Туркэд дахин газар хөдөлжээ
Туркэд өнгөрсөн долоо хоногт хүчтэй газар хөдлөлт болсны улмаас олон мянган хүний амь эрсэдсэн. Хоёрдугаар сарын зургааны өдөр хүчтэй газар хөдлөлт хоёронтаа болсны араас чичирхийлэлтүүд үргэлжилж байв.
Румынд 5,2 магнитудын хүчтэй газар хөдлөлт болжээ
Румынд 5,2 магнитудын хүчтэй газар хөдлөлт болсныг Европ-Газрын дундад тэнгисийн газар хөдлөлт судлалын төв бүртгэжээ. Газар хөдлөлт улмаас хүн хохирсон болон байшин барилга эвдэрсэн талаарх мэдээлэл гараагүй байна.
ВВС: Дайчлагдаж Украин руу явсан эрчүүдээс 1000 нь амиа алдсан
ВВС агентлаг болон Медиазона төсөл дайчилгааны үеэр цэрэгт татагдаж, улмаар Украинд амиа алдсан 1000 гаруй хүний нэрийг олж тогтоожээ. Орост дайчилгаа эхэлснээс хойш ердөө дөрвөн сарын хугацаа өнгөрөөд байгаа юм.
Канад иргэдээ Беларусиас нэн даруй явахыг зөвлөжээ
Тодруулбал, Канадын Гадаад хэргийн яам иргэдээ Беларусь руу зорчихгүй байх, энэ улсад байгаа бол нэн даруй орхин гарахыг зөвлөжээ. Энэ нь Орос, Украины сөргөлдөөнтэй холбоотой хэмээн Гадаад хэргийн яам тайлбарласны дээр Беларусьт Канадын төрийн байгууллага байхгүй, Польш дахь Канадын элчин сайдын яам Беларусьт байгаа иргэддээ консулын үйлчилгээ үзүүлэх боломж хомс гэдгийг анхааруулсан байна.
Газар хөдлөлтийн улмаас орон гэргүй болсон 10 гэр бүл Азербайжанд амьдарна
Туркэд газар хөдлөсний улмаас орон гэргүй болсон, хүүхэдтэй 10 гэр бүлийг Азербайжан улс хүлээн авчээ. Тэд Азербайжанд түр хугацаанд амьдарна гэж Андолу агентлаг мэдээлсэн байна.
Туркэд газар хөдлөлтөөр нурсан барилгын гүйцэтгэгчийг баривчилжээ
Өнгөрсөн долоо хоногт Туркэд хүчтэй газар хөдлөлт болсны улмаас олон мянган барилга байшин сүйрч, нэг хот, хороолол бүхэлдээ нурсан тохиолдол ч гарсан юм. Энэ нь барилгын норм журмыг зөрчсөнөөс үүдэлтэй хэмээн Туркийн олон нийт шүүмжлэн эрх баригчид болон барилгын салбарынхныг буруутгаж, гэм буруутнуудыг олж илрүүлэн, хариуцлага тооцохыг шаардаж байлаа.
Үхэлтэй 180 гаруй цаг тэмцэлдсэн хүүхдүүд
Турк, Сирид хүчтэй газар хөдлөлт болсноос хойш хэдийнэ найман өдөр өнгөрчээ. Цаг мөч өнгөрөх тусам амьд үлдэгсдийг олох нь нэн ховор аз гэж тооцогдохоор байсан ч газар хөдөлснөөс хойш, нэг, хоёр, гурав тэр бүү хэл долоо хоногийн дараа ч нурангин дор тэсэж үлдсэн хүмүүс олдсоор байгаа юм.
Досье: Путин Хойд Солонгосын удирдагчийн адилаар хуягт галт тэргээр зорчдог
ОХУ 2021 оны хоёрдугаар хагаст Украин руу довтлохоор бэлдэж, Владимир Путин орон нутагт ажиллахдаа Ерөнхийлөгчийн онгоц биш харин тусгай хуягт гал тэрэг ашиглах нь олширсон гэнэ. Энэ талаар Михаил Ходорковскийн үүсгэн байгуулсан "Досье" төвд ОХУ-ын Ерөнхийлөгчийн танил ярьжээ. Мэдээлэлд эх сурвалжийн нэрийг нууцалсан байна.
Хятадын судлаачид нисдэг, сэлдэг дроны анхдагч загварыг бүтээжээ
Хятадын судлаачид нисдэг мөн усан доогуур шумбах чадвартай дроны анхдагч загварыг бүтээсэн бөгөөд ингэснээр энэ дроныг олон талаар ашиглах боломжтой аж. Энэ талаар Хятадын Синхуа агентлаг мэдээлсэн байна.
Савраа гэмтээсэн ч аврах ажлаа үргэлжлүүлж буй Кепюк дуудлагат нохой
Туркийн Малатья хотод эрэн хайх, аврах ажиллагаанд оролцож байхдаа савраа гэмтээсэн ч ажлаа үргэлжлүүлж байгаа нохойн зураг олон нийтийн сүлжээгээр тархсан. Энэ нохой Кепюк дуудлагатай аврагч нохой аж.
АНУ иргэдээ ОХУ-аас явахыг дахин уриалжээ
Элчин сайдын яамнаас гаргасан мэдэгдэлд, "хууль бусаар баривчлан саатуулж болзошгүй", шинээр дайчилгаа зарлах магадлалтай тул Орост байгаа Америкийн иргэдийг нэн даруй тус улсаас явахыг зөвлөсөн байна.
Хойд Солонгос армиа өргөжүүлжээ
Хойд Солонгос олон цэргийн анги нэгтгэлээ өргөтгөж, өөрчлөн зохион байгуулсан талаар Солонгосын цахим мэдээллийн агентлаг мэдээлсэн байна. Энэ нь "аюулгүй байдлын салбар дахь шинэ нөхцөл байдалтай холбоотой" гэж эх сурвалж онцолжээ.
Сүүлийн 100 жилд тохиож, хамгийн их сүйрэл дагуулсан газар хөдлөлтүүд
Газар хөдлөлт судлаачдын өгүүлснээр, сүүлийн 100 жилд газар хөдлөлт асар ихээр бүртгэгджээ. Эдгээрээс хамгийн их сүйрэл дагуулсан нь 1976 онд Хятадад болсон газар хөдлөлтийг гэж үздэг. Тухайн үед Таншан дахь барилгын 90 хувь нь агшин зуурт нуран унажээ. Байгалийн гамшиг болсноос хойш хоёр жилийн дараа амиа алдсан хүмүүсийн тоог 250 мянга гэж албан ёсоор зарласан, албан бус мэдээллээр амиа алдсан хүний тоо 655 237 байсан гэдэг.
The Guardian: Иран улсын агаарын тээврийн компаниар Орос руу алсын тусгалтай дрон зөөсөн
Иран улс усан онгоц, улсын агаарын тээврийн компани ашиглан Орос руу алсын тусгалтай шинэ дронуудыг хууль бусаар зөөсөн гэж холбогдох эх сурвалжуудаас авсан мэдээлэлтэйгээр The Guardian сонин мэдээлжээ.
Турк, Сирийн оршин суугчдад цус хандивлах ажлыг Газын зурваст зохион байгуулжээ
Турк, Сирийн газар хөдлөлтийн улмаас гэмтсэн хүмүүст цус хандивлах ажлыг Газын зурваст зохион байгуулжээ. Түүнчлэн Газын зурвасын оршин суугчид байгалийн гамшигт хохирсон хүмүүстэй эв санаа нэгтэй байгаагаа илэрхийлэн жагсаал зохион байгуулсан талаар Анадолу агентлаг мэдээлсэн байна.
АНУ дахин нэг нисдэг биетийг устгажээ
Канадтай залгаа хил дээр, Гурон нуурын дээгүүр нисэж явсан өөр нэг нисдэг биетийг АНУ-ын Агаарын цэргийн хүчний F-16 сөнөөгч онгоцоор устгасан гэж Пентагоны хэвлэлийн нарийн бичгийн дарга Пэт Райдер мэдэгджээ.
НАТО-ийн сайтууд цахим халдлагад өртжээ
НАТО-ийн хэд хэдэн сайт хакеруудын халдлагад өртжээ. Одоо цахим аюулгүй байдлын салбарын шинжээчид энэ халдлагын хэргийг шалгаж байгаа гэж НАТО-ийн төлөөлөгч мэдэгдсэнийг DPA агентлаг мэдээлсэн байна.
ФОТО: Туркийн алдартай барилгууд газар хөдлөлтөөс өмнө болон дараа нь
Турк, Сирид өнгөрсөн долоо хоногийн даваа гарагт болсон хүчтэй газар хөдлөлт 33 мянган хүний амь насыг авч одсон. Түүнчлэн Туркэд гэхэд л 6200 гаруй барилга байшин нурсны дотор аялал жуулчлалын алдартай газрууд ч сүйрчээ.
Армени Турк рүү тусламж илгээхийн тулд 30 жилийн өмнө хаасан боомтоо нээжээ
Энд дуулгахад, Армени, Туркийн боомтыг 1993 онд хаасан, энэ нь хоёр орны хурцадмал харилцаанаас үүдэлтэй юм. Турк, Арменийн хооронд хурцадмал байдал үүсэх олон хүчин зүйл байдгийн дотор Турк улс Карабахын сөргөлдөөнд Азербайжаныг дэмждэг нь Арменийн дургүйцлийг төрүүлдэг. Түүнчлэн энэ хоёр улс дипломат харилцаагүй, гэсэн ч 2022 оны зун хоёр тал шууд нислэгийг нэн даруй сэргээх, гуравдагч орнуудыг нэвтрүүлэхийн тулд хуурай замын хилийн боомтыг нээх талаар тохиролцож чадсан юм. Улмаар 2023 оны хоёрдугаар сарын эхээр анхны нислэгүүдийг үйлдэж байв.
Сирид хангалттай туслахгүй байгааг НҮБ хүлээн зөвшөөрөв
Хоёрдугаар сарын зургааны өдөр Турк, Сирид газар хөдөлсний дараа дэлхийн улс орнууд гар сунган тусалсан ч ихэнх тусламж Туркийг зорьж байлаа. Байгалийн гамшгийн дараа Сирийн иргэд өөрсдийгөө хаягдсан мэдрэмж авч байгаа хэмээн НҮБ-ын Ерөнхий нарийн бичгийн даргын Хүмүүнлэгийн тусламж эрхэлсэн орлогч Мартин Гриффитс мэдэгджээ.