"Москвагийн дуу хоолой" радиостанц Орост үлдсэн цөөн хэдэн хараат бус хэвлэлүүдийн тоонд багтаж байсан ч гуравдугаар сарын эхээр Оросын шүүхийн шийдвэрээр энэ газрыг татан буулгасан юм.
Нэг харш нь Лос-Анжелесийн эрэг дээр байрладаг, Ришигийн гэр бүл ажлын өдрүүдэд Лондон хотын баруун хэсэгт байх таван унтлагийн өрөөтэй байрандаа амьдарч, амралтын өдрүүдээрээ "усан сан, бэлтгэлийн танхим, йогийн танхим, усан массажтай ванн, теннисийн талбай" бүхий, Хойд Йоркширт байх харшдаа очиж амардаг гэнэ.
2014 онд хэвлэлд өгсөн ярилцлагадаа тэрээр нүхэн гэрт хоноглож, үхэр зарааны мах идэх дуртай хэмээж байжээ. Залуудаа олон удаа сэтгэл нь шархалж байсны улмаас амьдралын ийм өвөрмөц хэв маягийг сонгох болсон гэнэ.
Молдав улс Украинаас эрчим хүч импортолдог байсан бөгөөд Украины эрчим хүчний объектууд Оросын цохилтод өртөж, дотоодын хэрэглээгээ ч хангаж чадахгүй болсон энэ үед Молдавт эрчим хүчний хомстол үүссэн байна. Түүнчлэн Приднестрт ч эрчим хүчний хэрэглээг бууруулжээ. Эрчим хүчний хомстол нүүрлэсэн энэ нөхцөлд хямралыг давах цорын ганц арга нь хэмнэлт гэж эрх баригчид мэдэгджээ.
Пригожин өмнө нь ч Оросын армийн удирдлагыг олон нийтийн өмнө шүүмжилж байлаа. Гэхдээ энэ удаад Путинтэй биечлэн уулзах үеэрээ Оросын цэргийн удирдлагыг шүүмжилсэн нь Пригожиний нөлөөлөл хэрхэн өсөж байгааг илтгэнэ гэж Вашингтон пост сонин онцолжээ.
Энэ сарын 3-10-ны өдрүүдэд Шведийн нийслэл Стокгольм болон Норвегийн нийслэл Осло хотуудад Нобелийн шагналтнуудын нэрсийг зарласан. Нобелийн шагналын эздэд шагналыг нь гардуулах ёслол 12 дугаар сарын 10-ны өдөр болох юм.
ОХУ-ын Ерөнхийлөгч Владимир Путин хоёрдугаар сарын 24-ний өдөр "тусгай цэргийн ажиллагаа" явуулах тушаал өгснөөр Оросын арми хөрш оронруугаа дайрч, өдгөө Украины нутаг дэвсгэр дээрх дайн найман сар үргэлжилж байна. Энэ хугацаанд Оросын арми Украины хот тосгодын дэд бүтцийг сүйтгэж, олон хүний амь насыг хөнөөсний дээр амьд үлдэгсдийг амь зуух аргагүй болгох зориудын хорлон сүйтгэх ажиллагаа явуулж байгаа талаар ВВС агентлаг мэдээлжээ.
Тесла компани Хятад дахь цахилгаан машины борлуулалтын үнээ 5-9 хувиар бууруулжээ. Хятад болон Европт хямрал болж, улмаар Тесла компани 2022 онд нийлүүлэлтийн зорилгоо биелүүлж чадахгүйд хүрсэн гэж Илон Маск мэдэгдсэний дараа ийнхүү Хятад дахь үнийг бууруулахаар болсон байна. Хэдийгээр хямралын улмаас төлөвлөгөөндөө хүрч чадахгүй байгаа гэж мэдэгдсэн ч энэ компани Шанхай дахь үйлдвэрээ шинэчилж, БНХАУ-д зориулсан нийлүүлэлтээ нэмэгдүүлж байгаа аж.
Хойд Солонгос ээлжит цөмийн туршилтандаа бэлтгэж дууссан байж болзошгүй гэж үзэж байгаагаа Өмнөд Солонгосын Ерөнхийлөгч Юн Сок Ёль илэрхийлжээ. тэрбээр парламентад үг хэлэх үеэр ийм байр суурь илэрхийлсэн гэж YTN телевиз мэдээлсэн байна.
ОХУ-д есдүгээр сарын 21-ний өдөр хэсэгчилсэн адйчилгаа зарласны дараа Оросын 75 бүс нутагт 31 мянган эр гэрлэлтээ яаравчлан бүртгүүлсэн гэж "Медиазона" мэдээлжээ.
ОХУ, БНХАУ-ын бараа эргэлт 2022 оны гурван улиралд гуравны нэгээр өсөж, 136 тэрбум ам.долларт хүрсэн талаар Оросын гаалийн газраас авсан эх сурвалжтайгаар Регнум агентлаг мэдээлжээ.
Германы Ерөнхийлөгч Франк-Вальтер Штайнмайер өнгөрсөн долоо хоногт Украинд айлчлахаар төлөвлөж байсан ч Германы холбогдох байгууллагууд түүний аюулгүй байдалд санаа зовнин, улмаар айлчлалыг цуцалж байсан. Тухайн үед айлчлалыг хэдэнд товлохоор зэхэж байгаа талаарх мэдээлэл гараагүй ч Штайнмайер "ойрын үед айлчилна гэдэгтээ найдаж байна" хэмээн мэдэгдэж байв.
Дэлхийн банк Украинд 500 сая долларын нэмэлт тусламж үзүүлжээ. Энэ мөнгөөр байлдааны ажиллагааны дүнд үүссэн зардлуудыг нөхнө гэж Ройтерс агентлаг мэдээлсэн байна.
Ши Жинпинь Хятадын Коммунист намын Төв хорооны Ерөнхий нарийн бичгийн даргаар гурав дахь удаа сонгогдсоны дараа БНХАУ-ын эдийн засагтай холбоотой болгоомжлол гарч, улмаар АНУ-д Хятадын компаниудын хувьцаа даваа гарагт унажээ.
IRI судалгааны компанийн дэд ерөнхийлөгч Ананд Ройгийн өгүүлснээр инфляци өндөр байгаа тул европчууд 1970-1980 оны үеийн дадалдаа эргэн орж, хүнсний орц найрлагаа багасгаж, хямралтай худалдааг ашиглан хэмнэлт хийж, хямд, хугацаа нь дуусах дөхсөн бараа бүтээгдэхүүн худалдан авахаас аргагүй болж байгаа гэнэ.
Америкийн Сент-Луис дахь урлагийн дунд сургуульд 10 дугаар сарын 24-ний өглөө буун дуу гарсан талаар NBC, Ройтерс зэрэг агентлагууд хууль сахиулагчдаас авсан эх сурвалжтайгаар мэдээлжээ.
Синтетик намаас гаргасан саналуудын дунд сарын орлогыг 13700 долларт хүргэх, сайд нарын танхимын бүрэлдэхүүнд интернет, IT-ийн хамтарсан салбарыг байгуулах зэрэг санал багтдаг аж.
Германд эрчим хүчний салбар болон Украины хямралын тал дээр авч хэрэгжүүлж буй засгийн газрын бодлогыг эсэргүүцсэн 7000 гаруй хүн эсэргүүцлийн жагсаалд нэгдсэн талаар DPA агентлаг хууль сахиулагчдаас авсан эх сурвалжтайгаар мэдээлжээ.
ОХУ-ын Батлан хамгаалахын сайд Сергей Шойгу НАТО-ын орнуудын батлан хамгаалахын сайд нартай утсаар ярих үеэрээ "Украинд "бохир бөмбөг" байгаа" хэмээсэн. Үүнээс өмнө 10 дугаар сарын 23-ны өдөр Оросын РИА Новости агентлаг дамжуулсан мэдээнд "Украины нутаг дэвсгэр дээр "бохир бөмбөг" бэлдэж байна, үүнийг ашиглан өдөөн хатгалга хийж, улмаар энэ бүхний бурууг Орос руу чихэх гэж байгаа" хэмээн онцолсон байв.
Сунак 2020 оны хоёрдугаар сард Сангийн сайд болж, улмаар цар тахлын нөхцөлд, үргэлжилсэн олон хөл хорионы нөхцөлд Их Британийн эдийн засгийг удирдах шаардлагатай болж байв. Эхний хөл хорионы үед дөнгөж 40 нас хүрсэн түүнийг ард иргэд найдвартай хүн гэж хүлээн авч байлаа. 2020 оны хавар тэрбээр цар тахлыг даван туулахын тулд шаардлагатай бүхнийг хийнэ хэмээн амлаж, иргэд, бизнесд дэмжлэг үзүүлэх зорилгоор 350 тэрбум фунт зарцуулна гэж мэдэгдсэнээр түүний рейтинг эрс өссөн юм.