Монгол Улсын Ерөнхий сайд асан С.Баяр, Петровис компанийг үүсгэн байгуулагч Ч.Давааням нарт холбогдох шүүх хурал өнөөдөр /2020.07.22/ нийслэлийн Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд эхэлээ.
Нийслэлийн Сүхбаатар дүүргийн 8 дугаар хороо, Хөгжим бүжгийн коллежын дэргэд машин шатжээ. Галын дуудлага 07.22-ны өдрийн 00:04 цагт Чингэлтэй дүүргийн Онцгой байдлын хэлтэст ирсэн байна. Уг дуудлагын дагуу дүүргийн Онцгой байдлын албан хаагчид автозамын зорчих хэсэгт иргэн Б-ын БМВ 320а загварын суудлын автомашин шатаж байсныг унтраасан аж.
Токио-Улаанбаатар чиглэлийн тусгай үүргийн онгоц өчигдөр 22:00 цагт “Буянт-Ухаа” олон улсын нисэх буудалд газардлаа.
Ойрын хоёр хоногтоо нутгийн баруун хагаст дуу цахилгаантай усархаг аадар бороо орох тул болзошгүй гэнэтийн үер ус, мөндөр, нөөлөг салхины аюулаас сэрэмжтэй байхыг, нутгийн зүүн хагаст аагим халуун болохыг анхааруулж байна.
Билгийн тооллын XVII жарны "Хотолыг баригч" хэмээх Шороон хулгана жилийн зуны адаг харагчин хонин сарын Билгийн тооллын 2.
Нийслэлийн Засаг даргын үүрэг гүйцэтгэгч Ж.Батбаясгалан, нийслэлийн Зам, тээврийн асуудал хариуцсан төслүүдийн удирдагч Б.Отгонсүх, нийслэлийн Авто замын хөгжлийн газрын дарга Б.Индра, нийслэлийн Газар зохион байгуулалтын албаны дарга А.Энхманлай, нийслэлийн Замын хөдөлгөөний төлөвлөлт, зохицуулалт, инженерчлэлийн газрын дарга С.Энхтөр тэргүүтэй холбогдох албаныхан өнөөдөр Баянзүрх, Сонгинохайрхан дүүрэгт хийгдэж буй авто замын бүтээн байгуулалтын ажлын явцыг шалгалаа.
Коронавируст халдвараас урьдчилан сэргийлэх зорилгоор голомтод үүрэг гүйцэтгэн ажиллаж байгаа алба хаагчдад дэмжлэг үзүүлэх зорилгоор “Монгол Мицан” ТББ-аас 1 450 000 төгрөгийг бэлнээр 6,5 сая төгрөгийн 1200 ширхэг амны хаалтыг өнөөдөр Улсын онцгой комисст хандивлалаа.
Хөдөлмөр, нийгмийн хамгааллын сайд А.Ариунзаяа НҮБ-ын Хүнс, хөдөө аж ахуйн байгууллагын Монгол дахь суурин төлөөлөгч Винод Ахужаг хүлээн авч уулзан Европын Холбооны санхүүжилтээр хэрэгжиж буй “Монгол Улсад хөдөлмөр эрхлэлт, ажлын байрыг нэмэгдүүлэх бодлого боловсруулахад дэмжлэг үзүүлэх” болон НҮБ-ын ХХААБ-ын “Малчдын нийгмийн хамгааллыг өргөжүүлж эрсдэлд бэлэн байдлыг сайжруулах нь” төслүүдийн талаар ярилцаж, цаашдын хамтын ажиллагааны чиглэлээр санал солилцлоо.
Сэлэнгэ аймгийн Онцгой байдлын газраас Зооноз өвчин судлалын төвтэй хамтран Гал түймэр унтраах, аврах 19, 40, 61 дүгээр ангийн алба хаагчдад “Тарваган тахал өвчнөөс урьдчилан сэргийлэх, түүнтэй тэмцэх талаар” сургалтыг зохион байгуулж, тарваган тахал өвчнөөс урьдчилан сэргийлэх дархлаажуулалтад хамрууллаа.
Эдгэрсэн 213 хүнээс 22- 23 хүнд дахин давтан шинжилгээнд коронавирус илэрсэн. Ажиглалт тандалтад байгаа. Энэ бол улс орнуудад ч адилхан үүсэж байгаа асуудал. Иргэд та бүхэн халдвартай хүн гарна гэж санаа зовох хэрэггүй.
Наадмын өмнө мах, хүнсний ногооны үнэ нэмэгдсэн. Харин өнөөдөр зах, худалдааны төвүүдэд мах, хүнсний ногооны үнэ харилцан адилгүй ханштай байна. Тухайлбал, Баянзүрх захад наадмын өмнө нэг килограмм хонины мах 12 000 төгрөг байсан бол өнөөдөр нэг килограммыг нь 9500 төгрөгөөр худалдаалж, 2500 төгрөгөөр буурчээ. Мөн нэг килограмм үхрийн мах 15,000 төгрөгнөөс 13,500 төгрөг болон буурсан байна. Харин адууны мах нэг килограмм нь 8500 төгрөгөөр худалдаалж байна.
ХӨСҮТ-ийн хоёр лаборатори, ЗӨСҮТ-ийн лаборатори, Дархан-Уул аймгийн лабораторид нийт 520 хүнд шинжилгээ хийлээ. Коронавирус илрээгүй.
Токио-Улаанбаатар чиглэлийн тусгай үүргийн онгоц өнөөдөр 09:45 цагт Улаанбаатараас хөөрлөө.
Баян-Өлгий аймгийн Цэнгэл сумын Цагаан түнгэ багийн “Арал толгой” гэдэг газар 20 настай, эрэгтэй өчигдөр адуундаа мориор яваад сураггүй болжээ. Учир нь мөн өдрийн 10:30 цагт эмээл, тохом нь ус болсон морь нь гэртээ ирсэн байна. Тиймээс ар гэрийнхэн нь тус аймгийн Онцгой байдлын газарт дуудлага өгчээ. Дуудлагын дагуу эрэн сурвалжлах ажиллагаа үргэлжилж байна.
Нийслэлийн удирдлагууд БЗД-ийн 2-р хороо гэр хорооллын дундах 0.8км, СХД 10-р хороо Баянхошуу орчим 3 км авто замын ажлын явцыг шалгаж байна.
Тагнуулын ерөнхий газар /ТЕГ/-ын дарга асан Б.Хурц, Улсын ерөнхий прокурорын орлогч асан Г.Эрдэнэбат, мөрдөгч О.Бархасбадь, Ж.Мөнхгал, С.Баяр, Ү.Отгонбаяр, С.Эрдэнэбат, ШШГЕГ-ын ажилтан Э.Өлзийбаяр, О.Бямбажав нарт холбогдох шүүх хурал өнөөдөр /2020.07.21/ 09.00 цагт Төв аймаг дахь Эрүүгийн хэргийн анхан шатны шүүхэд үргэлжилнэ.
11.00 цагт "COVID-19"-ийн цар тахлын нөхцөл байдлын талаарх ээлжит хэвлэлийн хурал ЭМЯ-нд болно.
Нийслэлийн Онцгой комиссын даргын энэ сарын 17-ны өдрийн 17 дугаар тушаалын дагуу баяр наадмын өдрүүдэд Улаанбаатар хотоос орон нутгийн чиглэлд гарсан тээврийн хэрэгслийн хөдөлгөөн буцаад нийслэл хотруу чиглэх хандпагатай байгаа тул хөдөлгөөний аюулгүй байдлыг хангах, тарваган тахлаас урьдчилан сэргийлэх зорилгоор хяналт, шалгалт хийж байна.
2020 оны шинэ хуулийн хэрэгжилтээр НӨАТ-ын буцаан олголтыг улирал болгон олгох болсон. Энэ хоёрдугаар улирлын буцаан олголтод дөрөвдүгээр сарын нэгнээс зургадугаар сарын 30-ны хоорондох худалдан авалтын баримт хамрагдана. Эдгээр баримтыг долдугаар сарын наймны дотор шивсэн 901 мянган иргэний 38,2 тэрбум төгрөгийг буцаан олгоно гэсэн тоо гарсан.