээр олон жилийн дунджаас ахиу, бусад нутгаар олон жилийн дундаж байна.
“Дэлхий нийтэд тархаж байгаа коронавируст /КОВИД-19/ цар тахалтай тэмцэх, урьдчилан сэргийлэх зорилгоор улсын хэмжээнд гамшгаас хамгаалах өндөржүүлсэн бэлэн байдлын зэрэгт шилжүүлсэн хугацааг сунгасантай холбогдуулан нийслэлийн Засаг даргын 2020 оны 04 дүгээр сарын 30-ны өдрийн 590 дүгээр захирамжийн 1 дэх хэсгийн “05 дугаар сарын 31-ний” гэснийг “06 дугаар сарын 30-ны” гэж өөрчилсүгэй” гэжээ.
“Олон улсын хүүхдийн эрхийг хамгаалах өдөр”-өөр Баянгол дүүргийн Эрүүл мэндийн төвийн Хүүхдийн салбар эмнэлэгт нярайн тасаг нээгдлээ. Нийт таван ор бүхий нярайн тасгийн тохижилт, шарлагын аппарат болон нэн шаардлагатай тоног төхөөрөмжийг “Golden Gobi” компаниас “Эрүүл бяцхан зүрх” аянтай хамтран нийгмийн хариуцлагынхаа хүрээнд шийдвэрлэж өгсөн байна.
Өнөөдөр говь, тал, хээрийн нутгаар, 3-нд Дорнод-Монголын талаар салхи түр зуур секундэд 18-20 метр хүртэл ширүүсч, шороон шуурга шуурахыг анхааруулж байна.
Билгийн тооллын XVII жарны "Хотолыг баригч" хэмээх Шороон хулгана жилийн зуны тэргүүн цагаагчин могой сарын Билгийн тооллын 11. Ангараг гараг. Тэргүүн дагуул одтой, дөрвөн ногоон мэнгэтэй улаан хулгана өдөр.
Зуслангийн байрны хана, шал зэрэг хатуу гадаргууг 1 литр усанд 0,25мл белизна (хлор агуулсан бодис) хийсэн уусмалаар сайтар цэвэрлэж халдваргүйжүүлэх