Нийслэлийн хэмжээнд өчигдөр 1 дүгээр тунд 1731, 2 дугаар тунд 1959, нийт 3659 иргэнийг дархлаажуулалтад хамруулжээ. Вакцинжуулалт эхэлснээс хойш нийслэлийн 18-аас дээш насны иргэдийн 102.5 хувь буюу 977056 нь I тунд, 90.5 хувь буюу 862847 нь II тунд хамрагдаад байна. Мөн нийт 931 (7.8 хувь) жирэмсэн эх, 16-17 насны 7221 (21.3 хувь) хүүхэд тус тус дархлаажуулалтад хамрагдаж, вакцины I тунг хийлгээд байна.
Малчид, иргэдийн анхааралд: Өнөөдөр нутгийн төв хэсгээр дуу цахилгаантай усархаг аадар бороо, мөндөр орох тул болзошгүй үер, усны аюулаас сэрэмжтэй байхыг анхааруулж байна.
Газар хагалах, ус булгийн эх малтах, сэтгэлд сэвтэй газар очих, уул овоо тахихад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал өлзийтэй сайн хэмээжээ.
Нэгдсэн Үндэстний байгууллагын Ерөнхий Ассамблейн тогтоолоор 6 дугаар сарын 23-ныг “Төрийн албаны өдөр” болгон тэмдэглэж байхаар 2003 онд шийдвэрлэсэн байна. Энэ жилийн хувьд “Ирээдүйн төрийн албыг цогцлоох нь” уриан дор зохион байгуулагдаж байгаа нь төрийн албаны өмнө тулгарч буй сорилт бэрхшээлээ тодорхойлж, шийдвэрлэх арга замыг олох шинэ санаа, шийдлээ хэлэлцэх боломж бүрдүүлж байгаагаараа онцлог болж байна.
Монгол Улсын Их хурлын 2021 оны 04 дүгээр сарын 08-ны өдрийн хуралдаанаар Засгийн газрын тусгай сангийн тухай хуульд нэмэлт оруулах тухай хуулийн төслийг хэлэлцэн баталсан бөгөөд өнөөдрийн Засгийн газрын хуралдаанаар “Хүүхдийн төлөө сангийн хөрөнгийг зарцуулах, түүнд хяналт тавих журам”-ыг хэлэлцэж, баталлаа.
Засгийн газрын өнөөдрийн хуралдаанд эрчим хүчний салбарын 2020-2021 оны өвлийн их ачааллыг хэрхэн давсан болон цаашид анхаарах асуудлын талаар сайд Н.Тавинбэх танилцуулав.
Хөвсгөл аймгийн хэмжээнд коронавируст халдварын тархалт эрс нэмэгдэж өнөөдрийн байдлаар 19 суманд тархаад байна.
-Энэ жил ЭЕШ өгөхөөр 40420 шалгуулагч бүртгүүлсэн. Ингэээд ЭЕШ долдугаар сарын 01-04-ний хооронд зохион байгуулагдах товтой байсан. Халдварын нөхцөл байдлаас шалтгаалж, наймдугаар сард зохион байгуулахаар болж байна. Наймдугаар сарын хэдний өдөр ЭЕШ-ыг зохион байгуулах товыг долдугаар сарын 10-нд зарлана.
Засгийн газрын өнөөдрийн хуралдаанаар Баянгол дүүргийн 16 дугаар хороо, Гандантэгчинлэн хийд орчмыг соёлын аялал жуулчлалын бүс болгон хөгжүүлэх саналыг дэмжиж, Техник эдийн засгийн үндэслэл, зураг төслийг боловсруулах үүрэг өглөө.
Засгийн газрын ээлжит хуралдаанаар Нийслэлийн эрх зүйн байдлын тухай хуулийн шинэчилсэн найруулгын төслийг хэлэлцэн дэмжлээ.
Халдварын нөхцөл байдлаас шалтгаалж Үндэсний баяр наадмыг цахимаар зохион байгуулах шийдвэрийг Засгийн газраас гаргаад буй.
Манай улс 17-18 насны хүүхдүүдээ ковид-19-ын эсрэг вакцинд хамруулж буй.
Засгийн газрын өнөөдрийн хуралдаанаар хэлэлцсэн асуудлын талаар мэдээлэл хийж байна.
Сүүлийн 24 цагийн хугацаанд 2213 хүнд коронавирус илрэв. Ингэснээр манай улсын нийт батлагдсан тохиолдол 100 263 боллоо. Шинээр батлагдсан тохиолдлын 1179 нь Улаанбаатар хотод, 1024 нь орон нутагт, 9 нь эмнэлгээс шалтгаалах халдвар, нэг зөөвөрлөгдсөн байна.
Сүхбаатар аймгийн Онцгой комиссын ээлжит хуралдаан болжээ. Хуралдаанаар халдварын тархалт нэмэгдэж байгаатай холбогдуулан зургадугаар сарын 24-ны өглөөний 06:00 цагаас эхлэн аймаг, сум хот хоорондын зорчих хөдөлгөөнийг 14 хоног хязгаарлах шийдвэр гаргажээ.
692 жирэмсэн эх дархлаажуулалтад хамрагдаад байна. Нийслэлийн хэмжээнд өнөөдөр 1 дүгээр тунд 1781, 2 дугаар тунд 1944, нийт 3725 иргэнийг дархлаажуулалтад хамруулжээ. Вакцинжуулалт эхэлснээс хойш нийслэлийн 18-аас дээш насны иргэдийн 102.3 хувь буюу 975240 нь I тунд, 90.3 хувь буюу 860689 нь II тунд хамрагдаад байна. Мөн нийт 692 (5.8 хувь) жирэмсэн эх, 16-17 насны 5827 (17.1 хувь) хүүхэд тус тус дархлаажуулалтад хамрагдаж, вакцины I тунг хийлгээд байна.
Өнөөдөр өдөр Улаанбаатар хотод 8 явуулын, 20 суурин цэгт дархлаажуулалтын 42 багийн 247 эмч, ажилчид 3338 иргэнийг дархлаажуулна.
-Дахин хөл хорио тогтоохыг дэмжиж байна. Өдөр бүртгэгдэх тохиолдлын тоо олон боллоо. Дэлхийн бусад улс оронд цар тахлыг зогсоох хамгийн чухал алхам нь хөл хорио гэж үзэж байна. Тиймээс манай улс хөл хорио тогтоох шаардлагатай гэж бодож байгаа. Мөн эмнэлгийн ачаалал нэмэгдэж байна. Энэ хэвээр үргэлжилбэл намар хичээл орохгүй бүр ч хэцүү болох байх. Хувираа бизнес эрхэлдэг хүмүүст хэцүү байгаа. Гэхдээ хүний амьнаас үнэтэй зүй гэж байхгүй. Өнөөдөр орлогогүй байж болно. Гэхдээ амьд байвал учир нь олдоно шүү дээ. Засгийн газраас шаардлагатай арга хэмжээнүүдийг хурдан авч хэрэгжүүлмээр байна. Үндэсний их баяр наадмыг цахимаар тэмдэглэсэн нь зөв байх. Хойшлуулж хэрэггүй. Үндэсний өв соёл учраас хүмүүсийн сэтгэл санаанд нөлөөлнө. Гадны улс оронд ч гэсэн томоохон тэмцээн уралдаан наадмуудыг халдвар хамгааллын дэглэм баримтлуулаад тэмдэглэж байна. Тиймээс манай улс ч гэсэн тэмдэглэх нь зүйтэй байх.
Дөрвөн уулын дунд, дөрвөн хананы дотор хоригдож залхсан нийслэлчүүдээс дахиад хөлөө хориулах уу, халдвар хамгааллын дэглэмээ бариад хөдөө гарч агаарлах уу гэсэн асуултыг асуух утгагүй байх л даа. Хаана ч халдвар байгаа гэдгийг ухамсарлаж, хариуцлагаа жаахан өндөрсгөөд хөдөө гарцгаавал яасан юм бэ, хэдүүлээ. Ванкциндаа найдаад шүү дээ.