Энэ сонгуулиар АНУ-ын Конгрессын доод танхим болох 435 суудалтай Төлөөлөгчдийн танхимыг болон сенатын гишүүдийн гуравны нэгийг сонгох аж. Мөн 36 муж, Гуам, Хойд Марианы арлууд, Америкийн Самоа гэсэн гурван нутагт захирагчийг сонгох юм байна.
Зеленский өдөр тутам хийдэг мэдэгдэлдээ ОХУ бүх дэлхийг тогтворгүй байдалд оруулж байна хэмээн онцолсон байна. Оросыг Украин дахь байлдааны ажиллагаагаа зогсоож, хэлэлцээрт түлхэх шаардлагатай байгаа гэж Зеленский мэдэгджээ.
Хятад улс дотооддоо үйлдвэрлэсэн "супер пуужин"-ийн хөдөлгүүрийг туршжээ. Төлөвлөж байгаагаар, YF-130 хөдөлгүүрийн тусламжтайгаар пуужин тойрог замд 140 тонн хүртэлх жинтэй ашигт ачааг хүргэх чадвартай болох гэнэ.
Хятадын эрх баригчид "тэг ковид" бодлого баримталж, халдвар илэрсэн бүс нутагт тэр даруйд нь хөл хорио тогтоож байгаагийн улмаас дотоодын төдийгүй БНХАУ дахь үйлдвэрлэлээс хамааралтай гадаад орнуудын бизнесийн байгууллагуудын хэвийн үйл ажиллагаа тасалдаж байгаа юм. Энэ удаад, Жэнжоу хотод тогтоосон хөл хорионы улмаас iPhone 14 Pro, iPhone 14 Pro Max гар утаснуудын нийлүүлэлт тасалдаж байгаа аж.
Энэ олон нийтийн сүлжээний гол асуудал нь контентын агуулгад тавигдах төвлөрсөн удирдлага гэж байдаггүй гэнэ. Мастодон сүлжээн дэх сервер бүрт өөрсдийн дүрэм байх бол заримд нь огт байдаггүй. Үзэн ядалт агуулсан, эсвэл хууль бус агуулгатай контент гэж эзэмшигчид үзсэн бол үүнийг блоклох боломжтой. Мөн постны агуулгын талаар серверийн эзэнд гомдол гаргах боломжтой, улмаар эзэн энэ постыг устгах эрхтэй ч бусад сервер дээр тухайн маргаантай пост харагдсаар байдаг гэнэ.
Хятадын эрдэмтэд болон сансрын нисэгчид шинэ сансрын станц дээр сармагчингуудыг ашиглан нөхөн үржихүйн туршилт хийхээр төлөвлөж байгаа гэнэ. Хоёр сармагчныг "Тяньнгун" станц дээр эвцэлдүүлэх зорилгоор аваачиж, жингүйдлийн нөхцөл дэх амьтдын зан байдлыг ажиглахаар төлөвлөж байгаа талаар South China Morning Post сонин мэдээлжээ.
Дубайн төвд байх аялал жуулчлалын гол хэсгүүдийн нэг болсон Даунтаун дүүргийн олон давхар орон сууцны барилгад гал гарчээ. Гал түймэр 11 дүгээр сарын долоонд шилжих шөнө гарсан гэж эх сурвалжууд мэдээлсэн байна.
Саудын Арабын Агаарын цэргийн хүчний FS-15 сөнөөгч онгоц сургалтын нислэг үйлдэж явахдаа сүйрсэн талаар тус улсын Батлан хамгаалахын яам Твиттер хуудсандаа мэдээлжээ.
2022 оны есдүгээр сард Буриадад ипотекийн зээл олголт өмнөх сараас 3,8 хувиар буурсан талаар "Номер один" сонин мэдээллээ. Эх сурвалжийн мэдээлснээр, Орост зарласан хэсэгчилсэн дайчилгаа айл өрхүүдийн төлөвлөгөөг эрс өөрчилж, хүмүүс ипотекийн зээл авахын оронд дайчлагдсан эрчүүддээ хувцас, хамгаалалтын хэрэгсэл авч өгөхийн тулд хэрэглээний зээл авахаар банканд хандах нь илүүтэй болсон гэнэ
Өмнөд Солонгосын Ерөнхийлөгч Юн Сок Ёль 156 хүн амиа алдсан, Сөүлд болсон эмгэнэлт хэргийн төлөө уучлалт гуйжээ. Энэ талаар Ёнхап агентлаг мэдээлсэн байна.
АНУ-д нэгэн эр хийгээгүй хэргийнхээ төлөө шоронд 30 жил хоригдож, улмаар хэргийн үнэн мөн нь тогтоогдож суллагдсанаасаа хойш таван сарын дараа нас баржээ. Энэ талаар Daily Mirror сонин мэдээлсэн байна.
Болгарт ирсэн украин дүрвэгчид Елхово дахь түр байршуулах байрны амьдрах нөхцөлийг шүүмжилж, улмаар үймээн дэгдээсэн талаар Болгарын bTV мэдээлжээ.
Өнгөрсөн долоо хоногт Хойд Солонгос Солонгосын хойгийн бүсэд олон удаа пуужин харвасан юм. Энэ нь "өдөөн хатгалгын хариу" гэж Хойд Солонгос мэдэгдсэн байна. Өмнөд Солонгос болон АНУ Хойд Солонгосыг чиглэсэн "өдөөн хатгалга" гаргасаар байвал Солонгосын ардын арми шийдэмгий арга хэмжээ авахаа үргэлжлүүлнэ гэж БНАСАУ-ын Зэвсэгт хүчний Ерөнхий штаб мэдэгджээ.
Фейсбүүкийн толгой компани болох "Мета платформс" корпораци ажилтнуудаа цомхотголд оруулахаар бэлдэж байгаа талаар холбогдох эх сурвалжуудаас авсан мэдээлэлтэйгээр The Wall Street Journal сонин мэдээлжээ. Энэ нь компанийн 18 жилийн түүхэн дэх анхны цомхотгол юм.
Эх сурвалжийн мэдээлснээр, Ард түмний эв нэгдлийн өдөр Улаан-Үд хотын төв талбай дээр эрх баригчдыг дэмжсэн жагсаал болохоор төлөвлөж байсан гэнэ. Харин үүнээс хэд хоногийн өмнө Буриадын сөрөг хүчний идэвхтнүүд энэ жагсаалд саад болохоор шийдэж, "Миний аавыг битгий үхүүлээч" нэртэй эсэргүүцлийн жагсаалыг мөн төв талбай дээр зохион байгуулна гэж мэдээлжээ.
Украины дайнд, хоёр сарын хугацаанд Оросын 500 хоригдол амиа алдсан, тэднийг "Группа Вагнера" хувийн цэргийн компанийн удирдлагууд эгнээндээ элсүүлж, улмаар фронт руу явуулж байсан гэж The Insider сонин мэдээлжээ.
Танзанийн зорчиг тээврийн онгоц Букоба хотод газардах үедээ Виктория нууранд унажээ. Энэ ослын улмаас олон хүн амиа алдсан талаар ВВС агентлаг мэдээлсэн байна.
Оросын Кострома хотод даваа гарагийг Гашуудлын өдөр болгон зарлалаа. Энэ хотод "Полигон" шөнийн клубт гал түймэр гарч, олон хүн амиа алдсан харамсалтай хэрэг гарсан юм.
Америкийн Powerball лоттоны тохирол 11 дүгээр сарын тавны өдөр болсон ч ялагч тодроогүйн улмаас жекпот буюу гол шагнал нь 1,9 тэрбум доллар болж нэмэгджээ. Энэ нь лоттоны түүхэн дэх хамгийн их мөнгөн шагнал болох юм. Даваа гарагт энэ шагналын эзэн тодорч болзошгүй, гэхдээ ялагч тодрохгүй бол жекпотын хэмжээ дахин өснө гэж ВВС агентлаг мэдээлжээ.
АНУ-ын Ерөнхийлөгч Жо Байдены Үндэсний аюулгүй байдлын зөвлөх Жейк Салливан ОХУ-ын Ерөнхийлөгч Владимир Путиний гадаад бодлогын асуудлаарх туслах Юрий Ушаков болон Оросын Аюулгүй байдлын зөвлөлийн нарийн бичгийн дарга Николай Патрушев нартай нууц хэлэлцээ хийсэн гэнэ. Энэ талаар холбогдох эх сурвалжаас авсан мэдээлэлтэйгээр Америкийн "Wall Street Journal" сонин дамжуулжээ.