ЕБС-ийн сурагчдын амралт ирэх даваа гарагаас эхэлнэ
Ерөнхий боловсролын сургуулийн сурагчид өнөөдөр хичээллээд дөрөвдүгээр сарын 4-нээс буюу ирэх даваа гарагаас эхлэн амарна. Улирлын амралт 2022 оны 4 дүгаар сарын 11 хүртэл үргэлжилнэ.
Нийслэлийн хэмжээнд 48 цэгт иргэдийг дархлаажуулна
Өнөөдөр Улаанбаатар хотод суурин 48 цэгт 48 багийн 194 эмч, ажилтан ажиллана. Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 09:00-16:00 цаг хүртэл ажиллана.
Ойрын өдрүүдэд ихэнх нутгаар дулаарна
Нутгийн хойд хэсгээр үүлшинэ. Бусад нутгаар солигдмол үүлтэй. Говийн аймгуудын нутгийн зүүн хэсгээр хур тунадас орно. Бусад нутгаар хур тунадас орохгүй. Салхи нутгийн зүүн хэсгээр баруун хойноос, бусад нутгаар баруун өмнөөс секундэд 6-11 метр, Алтайн уулархаг нутгаар секундэд 12-14 метр хүрч ширүүсэж, шороон шуурга шуурна. Увс нуур болон Дархадын хотгор, Завхан, Идэр, Тэс голын хөндийгөөр 4 хэм хүйтнээс 1 хэм дулаан, Алтай, Хангай, Хөвсгөл, Хэнтийн уулархаг нутаг, Туул, Тэрэлж, Хэрлэн, Онон, Улз, Халх голын хөндий, Дарьгангын тал нутгаар 4-9 хэм, говийн бүс нутгийн баруун өмнөд хэсгээр 11-16 хэм, бусад нутгаар 8-13 хэм дулаан байна.
Сургууль, цэцэрлэгийн цогцолбор ашиглалтад ороход бэлэн боллоо
Сургууль, цэцэрлэгийн чанар, хүртээмжийг сайжруулах ажлын хүрээнд Сүхбаатар дүүргийн 11 дүгээр хороонд улсын төсвийн хөрөнгө оруулалтаар сургууль, цэцэрлэгийн цогцолбор барьж буй. Тэгвэл тус цогцолборын барилга угсралт, тохижилтын ажил дуусаж, ашиглалтад ороход бэлэн болжээ. Нийслэлийн Хөрөнгө оруулалтын газар захиалагчийн хяналт тавьсан энэхүү цогцолборыг “Улаанбаатар барилга” ХХК барьж, ашиглалтад өглөө.
Хиагт-Алтанбулагийн боомт нээгдэж, 142 иргэн нэвтэрчээ
Өчигдөр буюу гуравдугаар сарын 30-ны 12.00 цагт Монгол-Оросын хилийн бүх боомтоор иргэд харилцан зорчих хөдөлгөөнийг нээсэн. Иргэдийн зорчих хөдөлгөөн хэвийн үргэлжилж байна. Энэ хугацаанд ОХУ-аас 54 иргэн, Монголоос 88 нийт 142 иргэн хоёр улсын хилээр нэвтэрчээ. Хоёр улсын хооронд ачаа тээвэр хэвийн үргэлжилж байна.
Хаднаас буух боломжгүй болсон 12 бог малын хамт аюулгүй буулгажээ
Ховд аймгийн Манхан сумын Тахилт багийн “Их цахирын хайрхан” гэдэг газар нэг хүн хаднаас бууж чадахгүй болсон тусламж хэрэгтэй байна гэсэн дуудлагыг 03.30-ны өдрийн 10:44 цагт хүлээн авсан байна.
МҮОХ-ны Ерөнхийлөгч Б.Баттүшиг тамгаа гардан авлаа
МҮОХ-ны 14 дэх Ерөнхийлөгч Б.Баттүшиг өнөөдөр тамгаа гардан авлаа. МҮОХ-ны Ерөнхийлөгчийн үүрэг гүйцэтгэгч Ч.Наранбаатар түүнд тамгыг гардуулан өгөв. Энэхүү ёслолд МҮОХ-ны Ерөнхийлөгч Б.Баттүшиг, Тэргүүн дэд ерөнхийлөгч Ч.Наранбаатар, Дэд ерөнхийлөгч О.Одбаяр, Ерөнхий нарийн бичгийн дарга Э.Бадар-Ууган, Тамирчдын комиссын дарга Д.Отгондалай болон штабын ажилтнууд байлцав.
КОВИД-19: Улсын хэмжээнд 112 халдвар шинээр бүртгэгдлээ
Сүүлийн 24 цагийн хугацаанд улсын хэмжээнд 112 халдвар шинжилгээгээр батлагдлаа. Үүний 55 нь Улаанбаатарт, 57 нь орон нутагт бүртгэгдсэн байна. Харин нас баралт бүртгэгдээгүй байна. Өнөөдрийн байдлаар эмнэлэгт 292 хүн хэвтэн эмчлүүлж байна. Тэднээс 11 хүний биеийн байдал нэн хүнд бол 30 хүн хөнгөн байна.
Өвөрхангай аймгийн Хархорин суманд хээрийн түймэр гарчээ
Өвөрхангай аймгийн Хархорин сумын Нарийн хүр 4 дүгээр баг “Баруун намаг гүвдэй” гэдэг газар хээрийн түймэр гарсан тухай дуудлагыг 03.30-ны өдрийн 14:50 цагт хүлээн авсан байна.
Нийслэлийн Наркологийн эмнэлгийн шинэ барилгын ажлыг удахгүй эхлүүлнэ
Нийслэлийн Наркологийн эмнэлэг нь НЭМГ-ын харьяанд ажилладаг, 23 дахь жилдээ архинд донтох эмгэгийн эмчилгээ, үйлчилгээ болон тамхинаас гаргах, мансууруулах болон сэтгэцэд идэвхт бодисын донтолтын эмчилгээ хийж буй юм. Нийслэлийн хэмжээнд ганцхан байдаг энэ эмнэлэг 50 ортой, үйлчлүүлэгчдийн тоо жилээс жилд нэмэгдсээр байгаа ч 1963 онд цэцэрлэгийн зориулалтаар барьсан барилга нь хуучирч муудсанаас хүндрэл учирч буйг тус эмнэлгийн Эмчилгээ эрхэлсэн орлогч дарга Д.Чулуунболор хэлж байлаа. Сард ойролцоогоор 164-192 хүн, жилд 1500-2500 хүнийг хэвтүүлэн эмчилдэг тус эмнэлгийн хувьд шинэ байр хамгаас чухал аж.
Б.Цэгмэд: Дорноговь аймагт ураны хөнөөлөөс болж гажигтай төл төрж байна
Дорноговь аймгийн Улаанбадрах суманд хоёр хоногийн хугацаанд таван гажигтай төл мэндэллээ. БОАЖЯ байгаль орчны нарийвчилсан үнэлгээг батлахдаа багийн ИНХ, сумын ИТХ-аар хэлэлцүүлж, дэмжүүлсний үндсэн дээр үйл ажиллагаа явуулах зөвшөөрлийг нь олгодог. Бид байгаль орчны үнэлгээ хийж байсан компанийг нь явуулсан. Гэтэл БОАЖЯ-нд ирээд байгаль орчны нарийвчилсан үнэлгээг баталсан. Өнөөдөр БОАЖ-ын сайдад алдаа завхралыг засаж өгөөч гэсэн хүсэлт гаргаж, сумаасаа ирлээ.
Хөвсгөл аймагт 3.8 магнитудын хүчтэй газар хөдлөлт болжээ
Хөвсгөл аймгийн Цагааннуур сумын Хармай 2 дугаар баг “Догоолор” гэдэг газар 03.30-ны өдрийн 14:02 цагт 3.8 магнитудын хүчтэй газар хөдлөлт болсон тухай мэдээллийг тус өдрийн 14:11 цагт ШУА-ийн ООГХ-с цахим шуудангаар ирүүлжээ.
Б.Намбардагва: Өөрийгөө хууралгүй хийсэн бэлтгэл амжилтын үндэс болдог
Миний суралцаж буй Японы ахлах сургууль жүдо биш, зөвхөн чөлөөт бөхөөр хичээллэдэг хүүхдүүдэд тэтгэлэг олгодог. Тиймээс Япон улсын ахлах сургуульд 100 хувийн тэтгэлэгтэй суралцахын тулд чөлөөт бөхөөр хичээллэж эхэлсэн гэсэн үг. Мөн Монгол Улсад бэлтгэл сургуулилт хийхэд бага зэрэг хүндрэлтэй байсан. Сургууль бэлтгэлийн газар хоёр маань хол учраас хичээлээ тараад бэлтгэлдээ яваад орой гэртээ ирэхэд хүндрэлтэй. Тиймээс Япон улсад суралцах боломжийг алдахыг хүсээгүй.
Дархлаажуулалтын III тунгийн хамрагдалт 53.8 хувьтай байна
Өчигдөр нийслэлийн хэмжээнд I тунд 5, II тунд 8, III тунд 101, IV тунд 73, нийт 187 иргэнийг дархлаажууллаа. Вакцинжуулалт эхэлснээс хойш нийслэлийн зорилтот хүн амын I тунгийн хамралт 75.2 хувь, II тунгийн хамралт 72.1 хувь, III тунгийн хамралт 53.8 хувь, нэмэлт IV тунгийн хамрагдалт 6.6 хувь байна.
Улаанбаатарт 6 хэм дулаан байна
Ихэнх нутгаар үүлшинэ. Баруун аймгуудын нутгийн зүүн, төвийн аймгуудын нутгийн баруун болон өмнөд, говийн аймгуудын нутгийн хойд хэсгээр хур тунадас орно. Бусад нутгаар хур тунадас орохгүй. Салхи нутгийн баруун хагаст баруун өмнөөс хойш эргэж, бусад нутгаар баруунаас секундэд 6-11 метр, нутгийн зарим газраар секундэд 14-16 метр хүрч ширүүсэж, шороон шуурга шуурна. Увс нуур болон Дархадын хотгор, Завхан, Идэр, Тэс голын хөндийгөөр 0-5 хэм хүйтэн, Алтай, Хангай, Хөвсгөлийн уулархаг нутаг, Тэрэлж, Хэрлэн, Онон, Улз, Халх голын хөндий, Дарьгангын тал нутгаар 0-5 хэм, говийн бүс нутгийн өмнөд хэсгээр 9-14 хэм, бусад нутгаар 4-9 хэм дулаан байна.
ДЦС IV-ийн ээлжийн ажилтан хүчдэлд цохиулж амь насаа алджээ
ДЦС-4-т үйлдвэрлэлийн осол гарсан нь үнэн. Уг ослыг нуусан зүйл огт байхгүй. Үйлдвэрлэлийн ослыг судлан бүртгэдэг эрх зүйн акт Монгол Улсын хэмжээнд бий. Стандартын дагуу уг ослыг судлан бүртгээд мэргэжлийн байгууллагад шилжүүлсэн Мөн цагдаагийн байгууллага давхар шалгаж байгаа. Манай ээлжинд гарч байсан манай ажилтан үзлэг шалгалт хийх үеэр тоноглолын гэмтэл засах гэж байгаад хүчдэлд нэрвэгдэж амь насаа алдсан үйлдвэрлэлийн осол гарсан. Ажилтнаас болон ажил олгогчоос хамаарсан алдаа оноо бий. Үүнийг мэргэжлийн байгууллагууд дээр эцэслэн дүгнэлт гарсны дараа хариуцах тооцох асуудал ярина.
Өглөө орсон цасыг зам, талбайн 241 үйлчлэгч цэвэрлэн ажиллажээ
Халтиргаа, гулгаа үүсэх магадлалтай гудамж, зам, талбай, өгсүүр замд буюу Энхтайваны өргөн чөлөө, Чингисийн өргөн чөлөө, Сансрын туннель, Зайсан, Баянхошуу зэрэг байршил болон уулын замд давс, бодис цацаж байгаа юм. Мөн Сүхбаатарын талбайд тогтсон цасыг шүүртэй таван машинаар цэвэрлэж байна.
Б.Намбардагва Японы ахлах сургуулийн үндэсний аварга шалгаруулах тэмцээнээс алтан медаль хүртлээ
Японы "Кашива Ниттай” ахлах сургуульд сурдаг, 18 настай монгол хүү Батбаярын Намбардагва чөлөөт бөхийн Бүх Японы ахлах сургуулийн үндэсний аварга шалгаруулах тэмцээний 125 кг-ын жинд алтан медаль хүртлээ. Үндэсний бөхийн улсын начин Дугардоржийн Батбаярын хүү Б.Намбардагва нийт зургаан барилдаан хийж ганц ч оноо алдалгүй бүх өрсөлдөгчөө оноогоор цэвэр ялж, Бүх Японы ахлах сургуулийн аваргаар хоёр жил дараалан тодров. Тэрбээр өнгөрсөн жилийн долдугаар сард сонгомол бөхөөр хүнд жинд мөн ахлах сургуулийн аварга болж байсан юм.
Иргэний хөдөлгөөнүүд сонор сэрэмжтэй байхыг анхаарууллаа
ОХУ-ын Элчин сайдын яамны өмнө жагсаал цуглаан боллоо. Хөрш орнууд ямар ч цаг үед нэгнийхээ эсрэг ямар нэгэн бодлого явуулах ёсгүй юм. Монгол Улс гэлтгүй хөрш орнуудын аюулгүй байдал, язгуур эрх ашигт нийцэж байх ёстой. Гэтэл БНХАУ-ын бүс нутагт амьдарч байгаад Монгол Улсад ирээд байгалийн баялгийг хулгай луйврын аргаар эзэмшсэн хүн “Шинжааны хөдөлгөөн” нэртэй байгууллага байгуулагдаж байгаа мэдээлэл байна. Тиймээс иргэний хөдөлгөөнүүдээ сонор сэрэмжтэй, болгоомжтой байх хэрэгтэй. Бид экологийн төлөө тэмцэж явсан хүмүүсээ гадны хүчний, тусгай албадын нөлөөнд оруулж шоронд оруулсан.
Өнөөдрийн 12.00 цагт Орос-Монголын хилийн боомт нээгдлээ
Оросын Холбооны Улсын Засгийн газар 2022 оны 3 дугаар сарын 29-ний өдөр №656 тогтоол баталж Монгол-Оросын хилийн бүх боомтоор иргэд харилцан зорчих хөдөлгөөнийг нээсэн байна.