Азеруудын амссан зовлонг хохоолууд амссан цаг
Ийм нэг хэлц vг, егөөдөл оросуудын дунд яригдах болжээ. “Хохол” (хохлушка – эмэгтэй нь) гэдэг нь украинчуудыг егөөдсөн доромж нэр.
Шууд нэвтрүүлгийн үеэр баривчилжээ
Украины төв телевизийн “Хатуу улс төр” нэвтрүүлэгт оролцож байсан тус улсын Онцгой байдлын дарга Сергей Бошовский, дэд дарга Василий Стойетский нарыг авлигын хэрэгт буруутган баривчилсан тухай “www.dailymail.co.uk” мэдээллээ. Дотоод хэргийн сайд Арсен Аваков “Тэднийг албан тушаалаа ашиглаж, төрийн хангамжийг хувийн компаниудад нийлүүлж, эдгээр хувийн компаниуд нь Жерсигийн арал дээр оффшор компанитай Украинд түр оршин суугчдад мөнгө шилжүүлж байсан нь тогтоогдсон. Түүнчлэн нэг хувийн компани Сергей Бошовский, Василий Стойетский нарын гадаад дахь данс руу нь мөнгө гуйвуулсан байсан. Тэд мэдүүлэг өгөхөөс зайлсхийсэн учир ийнхүү шууд баривчилгаа явууллаа” гэж мэдэгджээ.
Обама санаатай андуурсан уу
Афганистаны Ерөнхийлөгч Ашраф Гани АНУ-ын Ерөнхийлөгч Барак Обамагийн урилгаар Вашингтонд төрийн айлчлал хийхээр хүрэлцэн ирсэн тухай “www.dailymail.co.uk” мэдээллээ. Ганиг Цагаан оронд хүрэлцэн ирсний дараа хоёр орны тэргүүн хамтарсан мэдэгдэл хийх үеэр Обама алдаа гаргажээ. Обама, Ганигийн нэрийг өмнөх Ерөнхийлөгч Хамид Харзайгийн нэртэй андуурч “Хамид АНУ-д тавтай морил” гэж хэлжээ.
Армид 800 эмэгтэй элсчээ
Сирийн армид энэ онд 800 эмэгтэй элсч, хэт даврагчдын эсрэг тулалдаж буй тухай “www.dailymail.co.uk” мэдээллээ. Эмэгтэй цэргүүдийн 30 гаруй хувь нь цэргийн сургууль төгсч, тусгай сургалтад хамрагдсан бол 50 дээш хувь нь сайн дураараа армид элссэн гэнэ. Аюулгүй байдлын үүднээс эмэгтэй цэргүүдийг дайны гол бүс рүү илгээхгүйгээр нийслэл Дамаск хотод байршуулж байгаа аж. Мөн тус улсын Ерөнхийлөгч Башар аль Ассад улс орныхоо тусгаар тогтнол, бүрэн бүтэн байдлын төлөө эмэгтэйчүүдийг армид элсэхийг уриалж байгаа юм.
Гани бол АНУ-ын гар хөл
Афганистаны нийслэл Кабул хотноо өчигдөр 4.30 цагийн орчимд амиа золиослогч этгээд халдлага үйлдэж, зургаан хүн амиа алдаж, 31 хүн гэмтсэн тухай “CNN” агентлаг мэдээллээ. Гэмт этгээд тус улсын Батлан хамгаалах яамны гадна амиа золиосолжээ. Халдлагын үеэр цагдаагийн дөрвөн албан хаагч амиа алдсан гэж Кабул хотын цагдаагийн газраас мэдээллээ. Батлан хамгаалах яамны хэвлэлийн төлөөлөгч Седиф Седдифи “Амиа золиослогч Ерөнхийлөгч Ашраф Ганиг эсэргүүцэж, халдлага үйлдсэн. Тэрээр “Гани бол АНУ-ын гар хөл” гэж хашгирсан. Одоогоор энэхүү халдлагыг ямар зэвсэгт бүлэглэл үйлдсэн нь тодорхойгүй байна” гэж хэлжээ.
Нисгэгчийн асуудлаар Путинтэй уулзана гэжээ
Германы Канцлер Ангила Меркел өчигдөр Орост ял эдэлж буй Украины нисгэгч Надежда Савченкогийн гэр бүлийнхэнтэй уулзсан тухай “Ройтерс” агентлаг мэдээллээ. Энэ тухай Москвад суугаа Герман дахь элчин сайд Андрей Мельник хэвлэлийнхэнд мэдэгдсэн байна. Хоригдож буй Надежда Савченкогийн ээж, эгч хоёрыг Канцлер албан өрөөндөө хүлээн авчээ.
Онгоцны хар хайрцаг эвдэрчээ
Германы “Germanwings” компанийн “Airbus A320” онгоц Альпийн нурууны бэлд осолдож, 158 хүн амиа алдсан билээ. Ослын газар ажиллаж буй Францын аврагчид онгоцны хар хайрцгийг мэргэжилтнүүдэд хүлээлгэн өгсөн юм. Тэгвэл хар хайрцаг эвдэрхий, мэдээллийг нь тайлах боломжгүй байгааг “www.dailymail.co.uk” мэдээллээ.
Жеки Чан: Би хүүгээ уучилсан
Хятадын нэрт жүжигчин Жеки Чаны “www.talktalk.co.uk” сайтад өгсөн ярилцлагыг хүргэж байна.
“ISIS”-ийн талаар хэн юу хэлэв
Олон улсыг заналхийлж буй Иракийн хэт даврагч “Халифын вант улс” бүлэглэл буюу “ISIS”-ийн тухай дэлхийн удирдагчид ямар байр суурьтай байгааг хүргэе.
