Германы нисэх буудлууд баасан гарагт хаагдана
Германы Мюнхен, Франкфурт, Хамбург хотуудын нисэх буудлууд баасан гарагт түр хаагдаж, тогтмол нислэг үйлдэхгүй гэж DW агентлаг мэдээлжээ.
Хатай мужид нуралгүй үлдсэн цор ганц хот болох Эрзин хотын дарга Оккеш Эльмасоглу
Туркийн Кахраманмараш болон Хатай мужид хоёронтаа болсон газар хөдлөлт аймшигт сүйрлийг дагуулсан бөгөөд Хатай мужид энэ байгалийн гамшигт тэсэж үлдсэн цорын ганц хот нь Эрзин байв. Энэ хот бараг л хохирол амсаагүй нь хотын дарга Оккеш Эльмасоглугийн гавьяа гэж Туркийн хэвлэлүүд бичжээ. Туркийн Cumhuriyet хэвлэлийн мэдээлснээр, 42 000 хүн амтай Эрзин бүрэн бүтэн үлдсэний дээр нэг ч хүн амиа алдаагүй аж.
Хөлөг онгоц сүйрсний улмаас Ливийн 73 цагаач амиа алджээ
Хоёрдугаар сарын 14-ний өдөр Триполи хотоос холгүйхэн усан онгоц сүйрсний улмаас Ливийн 73 цагаач ор сураггүй болсон, амиа алдсан байж болзошгүй гэж Олон улсын цагаачлалын байгууллага мэдэгджээ.
ОХУ-ын шүүх Украины иргэнийг тагнуулын хэрэгт буруутгаж, 16 жилийн ял оноожээ
ОХУ-ын Тульск мужийн шүүх Украины иргэнийг тагнуул хийсэн хэрэгт буруутай хэмээн үзсэн талаар тус шүүхийн хэвлэлийн алба мэдээлснийг Интерфакс агентлаг дамжуулжээ.
Хятадын сурагчдыг 21:00 цагаас хойш гэрийн даалгавар хийхгүй байхыг уриалжээ
Энд дуулгахад, багш нарын өгсөн сануулга, эсвэл муу дүнг тэсвэрлээгүй хүүхдүүд амиа хорлох хүртэл үйлдэл хийж байсан юм. Тухайлбал, 2017 онд 10 настай охин муу сурч байгаагийнхаа улмаас амиа хорлосон бөгөөд ийм тохиолдлууд хэдэнтээ гарч, нийгэмд шуугиан дэгдсэний дараа Хятадын эрх баригчид сурагчдад ирэх хичээлийн дарамтыг багасгахыг хичээж байгаа аж.
Украинд дайн хийсэн нэг жилийн хугацаанд ОХУ танкнуудынхаа тал хувийг алджээ
Үүний зэрэгцээ Оросын нисэх хүчин ихээхэн хохирол амссан гэж шинжээчид онцолсон байна. Тэдний үзэж байгаагаар, дайн эхлэхээс өмнө байсан онгоцнуудынхаа 6-8 хувийг дайны үеэр алдсан гэнэ. Харин Су-24М бөмбөгдөгч, Су-30СМ сөнөөгч онгоцнуудын тухайд хохирол 10-15 хувьтай байгаа аж.
АНУ-д цэргийн нисдэг тэрэг сүйрчээ
АНУ-д UH-60 Black Hawk цэргийн нисдэг тэрэг сүйрчээ. Энэ талаар Америкийн Батлан хамгаалах яамнаас авсан эх сурвалжтайгаар BNO news телевиз мэдээлсэн байна.
Туркэд боссон монгол, казах, киргиз гэр
Сүүлийн 100 жилд тохиосон хамгийн хүчтэй газар хөдлөлтүүдийн нэгд тооцогдож буй энэхүү байгалийн гамшгийн дараа дэлхийн улс орнууд аврагчдаа илгээн, эрэн хайх, аврах ажиллагаанд туслан, тонн тонноор нь хүмүүнлэгийн тусламж ачуулсан. Хүйтний улиралд хохирогчдод орогнох байр нэн хэрэгтэй байгаа тул улс орнууд майхан, чингэлгэн сууц илгээж байгаа бол нүүдэлчид хурааж, барихад хялбар, дулаан гэрээ илгээсэн юм. Ингэснээр Туркэд монгол, казах, киргиз гэрээс бүтсэн хотхонууд бий болжээ.
Word, PowerPoint программууд хиймэл оюун ухаантай болно
Майкрософт компани программ хангамжийн бүхий л бүтээгдэхүүндээ нейро сүлжээний технологи нэвтрүүлэхээр төлөвлөж байгаа аж. Эхний ээлжинд Word, PowerPoint болон Outlook программууд хиймэл оюун ухаантай болно гэж The Verge мэдээлжээ.
Хойд Солонгост Ким Жон Уны охины зурагтай марк гаргажээ
Хойд Солонгост Ким Жон Уны охины гэрэл зурагтай марк гаргажээ. Эдгээр маркан дээр Кимийн охин баллистик пуужингийн туршилтан дээр байгаа зургийг байрлуулсан талаар Хойд Солонгосын шуудангийн сайтаас авсан мэдээлэлтэйгээр РБК дамжуулсан байна.
Европын холбоо 2035 оноос эхлэн бензин болон дизель хөдөлгүүрт машин зарахыг хориглоно
Бензин эсвэл дизелиэр ажилладаг дотоод шаталтын хөдөлгүүртэй шинэ автомашинуудыг 2035 оноос худалдахыг хориглох тухай хуулийг Европарламентын гишүүд дэмжин баталжээ. Энэ талаарх мэдээлэл Европарламентын албан ёсны сайт дээр нийтлэгдсэн байна.
Yahoo News: Оросын бөмбөгдөгч онгоцны инженер АНУ-аас орогнол хүсчээ
Оросын бөмбөгдөгч онгоцнуудыг бүтээхэд оролцсон инженер 12 дугаар сарын сүүлээр АНУ-ын баруун өмнөд хил дээр ирж, орогнол хүссэн гэнэ. Тэрбээр Оросын цэргийн нууцыг ч өгнө гэж хэлсэн талаар Yahoo News мэдээлжээ.
Буриадын оюутан Өмнөд Солонгосын нисэх буудал дээр гурван сарын туршид амьдарч байна
Буриадын их сургуулийн оюутан, 23 настай Владимир Марактаев Орост дайчилгаа эхэлсний дараа Монголоор дамжин Өмнөд Солонгосыг зорьжээ. Гэвч 11 дүгээр сарын 12-ны өдөр Инчоны нисэх буудал дээр буухад түүнийг армид дайчлагдахаас зугтах нь дүрвэгчийн статус олгох үндэслэл болохгүй хэмээн үзэж, түүнийг Өмнөд Солонгос руу нэвтрүүлэхээс татгалзсан байна.
Орост 19 настай залуу цэргийн комиссарын байрыг шатаасан хэргээр дөрвөн жилийн хорих ял сонсов
ОХУ-ын Ростов мужийн шүүх тус мужийн 19 настай оршин суугчийг цэргийн комиссарын газар галдан шатаасан хэрэгт буруутай гэж үзэн дөрвөн жилийн хорих ял оноожээ. Энэ талаар Интерфакс агентлаг мэдээлсэн байна.
Остин: Путиний төлөвлөсөн бүхэн бүтэлгүйтсэн
Украины эсрэг өргөн цар хүрээтэй түрэмгийлэл үйлдэхдээ Оросын Ерөнхийлөгч Владимир Путиний тооцоолсон бүхэн нь алдсан гэж АНУ-ын Батлан хамгаалахын сайд Ллойд Остин мэдэгджээ. Тэрбээр "Рамштайн" форматаар болсон хурлын дүнгээр хийсэн хэвлэлийн бага хурлын үеэр ийнхүү мэдэгдсэн байна.
Эрдоган: Эрэн хайх ажиллагааг зогсоохгүй
Хоёрдугаар сарын зургааны өдөр Туркэд газар хөдөлснөөс хойш ес хоног хэдийнэ өнгөрөөд байна. Олон мянган хүний амь насыг авч одсон энэ газар хөдлөлт болсноос хойш аврагчид амралтгүй ажиллаж байгаа, мөн ойрын үед эрлийн ажлыг зогсоохгүй гэнэ.
Туркийн Адыяман хотод нурангин дор 212 цаг байсан ахмад настныг аварчээ
Туркэд газар хөдөлснөөс хойш ес дэх өдөр нь өнөөдөр тохиож байна. Олон өдөр өнгөрсний дараа амьд мэнд үлдсэн хүмүүсийг олох магадлал туйлын бага байсан ч аврагчид эрэн хайх, аврах ажлаа үргэлжлүүлж, газар хөдөлснөөс хойш 200 гаруй цагийн дараа амьд хүмүүсийг олж аварсан талаар Туркийн Анадолу агентлаг мэдээлжээ.
Азербайжан Туркийн Адыяман хотод 1000 чингэлгэн байшин байршуулна
Азербайжан улс Туркийн Адыяман хотод 1000 чингэлгэн байшин бүхий хотхон байгуулж өгөхөөр болжээ. Энэ талаар Азербайжаны Бизнес, аж үйлдвэр эрхлэгчдийн холбооны тэргүүн Хюсейн Бююкфырат "Анадолу" агентлагт мэдээлсэн байна.
Турк чингэлгэн сууц экспортлохыг хоригложээ
Өнгөрсөн долоо хоногт болсон газар хөдлөлтийн улмаас Туркэд олон мянган барилга байшин нурж, нутгийн иргэд орон гэргүй болсон. Ийм нөхцөлд иргэдийг түр сууцаар хангахын тулд зарим шийдвэрийг гаргажээ.
Япон улс АНУ-аас Tomahawk пуужин авна
Япон улс АНУ-аас стратегийн болон тактикийн зориулалттай, Tomahawk далавчит пуужин авахаар төлөвлөж байгаа аж. Энэ талаар Японы Ерөнхий сайд мэдэгдсэнийг NHK мэдээлжээ.