УИХ-ын чуулганы нэгдсэн хуралдаан үргэлжилж байна. Хуралдаанаар Монгол Улс дахь хүний эрх, эрх чөлөөний байдлын талаарх 19, 20 дахь илтгэлийг хэлэлцэж байна. Ковидын халдварын үед хүний эрх эрх чөлөө хэрхэн зөрчигдөж байгаа талаар илтгэлтд тусгасан байна. Цар тахал дотоодод бүртгэгдсэн үед хүний эрхийн сурах, зорчих эрх, цаг хязгаарлалт хэрхэн зөрчсөн талаар дүгнэлт хийжээ.
Эрүүл мэндийн сайдын тушаалаар 16-17 насны хүүхдүүдийг дархлаажуулалтад хамруулж эхэллээ. Дархлаажуулалтад хамрагдах хүүхдүүдэд Файзер вакцин хийх юм. Ингэхдээ тухайн хүүхдийн эцэг эх, асран хамгаалагчийн зөвшөөрлөөр, сайн дурын үндсэн дээр вакцинжуулалтад хамруулна.
Сүүлийн 24 цагийн хугацаанд 9618 хүн дархлаажуулалтад хамрагджээ. Тухайлбал, 4046 нь Улаанбаатар хотод, 5,572 хүн орон нутагт хамрагдсан байна. Ингэснээр улсын хэмжээнд нийт нэгдүгээр тунд 1 903 859 хүн, хоёрдугаар тунд 1 684 287 хүн хамрагджээ.
Сүүлийн 24 цагийн хугацаанд халдварын улмаас 11 хүн нас барлаа. Ингэснээр халдварын улмаас нийт нас барсан хүний тоо 411 болж байна.
Сүүлийн 24 цагийн хугацаанд 2746 хүнд коронавирус илрэв. Ингэснээр манай улсын нийт батлагдсан тохиолдол 88 516 боллоо. Шинээр батлагдсан тохиолдлын 1876 нь Улаанбаатар хотод, 860 нь орон нутагт, 3 нь эмнэлгээс шалтгаалах халдвар, 7 зөөвөрлөгдсөн байна. Мөн сүүлийн 24 цагийн хугацаанд 2505 хүн эдгэрлээ. Ингэснээр нийт эдгэрсэн хүний тоо 61 725 болж байна. Коронавирусийн халдварын улмаас 11 хүн нас барлаа. Ингэснээр халдварын улмаас нийт нас барсан хүний тоо 411 болж байна.
Одоогоор цэргийн анги нэгтгэлүүд дээрх аюулгүй байдлыг хангах, өдөр тутмын үйл ажиллагаанд зориулсан тоон систем бүтээх төслийг туршиж байгаа аж.
КП сонины мэдээлснээр Шевйцарын Ерөнхийлөгч Ги Пармелан Оросын Ерөнхийлөгчийн шулуун занг үнэлдэг хэмээн мэдэгдсэн байна.
Монголын жүдо бөхийн холбооноос энэ сарын 23-нд "Champions" бэлтгэлийн баазад сорил барилдааныг зохион байгуулахаар болжээ.
УИХ-ын чуулганы нэгдсэн хуралдаан эхэллээ. Өнөөдрийн хуралдаанаар дараах асуудлыг хэлэлцэнэ. Мөн Ерөнхий сайдын мэдээллийг сонсох юм байна. Хуралдааны эхэнд Соёлын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг хэлэлцэж эхэллээ.
Ахмад настны тухай хуулийг 2017 оны 1 дүгээр сарын 26-ны өдөр УИХ-ын чуулганаар хэлэлцэн баталж, 7 дугаар сарын 1-ний өдрөөс хэрэгжүүлж эхэлсэн.Тус хуулиар 65-69 настай ахмад настанд 50 мянган төгрөг, 70-79 настай ахмад настанд 80 мянган төгрөг, 80-89 настай ахмад настанд 150 мянган төгрөг, 90 ба түүнээс дээш настай ахмад настанд 250 мянган төгрөгийн насны хишиг жил бүрийн Цагаан сар болон Улсын баяр наадмын өмнө олгодог.
Засгийн Газрын хэрэгжүүлэгч агентлаг Эм, эмнэлгийн хэрэгслийн хяналт, зохицуулалтын газраас харьцуулсан судалгаа хийснээр, коронавирусийн эсрэг эмчилгээнд хэрэглэж буй Арбидол, Ремдесивир зэрэг хэд хэдэн эмийг хэрэглэгчдэд худалдаалах үнийн хязгаарыг тогтоожээ. Вирусийн эсрэг эмүүдийг худалдаалах үнийн жагсаалтын талаар өнөөдөр 12.30 цагт мэдээллэх аж.
Хөвсгөл аймгийн Ханх сумын Хороо багийн “Адуун” гэдэг газар өчигдөр өдрийн 08:41 цагт 4.4 магнитудын хүчтэй газар хөдлөлт болжээ. Энэ тухай мэдээллийг ШУА-ийн ООГХ-ээс мөн өдрийн 08:49 цагт цахим шуудангаар ирүүлсэн байна.
Хурлын эхэнд Улаанбаатар хотын Захирагчийн ажлын албанаас “Дэнжийн мянга, Сэлбэ дэд төвийн дулааны эх үүсвэрийг төвлөрсөн дулаан хангамжид холбох, хослон ажиллуулах тухай” тооцоо, судалгааг танилцууллаа. Төвлөрсөн дулаан хангамжийн гол магистраль шугам сүлжээний 24 хувь буюу 91.2 км урт шугам 30 жилээс дээш насжилттай, ашиглалтын хугацаа дуусжээ.
Өнөөдөр Улаанбаатар хотод явуулын 7, суурин 28 цэгт 52 багийн 298 эмч, ажилтан ажиллаж, 7570 иргэнийг дархлаажуулна. Дархлаажуулалтын цэгүүдийг дүүрэг тус бүрээр танилцуулж байна.
Зуны дунд сар аль хэдийнэ гарч, ковидгүй зун мөрөөдөл боллоо. Харин бид одооноос “ковидгүй намар”-таа бэлдэж наадмаа хойшлуулж, дархлаажуулалтын ажлаа эрчимжүүлэх хэрэгтэй байна. Засгийн газрын ээлжит хуралдаанаар цар тахлын энэ үед аймаг, сумын наадам хийхгүй. Үндэсний их баяр наадмыг үзэгчгүй зохион байгуулахаар шийдвэрлэсэн. Ингэхдээ үндэсний их баяр наадамд 10 тэрбум төгрөг төсөвлөжээ. Тэгвэл наадамд төсөвлөсөн 10 тэрбум төгрөгөө эрүүл мэндийн салбартаа зориулж "Нэг хаалга-Нэг шинжилгээ" арга хэмжээг дахин зохион байгуулъя. Ингэж намартаа эртхэн бэлдэхгүй бол ковидгүй намар ч мөрөөдөл болж мэдэхээр байна.
Зургадугаар сарын 15-ны байдлаар улс даяар 924 сая тун вакцин тарьсан бөгөөд 2021 оны сүүл эсвэл 2022 оны эхээр сүргийн дархлаа тогтоно гэж тооцоолж байгаа аж.
Дэлхий дахин хязгаарлалт, дархлаажуулалтын тусламжтайгаар цар тахалтай тэмцсээр байна. Зургадугаар сарын 17-ны байдлаар дэлхий даяар 178 сая гаруй хүн халдвар авсанаас 3.8 сая гаруй хүн нас барж, 162 сая гаруй хүн эдгэрчээ.
Өчигдөр нийслэлийн хэмжээнд I тунд 1395, II тунд 2369, нийт 3764 иргэнийг дархлаажуулалтад хамрууллаа. Вакцинжуулалт эхэлснээс хойш нийслэлийн 18-аас дээш насны иргэдийн 101 хувь буюу 966.083 нь I тунд, 89.2 хувь буюу 850.921 нь II тунд хамрагдаад байна. Мөн нийт 345 жирэмсэн эх дархлаажуулалтад хамрагдаж, вакцины I тун хийлгээд байна.
2021 оны 06 дугаар сарын 18-ны 08 цагаас 20 цаг хүртэл: Нутгийн зүүн хагаст үүлэрхэг, бусад нутгаар багавтар үүлтэй. Баруун аймгуудын нутгийн хойд хэсэг, зүүн аймгуудын нутгийн зарим газраар бороо орно. Салхи ихэнх нутгаар баруун хойноос секундэд 6-11 метр, говь, тал, хээрийн нутгаар секундэд 13-15 метр хүрч ширүүснэ. Хөвсгөл, Хэнтийн уулархаг нутаг, Туул, Тэрэлж, Хэрлэн, Онон, Улз, Халх голын хөндий, Дорнодын тал нутгаар 15-20 хэм, Их нууруудын хотгор, Хангайн нурууны өвөр бэл болон говийн бүс нутгийн өмнөд хэсгээр 27-32 хэм, бусад нутгаар 19-24 хэм дулаан байна.
Мод суулгах, нарийн чанд зөвлөгөөн хийх, байшингийн суурь тавих, угаал үйлдэхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулбал нас уртадна хэмээжээ.