Бахмутын төлөөх тулаанд Вагнер групп 500 гаруй хүнээ алдсан, бодит хохирол хэд дахин их байж болзошгүй бөгөөд энэ бүлэглэлийн хувьд Бахмутын төлөөх тулаан хамгийн их цус асгаруулсан үйл явдал болсон гэж "Вёрстка" мэдээлжээ.
Жил бүр уламжлал болон зохион байгуулагддаг цэцэгсийн үзэсгэлэн Лондонгийн Челсид нээгджээ. Энэ удаагийн үзэсгэлэнг Хааны гэр бүлийнхэн болон алдартнууд үзэж сонирхсон байна. Цэцгийн үзэсгэлэнг зохион байгуулагчид энэ онд талийгаач II Элизабетын дуртай цэцэгсэд онцгой анхаарал хандуулсан гэж ВВС мэдээлжээ.
Хятадын жолоодлогот сансрын хөлөг болох "Шэньжоу-16" болон пуужин тээвэрлэгч "Чанжэн-2F" -ийг даваа гарагт хөөргөх талбай руу зөөн хүргэсэн гэнэ. Энэ талаар Хятадын жолоодлогот сансар судлалын хөтөлбөрийн захиргаа мэдээлснийг Синхуа агентлаг дамжуулжээ.
Трампад хүчирхийлүүлсэн гэж шүүхэд хандсан сэтгүүлч, зохиолч Элизабет Жин Кэррол Трампаас таван сая доллар нэхэмжил авч байсан. Үүний дараа тэрбээр дахин 10 сая долларыг нэхэмжилсэн байна.
Италид галт уул сэрсний улмаас Катанийн нисэх буудлын зурвас үнс нурманд дарагдаж, нисэх буудлын ажиллагааг түр зогсоохоор болсон талаарх мэдээлэл даваа гарагт гарч байсан. Мөн ийм шалтгааны улмаас Мексикийн нисэх буудлыг хаажээ.
Эх сурвалжийн мэдээлснээр, эхлээд Кандаровыг дайчилдгааны үеэр цэргийн албанаас оргон зайлсан хэргээр буруутгаж, таван жилийн ял оноосон байна. Харин өмгөөлөгчид давж заалдаж, цэргийн алба хаагчийн хэрэг 2022 оны тавдугаар сард буюу Орост хэсэгчилсэн дайчилгаа зарлахаас өмнө болсон хэрэг гэж үзсэн тул ялыг бууруулж, гурван жилийн хорих ял оноожээ.
Эх сурвалжийн мэдээлснээр, өнгөрсөн намар Хятадын санал болгосон төслийг хэрэгжүүлэх дараагийн алхмуудын тухай баримт бичгийг өнгөрсөн долоо хоногийн сүүлээр Сианд болсон дээр хэмжээний уулзалтын үеэр талууд баталсан байна. Энэ дээд хэмжээний уулзалтын үеэр Ши Жинпинь хуучин Зөвлөлтийн бүрэлдэхүүнд багтаж байсан Төв Азийн таван орны төрийн тэргүүнтэй анх удаа биечлэн уулзсан юм.
Утаа, орчны бохирдлын асуудлыг шийдэх туршлагаа Монгол Улс Кыргызтэй хуваалцана гэж Кыргызийн Байгалийн нөөц, экологи, техникийн хяналтын яам мэдэгдсэнийг Казинформ мэдээллийн агентлаг мэдээлжээ.
Украинтай хил залгаа, Оросын Белгород мужийн Грайворонск хотын тойргийн нутаг дэвсгэрт "Украины Зэвсэгт хүчний хорлон сүйтгэх, тагнуулын бүлэг" нэвтэрсэн гэж тус мужийн захирагч Вячеслав Гладков даваа гарагт мэдэгджээ. Үүнээс өмнө тус бүс нутагт тулаан өрнөж байгаа талаарх мэдээлэл гарч байв. Кремлийн мэдэгдсэнээр, Оросын Ерөнхийлөгч болсон үйл явдлын талаар мэдээлэл авсан гэнэ.
Сингапурын агаарын тээврийн компани болох Singapore Airlines компани их хэмжээний орлого олсонтой холбоотойгоор ажилтнууддаа урамшуулал олгохоор болжээ. Энэ талаар Блүмберг агентлаг мэдээлсэн байна.
Хонконгт тагтаа, зэрлэг амьтан хооллосны төлөө оноох шийдвэрийг чангатгах хууль батлахаар зэхэж байгаа аж. Энэ талаар South China Morning Post сонин мэдээлсэн байна.
Дуучин Бейонсе, түүний нөхөр рэпер Jay-Z нар Малибуд 200 сая доллараар байшин худалдан авчээ. Энэ байшингийн загварыг Канье Уэстийн харшийн загварыг гаргаж байсан Тадао Андо гаргасан байна.
Номхон далайн арлын улс болох Токелауд коронавирусийн халдварын анхны тохиолдол илэрчээ. Улмаар тус улсын эрх баригчид хөл хорио тогтоосон талаар МИР24 мэдээлсэн байна.
Сицилийн Катани дахь нисэх буудлын үйл ажиллагааг галт уул сэрсний улмаас түр зогсоожээ. МИР24 сувгийн мэдээлснээр, Этна гал уул сэрж, агаарт үнс нурам хаяж, нисэх буудлын хөөрөх-газардах зурвас үнсэнд дарагдсан тул нисэх буудал түр хугацаанд ажиллах боломжгүй болсон байна.
Сансрын жуулчдыг суулгасан Falcon 9 пуужин тээвэрлэгч Америкийн Флорида мужийн Канаверал сансрын буудлаас Олон улсын сансрын станц руу хөөрчээ. Энэ талаар SpaceX компани мэдэгдсэн байна.
Украины Ерөнхийлөгч Володимир Зеленский G7-ийн дээд хэмжээний уулзалтад биечлэн оролцсон. Энэ уулзалтын үеэр тэрбээр Бразилын Ерөнхийлөгч Луис Инасиу Лула да Силвитай уулзахаар байсан ч ирээгүй гэнэ. Ноён Зеленский "насанд хүрсэн хүн тул юу хийж байгаагаа мэдэж байгаа" хэмээн Лула да Силва мэдэгджээ.
Оросын Холбооны Улсын Ерөнхий сайд Михаил Мишустин Хятадад айлчлал хийхээр төлөвлөж байгаа талаар Блүмберг агентлаг мэдээлж байсан. Энэ мэдээллийг Оросын тал баталжээ.
Сальвадорын нийслэл Сан-Сальвадорын хөлбөмбөгийн цэнгэлдэх хүрээлэнд хүмүүс олноор дарагдсаны улмаас 12 хүн амиа алдсан гэж орон нутгийн албаны этгээдүүдээс авсан эх сурвалжтайгаар ВВС агентлаг мэдээлжээ.
Хари Будда Магар цэргийн алба хаагч байсан, гурван хүүхдийн эцэг хүн аж. Тэрбээр 2010 онд тэсрэх төхөөрөмжид өртөн хоёр хөлөө шархдуулж, улмаар тайруулжээ. Өөдрөг, амьдралд хайртай тэрбээр хөлөө алдсаныхаа дараа амьдрал нь дууссан мэт санагдаж байснаа ч нуугаагүй аж. Гэхдээ цаг хугацааны эрхээр шинэ бодит байдалд дасаж эхэлсэн гэнэ.
Япон улсад G7-ийн дээд хэмжээний уулзалт болж өнгөрлөө. Энэ уулзалтад Украины Ерөнхийлөгч Володимир Зеленский биечлэн оролцож, бусад оролцогч талууд Украинд үзүүлэх тусламж дэмжлэгээ нэмэгдүүлэхээр амласан юм.