Манай жүдоч Ц.Цогтбаатар Монакогийн Седрик Бессиг цэвэр ялж, шөвгийн наймд үлдээд байна. Тэрбээр өрсөлдөгчөө этэх мэхээр тэнцвэр алдуулж, үргэлжлүүлэн дайрч унагаад вазари авсан. Дараа нь хөмрөх мэхээр хоёр дахь вазаригаа авснаар барилдааныг хугацаанаас нь өмнө дуусгасан юм.
"Авто зам, тохижилт, ногоон байгууламжийг ашиглах хамгаалах журам”-ын дагуу Баянгол дүүргийн 17-р хороо Амарсанаагийн гудамж, Модны хоёроос уруудах авто замын суваг, дулааны шугам угсрах ажлыг 2021.07.26-ны 23:00 цагаас 07.29-ний 06:00 цагийн хооронд хийгдэнэ.
Токио-2020 олимпын наадам үргэлжилж байна. Жүдо бөхийн эмэгтэйчүүдийн -57 кг жинд зодоглосон Хөдөлмөрийн баатар Д.Сумъяа эхний тойрогт Словений залуу бөх Кажа Кайзерт базари үнэлгээгээр ялагдаж, олимпын тэмцээнээ дуусгалаа.
Эрүүл мэндийн яамнаас коронавирусийн халдварын 2021 оны 07 дугаар сарын 26-ны өдрийн нөхцөл байдлын мэдээллийг гаргажээ. Энэ өдөр шинээр 1249 тохиолдол бүртгэгджээ. Шинээр батлагдсан тохиолдлын 504 нь Улаанбаатар хотод, 745 нь орон нутагт, байна. Мөн хугацаанд халдварын улмаас 8 хүн нас баржээ. Түүнчлэн сүүлийн 24 цагийн хугацаанд 2014 хүн эдгэрлээ.
Манай 3Х3 сагсанбөмбөгийн эмэгтэй баг олимпийн ээлжит тоглолтоо Румыний багтай хийж 22:14 оноогоор хожигдлоо. Олимпийн наадамд анх удаа оролцож буй манай үндэсний шигшээ багийн бүрэлдэхүүнд О.Хулан, М.Цэрэнлхам, Э.Чимэддолгор, Б.Солонго нар багтсан. Монгол Улсын шигшээ баг дараагийн тоглолтоо өнөөдөр Францын багтай хийх юм.
“Ус, ундаа аваарай, юу сонирхож байна, сайн яриад өгнө шүү” гэж худалдагчид бидний хэдэн иргэдийг тосон хэлнэ. Найранд хос дээлээр гоёх гэсэн залуухан хосууд, намрын бэлтгэлээ эртхэн базааж яваа олон, аян замын хэрэгсэл бэлдэж яваа найзууд гээд л хөл хөдөлгөөн ихтэй байлаа. Гэвч тэд халдвар хамгааллын дэглэм баримталж байна гэхэд хэцүү. Нэр болгож амны хаалт зүүсэн байв.
Энэ үеэр “Монголын Алт” (МАК) ХХК экспортыг нэмэгдүүлэх чиглэлээр Шивээ хүрэн боомтын үйл ажиллагааг өргөжүүлэн, нэвтрэх хүчин чадлыг нэмэгдүүлэхэд 560 гаруй сая төгрөгийн хөрөнгө оруулалт хийж, хилийн шалган нэвтрүүлэх дөрвөн гарцыг байгуулснаа нээж, боомтын удирдлагуудад хүлээлгэн өглөө.
Токио-2020 олимпын наадам үргэлжилж байна. Өнөөдрийн Монголын баг тамирчдын хуваарийг танилцуулж байна. /Улаанбаатар хотын цагаар/
Өнөөдөр Улаанбаатар хотод суурин 23 цэгт 35 багийн 241 эмч, ажилтан ажиллаж, 9135 иргэнийг дархлаажуулахаар төлөвлөлөө. Дархлаажуулалтын цэгүүдийг дүүрэг тус бүрээр танилцуулж байна.
Улаанбаатар хотын автомашины түгжрэлийг бууруулах, хөдөлгөөний эрчмийг нэмэгдүүлэхээр томоохон уулзваруудад засварын ажил хийж байна. Энэ хүрээнд НЗДТГ, Нийслэлийн Авто замын хөгжлийн газраас Баруун 4 замын засварын ажлыг хийж гүйцэтгэхээр болсон. Засварын ажил долдугаар сарын 15-нд эхэлж, авто замын захын 396 урт метр L хашлага, эгнээ тусгаарлах 300 метр урт хашлагыг сольж, инженерийн шугам сүлжээний 42 худгийн тагийг хучилтын түвшинд хүртэл өндөрлөсөн.
Малчид, иргэдийн анхааралд: Өнөөдөр Хангайн уулархаг нутаг, говийн бүс нутгийн өмнөд хэсэг, Дарьгангын тал нутгаар дуу цахилгаантай аадар бороо орох тул мөндөр, нөөлөг салхи, аянга цахилгаан, үер усны аюулаас сэрэмжтэй байхыг анхааруулж байна.
Эрүүл мэндийн яамнаас коронавирусийн халдварын 2021 оны 07 дугаар сарын 25-ны өдрийн статистик мэдээллийг гаргалаа. Энэ өдөр шинээр 1513 тохиолдол батлагдаж, 21-80 насны долоон хүн нас барлаа.
Буудлага спортын эмэгтэйчүүдийн хийн гар бууны 10 метрийн дасгалын урьдчилсан шат явагдаж дууслаа.
"Бүдокан" ордонд эхэлсэн "Токио-2020" олимпын наадмын жүдо бөхийн тэмцээний эхний өдөр эмэгтэйчүүдийн 48 кг-ийн жинд өрсөлдөн манай тамирчин М.Уранцэцэг хүрэл медаль хүртэж, Монголын баг тамирчдын медалийн салхийг хагаллаа.
Манай 3х3 сагсны шигшээ баг хоёр дахь тоглолтоо хүчирхэг АНУ-ын эсрэг хийж, 21:9-өөр хожигдлоо. Америкчууд өмнө нь дэлхийн чансааг тэргүүлэгч Францыг 17:10-аар хожсон бол манайхан Францаас дутахааргүй өрсөлдсөн юм. Манай багийн мэргэн бууч Э.Чимэддолгор өмнөх тоглолтод баруун гарынхаа дунд хурууг хугалсан ч шүд зууж тоглон холын зайн гурван шидэлтээ оруулж, онооны зөрүүг ойртуулахад тус болсон.
Монголын багийн хамгийн залуу тамирчин Б.Болор-Эрдэнэ ширээний теннисний төрөлд хоёр дахь тоглолтоо хийлээ. Түүний өрсөлдөгч нь Пан Америкийн АШТ-ий багийн хүрэл медальт Чилийн М.Вега байв. Бараг 20 насны зөрүүтэй (Болор-Эрдэнэ 18, Вега 37 настай) хоёр тамирчны өрсөлдөөнд манай хүн ур чадвараар нэг их дутаагүй ч аргагүй туршлага нимгэдэж 4:0-ээр (11:8, 11:9, 11:4, 11:7) ялагдав. Хоёр дахь сетэд манай хүн 9:6-гаар тэргүүлж яваад таван оноо дараалж алдсан нь тоглолтыг эргүүлж орхисон юм.
Монголын боксчдын салхийг хагалж гавьяат тамирчин Э.Цэндбаатар рингэнд гарлаа. Тэрбээр эхний даваанд Кенийн боксчин, Африк тивийн аварга Николас Окотыг 3:2-оор ялж, шөвгийн 16-д шалгарлаа. Манай хүн эхний үед 3:2-оор илүүрхсэн бол удаах үед шүүгч нар эсрэг талд ялалтыг өгөв. Харин шийдвэрлэх гуравдугаар үед Цэндээ илүү тоглосноор эцсийн дүндээ 3:2-оор хожсон юм.
Жүдо бөхийн эмэгтэйчүүдийн 48 кг-д барилдсан Баянхонгор аймгийн Баян-Овоо сумын харьяат, МУГТ М.Уранцэцэг хүрэл медалийн төлөө Португалын залуу бөх Катарина Костатай барилдаж, өчилтөөр цэвэр ялж олимпийн наадмын хүрэл медалийн эзэн боллоо. Ингэснээр тэрбээр олимпийн наадмаас медаль хүртсэн Монголын хоёр дахь жүдоч болж түүхэнд бичигдлээ. Мөн Монголын жүдочид ес дэх медалиа олимпийн наадмаас авч байна.
Манай 3Х3 сагсанбөмбөгийн эмэгтэй баг олимпийн эхний тоглолтоо дэлхийн аварга Италийн багтай хийж 14:15 оноогоор хожигдлоо. Үндэсний шигшээ багийн бүрэлдэхүүнд О.Хулан, М.Цэрэнлхам, Э.Чимэддолгор, Б.Солонго нар багтсан. Монгол Улсын шигшээ баг дараагийн тоглолтоо өнөөдөр орой 20.00 цагаас АНУ-ын багтай хийх юм.
Монгол Улсын Их Хурлын дарга Гомбожавын Занданшатар Монголын ард түмний Үндэсний их баяр наадам болон Ардын хувьсгалын түүхт 100 жилийн ойг тохиолдуулан баяр хүргэж мэндчилгээ ирүүлсэн гадаад улсын Парламентын спикерүүдэд Монгол Улсын Их Хурлын нийт гишүүд, ард түмнийхээ өмнөөс чин сэтгэлийн талархал илэрхийлж, хариу мэндчилгээ илгээлээ.