Сүйрсэн онгоц "Аньхой жиньин" агаарын клубд харьяалагдаж байсан аж. Одоо осолтой холбоотой хэргийг шалгаж байгаа бөгөөд Хятадын төрийн хэвлэлүүд болон албаны этгээдүүд энэ хэргийн талаар ямар нэг тайлбар хийгээгүй байна.
Туркийн Аюулгүй байдлын хүчин тус улсад алан хядагч байгууллага гэж тооцогддог Курдистаны ажилчны намын үйл ажиллагаанд хамааралтай гэж сэжиглэн 90 хүнийг баривчилжээ. Энэ талаар Анадолу агентлаг мэдээлсэн байна.
Энд дуулгахад, Канад дахь сикх үндэстний нийгэмлэгийн удирдагч Хардип Сингх Нижарыг хөнөөсөн хэрэгт Энэтхэгийн тусгай албад оролцсон гэж Канадын тал үзэж, Энэтхэгийн нэгэн дипломатыг хөөх шийдвэрийг есдүгээр сарын 18-ны өдөр гаргаснаар Канад, Энэтхэгийн харилцаа хурцадмал байдалд орсон юм. Канадаас хөөн гаргахаар болсон дипломат нь Энэтхэгийн тагнуулын албаны төлөөлөгч гэж Канадын Гадаад хэргийн сайд Мелани Жоли мэдэгдэж, улмаар дотоод хэрэгт нь хөндлөнгөөс оролцохыг хүлээн зөвшөөрөхгүй хэмээн онцолж байв.
Цагдаагийнхан гэмт этгээдүүдийг эрэн хайх ажлыг эхлүүлсэн, Техасын дугаартай Honda машиныг эрэн сурвалжилж байгаа гэж нийтэд мэдээлсэн талаар эх сурвалж дамжуулжээ.
Украины Ерөнхийлөгч Володимир Зеленский цэргийн алба хаагч, цагдаагийн ажилтнууд болон бусад алба хаагчдын нийгмийн хамгааллыг нэмэгдүүлэх тухай хуульд гарын үсэг зурсан талаар РБК агентлаг мэдээлжээ.
Аравдугаар сарын нэгний ням гарагийн өглөө Букингемийн ордны сайд хагас цаг гаруй хугацаанд ажиллахгүй болж, Royal.uk хаягаар ороход алдаа зааж байсан талаар Скай Ньюс мэдээлжээ.
Эх сурвалжийн мэдээлснээр, Хантер Байденыг "Зүүн Европын биеэ үнэлэгч, хүний наймааны сүлжээ", түүнчлэн биеэ үнэлэгчдэд төлбөр төлөх тасалбарыг хуурамчаар үйлдсэн хэрэгт холбоотой гэж сэжиглэж байгаа гэнэ. АНУ-ын Сангийн яамны баримт бичигт өгүүлснээр, Хантер Байден биеэ үнэлэгчдийн сүлжээтэй холбоотой байж мэдэх этгээдүүдэд мөнгө илгээж байсан аж.
Ажиллах хугацаандаа тэрбээр Франц фон Штукийн "Мэлхий ханхүүгийн үлгэр" нэртэй зургийг хулгайлж, оронд нь хуурамч зураг өлгөн, эх бүтээлийг дуудлагаар худалдсан байна. Тэрбээр дуудлага худалдаа зохион байгуулагчдад энэ зургийг өвөө, эмээ, элэнц өвөө нь эзэмшдэг байсан гэж худлаа ярьсан аж. Ингээд зургийг дуудлага худалдаагаар оруулж, зураг 70 мянган еврогоор зарагдсан бөгөөд бүхий л хураамжийг төлсний дараа музейн ажилтан эр гар дээрээ 50 мянган евро бэлнээр авсан байна.
Сүйрсэн онгоцонд гагцхүү сенатчийн гэр бүл зорчиж явсан гэж хэвлэлүүд мэдээлсэн байна. Одоо АНУ-ын Тээврийн аюулгүй байдлын үндэсний зөвлөл онгоц сүйрсэн шалтгааныг тодруулахаар ажиллаж байгаа аж.
Украины Аюулгүй байдлын алба Сума хотын дарга болон дэд бүтцийн газрын захирлыг баривчлан саатуулжээ. Тэднийг авлигын хэрэгт сэжиглэж байгаа гэж "Украины үнэн" сонин мэдээлсэн байна.
Үйлдвэрт хүчтэй дэлбэрэлт болсны улмаас ойролцоох суурин газруудад цахилгаан эрчим хүч тасарч, цагдаагийнхан Оксфордоос Айншем хот хүртэлх замыг бүрэн хаасан байна.
Эх сурвалжийн мэдээлснээр, "Путингүй чөлөөт Оросын төлөө" уриатайгаар үйл ажиллагаа явуулдаг "Скрепачъ" гэх нууц хөдөлгөөн агуулах галдан шатаасны хариуцлагыг хүлээсний дээр гал түймрийн улмаас Оросын армийн цэргийн дүрэмт хувцасны нөөц шатсан хэмээн мэдэгджээ.
Энд сонирхуулахад, Австрийн неврологч, психоанализын үндэслэгч Зигмунд Фрейд анагаах ухаан, физиологийн салбарын Нобелийн шагналд 32 удаа нэр дэвшсэн ч нэг ч удаа хүртээгүй аж. Түүнчлэн 1936 онд түүнийг Нобелийн утга зохиолын салбарын шагналд ч нэр дэвшүүлж байжээ.
Салима Хан 1931 онд төрж, Энэтхэг улс Британийн колониос гарахаас хоёр жилийн өмнө, 14 настайдаа гэрлэжээ. Салима сурах хүсэлтэй байсан ч тосгонд нь сургууль байгаагүй гэнэ. Харин насан өтөл болсон хойно нь боловсролын хөтөлбөрийн сайн дурын ажилтнууд түүнтэй уулзан, сурах хүсэлтэйг нь олж мэдсэнээр сургуульд явахыг ятгасан байна.
ОХУ Украинд дайн өдүүлсэнтэй холбоотойгоор Европын холбооны авч хэрэгжүүлсэн хориг арга хэмжээний хүрээнд Европын орнууд ээлж дараалан Оросын дугаартай машиныг нутаг руугаа нэвтрүүлэхийг хориглосоор байна. Энэ удаад Болгар улс Оросын иргэдийг хувийн машинтай нь нэвтрүүлэхгүй байх шийдвэрийг гаргажээ.
Шведийн Стокгольм хотноо 10 дугаар сарын хоёрны өдөр Нобелийн долоо хоног эхэллээ. Физиологи эсвэл анагаах ухааны салбарын шагналтныг нэрлэснээр жил бүр Нобелийн долоо хоног эхэлдэг юм.
BMW машин эзэмшигч зарим хүн машиндаа iPhone15, 15 Pro Max гар утсыг автомашины утасгүй цэнэглэгчээр цэнэглэх үед ноцтой асуудалтай тулгарсан талаар MacRumors сайт мэдээлжээ.
Ирэх оны Ерөнхийлөгчийн сонгуульд Бүгд Найрамдах Намаас нэр дэвшихээр горилж буй, АНУ-ын Ерөнхийлөгч асан Дональд Трамп дэмжигчидтэйгээ хийх уулзалтаа Калифорнид үргэлжлүүлжээ. Айова мужид дэмжигчидтэйгээ уулзахдаа Америкийн цэргүүдийг бусад орнуудаас эргүүлэн татна гэж мэдэгдсэн бол Калифорнид болсон уулзалтын үеэр Жо Байден Ерөнхийлөгч хэвээр үлдвэл "энэ улс мөхнө", дэлгүүр дээрэмдэгчдийг газар дээр нь буудах хэрэгтэй гэх зэрэг мэдэгдэл хийсэн байна.
Их Британи 2023 онд багтаан Украины 50 мянган цэргийн алба хаагчийг бэлтгэж амжихаар төлөвлөж байгаа гэнэ. Энэ талаар Батлан хамгаалахын сайд Грант Шэппс мэдэгдсэнийг ТАСС агентлаг дамжуулжээ.
Украины Зэвсэгт хүчин Туркийн Bayraktar TB2 дроны шинэчилсэн хувилбарыг хүлээн авч магадгүй гэнэ. Энэ талаар Bayraktar дроныг үйлдвэрлэгч компанийн захирал Халук Байрактар мэдэгджээ.