Айл өрхийн хэрэгцээний халуун усыг хязгаарлах хугацааг урьдчилан төлөвлөсний дагуу тухайн засвар хийгдэхээс 7 хоногийн өмнө олон нийтийн сүлжээ болон цахим хуудсаар дамжуулан мэдээлэх ба дэлгэрэнгүй мэдээллийг манай компанийн шуурхай албаны 7004-7005 тоот утсаар лавлах боломжтой.
Монгол Улсын банк, санхүүгийн салбар бусад улсуудаас ялгарах хэд хэдэн онцлогтой. Тухайлбал, хүн амын нягтаршил бага, өргөн уудам газар нутагт банкны үйлчилгээг өндөр түвшинд, хүртээмжтэй хүргэж чаддаг. Гэтэл дэлхий дахинд банкны үйлчилгээ авах боломжгүй нөхцөлд амьдарч буй иргэд олноороо байгаа шүү дээ. Дижитал шилжилт хурдацтай явагдаж байгаа нь Монголын банкны салбарын бас нэг онцлог юм. Мэдээж технологийн дэвшил бүхий л салбарт үсрэнгүй хөгжил авчирч байгаа ч Монгол Улсад банкны салбар дижитал шилжилтээр тэргүүлсээр байгааг онцлох нь зүйтэй. Мөн арилжааны банкнууд харилцагчдадаа илүү сайн үйлчилгээг хүргэхийн төлөө, зах зээлийн өндөр өрсөлдөөнт орчинд байнгын хүчин чармайлт гаргадаг гэдгийг энд дурдмаар байна.
Тусгай Олимпын хорооны "Боломжийг бүгдэд төсөл"-ийн Зүүн бүсийн арга хэмжээнд сайн дурын ажилтнуудыг хариуцан оролцсон, Монголын Спортын корпорацийн спорт эрхэлсэн захирал Ш.Анхбаяр онцлогтой хүүхдүүдийг спортоор дамжуулан хөгжүүлэх нь ямар үр дүнтэй байдаг, тэгш хамруулах хүрээнд спорт хэрхэн ач холбогдолтой болох талаар ярилцсаныг хүргэж байна.
Сүхбаатар аймаг, Уулбаян сум. Тэгш багийн “Өнцөг” гэдэг газар 04.04-ний өдрийн 16:00 цагийн орчим 28 м/с хүртэл түр зуурын хүчтэй шороон шуурга шуурсны улмаас 1 гэр нурсан тухай мэдээллийг 04.05-ны өдрийн 16:20 цагт хүлээн авсан байна.
ТЕГ-аас өмгөөлөгч Б.Баасанцогтыг баривчилсан гэх мэдээлэл байна. Гэхдээ одоогоор ямар шалтгаанаар баривчилсан нь тодорхойгүй байгаа юм. Тэгвэл өдрийн 11.00 цагт ТЕГ-аас зэвсэгт этгээдүүдийг баривчилсан талаар мэдээлэл хийх гэнэ.
Цэцэрлэгийн гал тогоонд нийт дөрвөн хүн ажилладаг. Цэцэрлэгийн хүүхдийн нэг өдрийн хоолны мөнгө 2700 төгрөг. Өглөөний цай 9 цаг 15 минутад өгдөг. Өдөр I хоол. Өдрийн унтлагын дараа буюу 15.30 цагт II хоол өгдөг. Хоолноос хаягдал гардаггүй. Коронавирус цар тахлын энэ үед хүүхдүүдийн дархлааг дэмжсэн, амин дэмээр баялаг хоол хүнс өгөхийг зорьж байна. Долоо хоног бүр хоолны менюгээ шинэчилдэг. Өөрөөр хэлбэл, өдөрт өгөх хоол давтагддаггүй. Хүүхдүүд хоолондоо цадахгүй, өлсөж байна гэх гомдол ирдэггүй. Гэхдээ гэртээ удаан хугацаанд байсан хүүхдүүд цэцэрлэгт суралцаж, цагаар хооллохоор эхний хэдэн хоногт өлсөх мэдрэмж төрдөг.
Хөдөлмөр, халамж үйлчилгээний ерөнхий газраас 2022 оны 04 дүгээр сарын тэтгэвэр, тэтгэмж, хүүхдийн мөнгө олгох хуваарийг гаргажээ. Хуваарийн дагуу Хүүхдийн мөнгийг 04 дүгээр сарын 20-ны өдөр олгоно. Харин асаргааны тэтгэмж, хөнгөлөлт, тусламжийг 04 дүгээр сарын 14-26-ний өдрүүдэд олгох аж.
Өнөөдөр УИХ-ын чуулганы нэгдсэн хуралдаантай. Хуралдаанаар Олон улсын хямрал нөхцөл байдлаас үүдэлтэй гол нэр төрлийн бараа, бүтээгдэхүүний үнийн өсөлт, хомсдолоос сэргийлэх, сөрөг нөлөөллийг бууруулах тухай хуулийн төсөл болон хамт өргөн мэдүүлсэн хуулийн төслүүдийг хэлэлцэнэ.
Өнөөдөр Улаанбаатар хотод суурин 48 цэгт 48 багийн 193 эмч, ажилтан ажиллана. Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 09:00-16:00 цаг хүртэл ажиллана.
Ойрын өдрүүдэд ихэнх нутгаар дулаарч хуурайшилт ихсэх тул болзошгүй гал түймрийн аюулаас сэрэмжтэй байхыг анхааруулж байна.
ХХААХҮЯ-ны харьяа “Хөдөө аж ахуйн бирж” нь орон нутагт загвар хоршоог хөгжүүлэх зорилгоор менежментийн дэмжлэг үзүүлэн ажиллаж байна. Энэ хүрээнд малын гаралтай түүхий эд, бүтээгдэхүүнийг чанараар ангилах, анхан шатны тордолт хийх, түүхий эд бэлтгэлийн мэргэжилтэн бэлтгэх сургалтыг зохион байгуулж, хоршооны гишүүдийн ноолуурыг стандартын дагуу бэлтгүүлж, биржээр арилжаалах бэлтгэл хангах ажлуудыг зохион байгуулж байгаа юм.
ХНХЯ-наас Хөдөлмөрийн чадвар алдалтыг улсын хэмжээнд шалгах ажлыг төрийн болон төрийн бус байгууллага, АТГ, цагдаагийн газар, ЭХМТК-той хамтран 2021 онд зохион байгуулж, 66 мянган хүнийг шалгаж, 3600 зөрчил илрүүлэн, хоёр мянган хүний шийдвэрийг цуцалж, тэтгэврийн сангийн зардлыг 17 тэрбум төгрөгөөр хэмнэсэн.
Хаврын тариалалтад зориулж улаан буудайн үрийг дотоодоосоо хангах бүрэн боломжтой. Тариалан бүхий иргэн, аж ахуйн нэгжүүдээс судалгаа авахад нийт энэ оны тариалалтад зориулж 43,000 тонн үр нөөцөлсөн байна. Мөн Хөдөө аж ахуйг дэмжих санд 16,000 тонн үрийн нөөц байна. Хөдөө аж ахуйг дэмжих сангаас үрийн захиалгыг орон нутгаас авч нэгтгээд, хуваарилах, олгох ажлыг зохион байгуулж байна. Үрийг 30 хувийн урьдчилгаатай, үлдэгдэл төлбөрийг намрын ургацаас нөхөн бүрдүүлэх нөхцөлтэйгээр зээлээр олгоно.
Төрийн ордонд сууж байгаа ах нартаа хандаж хэлэхэд "ирээдүй болсон залуучууд чинь гадагшаа явах гээд байна. Ингэж явах нь зөв үү. Монголын ирээдүй үлдэх үү. Дүү нарыгаа хайрлах болоогүй юм уу. Нэг нэгэндээ хайртай байя. Боломж олгоё. Монголчууд нэг нэгэндээ хайртай байхад л хөгжинө. Аймар амархан. Манай үе тэнгийн залуус өнчин хүүхэд шиг байдаг. Төр бол бидний аав шүү дээ. Гэтэл биднийгээ хаячихсан. Дүү нарыгаа хайрлахгүй юм уу.
Өргөн хэрэглээний бараа бүтээгдэхүүний үнийн өсөлт, иргэдийн цалин хөлсний худалдан авах чадвар буурсантай холбоотойгоор үйлдвэрчний эвлэлийн байгууллагаас хэвлэлийн хурал хийлээ.
Сүүлийн 24 цагийн хугацаанд улсын хэмжээнд 81 халдвар шинжилгээгээр батлагдлаа. Үүний 37 нь Улаанбаатарт, 44 нь орон нутагт бүртгэгдсэн байна. Харин нас баралт бүртгэгдээгүй байна. Өнөөдрийн байдлаар эмнэлэгт 203 хүн хэвтэн эмчлүүлж байна. Тэднээс 8 хүний биеийн байдал нэн хүнд бол 22 хүн хөнгөн байна.
Улсын хэмжээнд нэгэн зэрэг эхэлсэн төрийн албаны ерөнхий шалгалт дөрөв дэх өдрөө үргэлжилж байна.
Авлигатай тэмцэх газрын Мөрдөн шалгах хэлтэс 2022 оны 3 дугаар сарын 28-наас 4 дүгээр сарын 1-ний өдрүүдэд гэмт хэргийн шинжтэй 17 гомдол, мэдээлэл хүлээн авч, нийт 85 гомдол, мэдээллийг шалгав. Үүнээс 6 гомдол, мэдээлэлд хэрэг бүртгэлтийн хэрэг нээж, 9 гомдол, мэдээлэлд хэрэг бүртгэлтийн хэрэг нээхээс татгалзах, 2 хэргийг харьяаллын дагуу шилжүүлэх саналтайгаар прокурорт шилжүүлсэн бөгөөд одоогоор 68 гомдол, мэдээллийг хянан шалгаж байна.
Өвөрхангай аймгийн Баян-Өндөр сумын Бумбат 5 дугаар багийн Гандангын гудамжинд сумын Засаг даргын Тамгын газрын аж ахуйн гарааш дотор байлдааны зориулалттай сум илэрсэн тухай дуудлагыг 04.04-ний өдрийн 14:50 цагт хүлээн авсан байна.
Боловсрол, шинжлэх ухааны яам, Их Британи Умард Ирландын Нэгдсэн Хаант улсын Элчин сайдын яам хоорондын Чевнингийн тэтгэлэгт хөтөлбөрийн харилцан ойлголцлын санамж бичигт гарын үсэг зурлаа. Ёслолд Англи улсаас Монгол Улсад суугаа Онц бөгөөд Бүрэн Эрхт Элчин сайд Филип Малон, БШУ-ы сайд Л.Энх-Амгалан, дэд сайд Г.Ганбаяр болон холбогдох албаны төлөөлөл оролцлоо.