Иран Израилын мөргөлдөөн 4 дэх өдрөө үргэлжилж байна. Израил болон Ираны талууд харилцан агаарын довтолгоо хийж буй бөгөөд хохирогчдын тоо нэмэгдсээр байна. Иранд баасан гарагаас хойш амиа алдсан хүмүүсийн тоо 220-д хүрсэн бол Израилын талаас 19 хүн амиа алджээ.
Израилын арми ХАМАС бүлэглэлийн удирдагч Мохаммед Синварын цогцсыг олсон бөгөөд ДНХ-ийн шинжилгээгээр баталгаажуулснаа мэдэгдлээ. Мохаммед Синварын цогцсыг Хан Юнис хотын Европ эмнэлгийн хонгилоос олсон бөгөөд түүнд холбогдох хэд хэдэн ноцтой баримтууд илэрсэн гэж Израилын Батлан хамгаалах хүчин мэдэгдсэн байна.
АНУ-ын Лос-Анжелес хотноо Ерөнхийлөгч Дональд Трампын эсрэг жагсаал 3 дахь өдрөө үргэлжилж байна. Уг жагсаал тайван жагсаалаар эхэлсэн ч Ерөнхийлөгч Дональд Трамп Үндэсний гвардын 2000 орчим цэргийг жагсагчдийн эсрэг оруулснаар тэмцэл хурц хэлбэрт шилжиж, мөргөлдөөн үүссэн юм.
Украин өнгөрсөн амралтын өдрүүдээр ОХУ-ын 4 баазад цохилт өгч сөнөөгч онгоцуудынх нь 34 хувийг буюу 40 онгоцыг устгасан. Гэнэдүүлж довтолсон уг цохилтод ОХУ 7 тэрбум гаруй долларын хохирол амсаад байгаа. Тэгвэл ОХУ лхагва гарагт Украины хотуудад хариу цохилт өглөө.
АНУ-ын Ерөнхийлөгч Дональд Трамп Теслагийн үүсгэн байгуулагч Элон Маск нар тангараг тасарснаар АНУ-ын улс төр бужигнаж эхэлжээ. Тухайлбал Дональд Трампын засгийн газрын үйл ажиллагааг шүүмжлэх Конгрессын гишүүд нэмэгдэж, тарифын асуудлыг намжааж, татварыг бууруулах ёстой хэмээн байр сууриа илэрхийлцгээж байна.
Европын холбоо Хятадад газрын ховор элементийн экспортын хязгаарлалтаа сулруулахыг уриаллаа. Учир нь Хятад газрын ховор элементийн экспортдоо хязгаарлалт тавьснаас үүдэн Европ, АНУ-ын нийлүүлэлт тасалдаж, автомашины үйлдвэрлэл тасалдахад хүрээд байна.
АНУ-ын Ерөнхийлөгч Дональд Трамп түүний холбоотон Элон Маск нар муудалцжээ. Элон Маскийн хувьд Дональд Трампын засгийн газрын авч хэрэгжүүлж буй татварын нэмэгдэл, үйл ажиллагааны зардал танах зэрэг үйл ажиллагааг хурцаар шүүмжилж эхэлжээ.
Оросын төрийн мэдээллийн агентлагууд Орос улс энхийн санамж бичигтээ гал зогсоох хоёр "сонголт" тавьсан гэж мэдээлэв. Эхний хувилбарт Кремль Украины Донецк, Луганск, Херсон, Запорожье мужуудаас Украины Зэвсэгт хүчнийг бүрэн гаргах тухай тусгасан. ОХУ-ын зүгээс 2022 оноос эхлэн тус бүс нутгуудыг өөртөө нэгтгэх оролдлого хийж зарим газарт хяналтаа тогтоосон ч бүрэн эзэлж чадаагүй билээ. Харин “Багцын гэрээ” гэж нэрлэгдсэн хоёр дахь хувилбарт Украины армид үзүүлж буй барууны цэргийн тусламжуудыг, тэр дундаа тагнуулын мэдээлэл хуваалцах алхамыг бүрэн зогсоох тухай тусгажээ.
Италийн Сицил арлын Этна гал уул дэлбэрч их хэмжээний угаарын хий, үнс, чулуугаар тургив. Галт уул дэлбэрэх үед ойр орчимд байсан бүр жуулчдыг аюулгүй газарт нүүлгэн шилжүүлсэн байсан бөгөөд галт уулын лаав гурав салаалан урсжээ. Мөн гал уулын дэлбэрэлт 50 км, 40 км-ын зайд орших Таормина, Катания хотуудад мэдрэгджээ. Этна галт уул нь дэлхийн хамгийн идэвхтэй галт уулуудын нэг.
Украины арми "Аалзны тор" ажиллагааг явуулж ОХУ-ын гүнд цохилт хийгээд байгаа. Аалзны тор ажиллагаагаар ОХУ-ын цэргийн 4 баазад цохилт өгсөн нь тус улсын армийн "эмзэг" байдлыг дахин илчилсэн гэж барууны хэвлэлүүд онцолж байна. Тодруулбал, Украины талаас хийсэн ажиллагаанд ОХУ-ын тал ямар бэлтгэлгүй байсан бөгөөд стратегийн бөмбөгдөгч онгоцууд устаж, 7 тэрбум ам.долларын хохирол амсаад байна.
Украин улс дахин ОХУ-ын гүнд цохилт өглөө. Тодруулбал “Аалзны тор” ажиллагааны хүрээнд Оросын гүн дэх дөрвөн агаарын баазад нисгэгчгүй онгоцоор цохилт өгч, байлдааны онгоцдуудыг нь устгасан гэж Украины Аюулгүй байдлын албанаас мэдээлсэн байна.
Олон улсын худалдааны шүүх АНУ-ын Ерөнхийлөгч Дональд Трампын импортын тарифын шийдвэрийг хүчин төгөлдөр болохоос нь өмнө зогсоолоо. Олон улсын худалдааны шүүх шинэ тарифыг хэрэгжиж эхлэхээс нь өмнө хориг тавьж байгаа бөгөөд Дональд Трампыг эрх мэдлээ хэтрүүлэн ашигласан, хууль зүйн үндэслэлгүй үйлдэл хэмээн дүгнэжээ.
Газын зурваст 60 хоногийн хугацаанд гал зогсоохыг Хамас болон Израилын талууд зөвшөөрчээ. Мөн 60 хоногоор гал зогсоох уг саналыг АНУ-д хүргүүлээд байна. АНУ-ын Ерөнхийлөгч Дональд Трамп Газын зурваст гал зогсоох асуудлаар мэдэгдэл хийх төлөвтэй байна. Уг саналд барьцаанд байгаа 10 хүнийг хоёр үе шаттайгаар суллахаар тусгасан байна. Мөн ХАМАС бүлэглэл эхний долоо хоногт 18 хүний цогцсыг Израилын талд хүлээлгэн өгнө гэж заажээ.
Газын төв хэсэгт байрлах хүнсний агуулах руу өлсгөлөнд нэрвэгдсэн хүмүүс дайран оржээ. Дэлхийн хүнс хөтөлбөрийн мэдээлж байгаагаар агуулах руу дайрсан Газын оршин суугчид руу Израилын талаас гал нээж 2 хүн амиа алдаж, 47 хүн шархджээ. Израилын бүслэлтийн улмаас Газын зурваст бүтэн 3 сарын хугацаанд хүнс ачсан хүмүүнлэгийн машинууд нэвтэрч чадаагүй. Тиймээс Газын зурвас дахь өлсгөлөн даамжирч, хяналтаас бүрэн гарчээ.
Загвар өмсөгч Hailey Bieber-ийн гоо сайхны Rhode брэнд 1 тэрбум доллароор зарагдлаа. Тус брэндийг алдарт Elf Beauty худалдан авах хэлцэлд хүрсэн байна. Elf beauty брэнд 2023 онд Naturium-г 355 сая доллароор худалдан авсан байдаг. Харин энэ удаад Hailey Bieber-ийн Rhode брэндээр өргөжиж байна.
АНУ-ын Төрийн нарийн бичгийн дарга Марко Рубио Хятад оюутнуудын визийг цуцлах арга хэмжээний талаар мэдээлэл өгчээ. АНУ-ын Төрийн департаментаас авч хэрэгжүүлэх энэхүү бодлогын хүрээнд Хятадын Комунист намтай холбоотой болон онц чухал салбарт бэлтгэгдэж байгаа хятад оюутнуудын визийг цуцлах гэж байна.
Холбооны засгийн газар элчин сайдын яамдууддаа АНУ-д суралцах гадаад оюутнуудтай ярилцлагын цаг товлохыг зогсоох чиглэл өглөө. Одоогийн байдлаар өмнө нь товлогдсон ярилцлагын цагуудыг цуцлахгүй. Харин хуваарьт хараахан орж амжаагүй ярилцлагын цагуудыг цуцлах үйл ажиллагаа эхэлж байна хэмээн цагаана ордноос мэдээлжээ.
Өнгөрсөн долоо хоногт АНУ-ын Ерөнхийлөгч Дональд Трамп ОХУ-ын Ерөнхийлөгч Владимир Путинтэй утсаар ярьсан. Энэ үеэр В.Путин гал зогсоох нөхцөлийг тусгасан “энхийн санамж бичиг” илгээхээ амласан юм. Гэвч өнөөг хүртэл АНУ уг санамж бичгийг хүлээн аваагүй байгаа талаар Цагаан ордноос мэдээлээд байна. Тиймээс Д.Трамп В.Путины эсрэг шинэ хориг арга хэмжээ авах тухай төлөвлөж байгаа аж. Мөн АНУ-ын Конгресс дахь Ардчилсан болон Бүгд найрамдах намын төлөөлөгчид ОХУ-д хатуу хориг тавихыг Ерөнхийлөгчөөс шаардаж эхэлсэн байна.
Францын Ерөнхийлөгч Эммануэль Макрон эхнэр Брижит Макронтой Вьетнамд айлчлах үедээ муудалцаж буй бичлэг цахим орчинд viral болж байна. Онгоц газарлах үед Францын тэргүүн хатагтай Ерөнхийлөгчийг хоёр гараараа нүүр лүү түлхэж байгаа нь хэвлэлийнхний дуран буусан бөгөөд
Шведэд төвтэй автомашин үйлдвэрлэгч "Volvo Cars" зардлаа бууруулах төлөвлөгөөний хүрээнд 3,000 орчим ажилтнаа цомхотгохоо мэдэгдлээ. Тус компанийн мэдээлснээр цомхотгол Швед дэх оффисын ажилтнуудад хамаарна гэжээ. Өнгөрсөн сард Volvo Cars (Хятадын Geely Holding компанийн эзэмшилд байдаг) 1.9 тэрбум ам.доллар бүхий шинэчлэлийн “үйл ажиллагааны төлөвлөгөө” хэрэгжүүлэхээ зарласан байдаг.