Өнөөдөр Монгол Улсын зургаа дахь Ерөнхийлөгчөөр сонгогдсон У.Хүрэлсүхийн тангараг өргөх ёслол боллоо. Шинэ Ерөнхийлөгчийн тангарах өргөх ёслолын үйл ажиллагаатай зэрэгцэн С.Зоригийн хөшөөний өмнө бүртгэлгүй цуглаан болсон юм. Цагдаагийн байгууллагаас бүртгэлгүй цугласан иргэдэд шаардлага тавьж, эсэргүүцэл үзүүлсэн хүнийг Сүхбаатар дүүргийн цагдаагийн хэлтэст аваачиж тайлбар авчээ.
Цаг уурын байгууллагын ирүүлсэн мэдээллээр 06 дугаар сарын 20-ны өдрийн байдлаар зуншлага нийт нутгийн 40 гаруй хувьд хэвийн, 10 гаруй хувьд муу, бусад нутгаар дунд буюу ургамлын гаралт удаашралтай үнэлгээ гарчээ.
-2020 оны дөрвөн мянга гаруй хүн халдварын улмаас нас барсан байдаг. Хавдрын өвчлөл залуужиж байна. Олон хүнийг хамарч байна. Тиймээс хавдрын эмнэлэг барьж асуудлыг шийдэж өгмөөр байна. Хэрэв хавдрын эмнэлэг бариад өгвөл хавда өвчнөөр олон хүн нас барахгүй.
Ардын хувьсгалын 100 жилийн ойг тохиолдуулан Үндэсний их баяр наадмыг “Хүй долоон худаг”-т цахим байдлаар, үзэгчгүйгээр зохион байгуулах бэлтгэл ажлыг хангаж байна. Үндэсний их баяр наадам болон Ардын хувьсгалын 100 жилийн ой нь тусдаа асуудал. Ардын хувьсгалын 100 жилийн ойн арга хэмжээг бүтэн жилийн турш явуулахаар ттөлөвлөгөө хөтөлбөрийн дагуу хийгдэж байна. Үндэсний их баяр наадам зохион байгуулагдах хороо байгуулагддаг. Уг хороонд нийт есөн салбар хороо байгууллагддаг. Өмнөх жилүүдийн наадам 2,8-3 тэрбум төгрөгөөр зохион байгуулагддаг. Энэ жил наадмыг 2.8-3 тэрбум төгрөгөөр зохион байгуулна.
Сүүлийн 24 цагийн хугацаанд 10 335 хүн дархлаажуулалтад хамрагджээ. Ингэснээр улсын хэмжээнд нийт нэгдүгээр тунд 1 939 077 хүн, хоёрдугаар тунд 1 718 663 хүн хамрагджээ. Насны бүлгээр нь авч үзвэл 25-29, 30-34 насны иргэд нь дархлаажуулалтад бага хамрагдаж байгаа.
Сүүлийн 24 цагийн хугацаанд 12559 сорьцод шинжилгээ хийснээс 2271 хүнд коронавирус илрэв. Ингэснээр манай улсын нийт батлагдсан тохиолдол 104 900 боллоо. Шинээр батлагдсан тохиолдлын 1231 нь Улаанбаатар хотод, 1040 нь орон нутагт байна. Мөн сүүлийн 24 цагийн хугацаанд 977 хүн эдгэрлээ. Ингэснээр нийт эдгэрсэн хүний тоо 67 579 болж байна. Коронавирусийн халдварын улмаас 11 хүн нас барлаа. Ингэснээр халдварын улмаас нийт нас барсан хүний тоо 493 болж байна.
Шалгалтын явцад урьдчилсан байдлаар 28 настай, эрэгтэй С гэгч нь 2021 оны 06 дугаар сарын 24-ний өдрийн 20.00 цаг орчимд Хан-Уул дүүргийн нутаг дэвсгэр, Маршалын замд 0073УНС улсын дугаартай тээврийн хэрэгсэл жолоодож замын хөдөлгөөнд оролцох явцдаа жолооч иргэнтэй үл ойлголцож, улмаар өөрийгөө Хууль зүй, дотоод хэргийн яамны мэргэжилтэн, албан ажлаар албаны тэрэгтэй явж байна хэмээн тусгай дуут дохио ашигласан уг үйлдэлд нь Тээврийн цагдаагийн албаны Мөрдөн шалгах газрын Зөрчил шалгах хэлтэст холбогдох шалгалтын ажиллагааг хийж байна.
1421 жирэмсэн эх дархлаажуулалтад хамрагдаад байна. Нийслэлийн хэмжээнд өчигдөр 1 дүгээр тунд 2035, 2 дугаар тунд 2140, нийт 4175 иргэнийг дархлаажуулалтад хамрууллаа.
Энэ сарын 26-ны 12:00 цагт Соёлын төв өргөөнд аж ахуйн нэгжүүдийг хүлээн авч “Хариуцлагын гэрээ”-г байгуулах юм.
Өнөөдөр буюу 2021 оны зургаадугаар сарын 25-ны өдөр Улаанбаатар хотод 8 явуулын, 21 суурин цэгт дархлаажуулалтын 40 багийн 252 эмч, ажилтан 3488 иргэнийг дархлаажуулахаар төлөвлөжээ
Амралтын өдрүүдэд ихэнх нутгаар, ялангуяа нутгийн төв хэсгээр 30 хэмийг давж халах тул наршилтаас сэрэмжтэй байхыг анхааруулж байна.
Билгийн тооллын XVII Жарны “Цөөвөр” хэмээх Цагаагчин төмөр үхэр жилийн Зуны дунд хөх морь сарын шинийн 16.
УОК-ын ээлжит хуралдаанаар халдвар тархах өндөр эрсдэл бүхий чийрэгжүүлэх, бялдаржуулах төв, саун, бассейны үйл ажиллагааг зургадугаар сарын 25-ны өдрөөс эхлэн 10 хоногийн хугацаатай зогсоов. Мөн үйл ажиллагааг нь нээсэн худалдаа, үйлчилгээний салбаруудын цагийн хуваарьт хязгаарлалт, зохицуулалт хийж хоол үйлдвэрлэл үйлчилгээний газрыг заалаар үйлчлэхийг хориглосон болон амралт, жуулчны баазын үйл ажиллагааг хязгаарласан хугацааг тус тус 10 хоногоор сунгахаар шийдвэрлэсэн.
Тулгар төрийн 2230, Их Монгол Улсыг байгуулсны 815 жил, Ардын хувьсгалын 100 жилийн ой, Үндэсний их баяр наадмыг үзэгчгүй зохион байгуулах шийдвэрийг Монгол Улсын засгийн газраас гаргасан. Уг шийдвэр болон Үндэсний их баяр наадмын бөхийн салбар хорооноос өгсөн чиглэлийн дагуу бөхийн барилдаантай холбоотой мэдээллийг тоймлон хүргэж байна.
Нийслэлийн шинжлэх ухаан, үйлдвэрлэл, инновацын газар “Залуучуудын хөдөлмөр эрхлэлтийг дэмжих хөтөлбөр”-ийг Нийслэлийн хөдөлмөр эрхлэлтийн газартай хамтран хэрэгжүүлэхээр боллоо. Энэ хөтөлбөрийг 15-34 насны ажилгүй, ажил идэвхтэй хайж байгаа залуучуудад зориулж байгаа юм.
Голомт банк болон International Investment Bank (IIB) нь 2021 оны 6-р сарын 10-ны өдөр таван жилийн хугацаатай 10 сая ам.долларын зээлийн гэрээнд гарын үсэг зурлаа. Энэхүү зээлийг Голомт банк нь ЖДҮ, IIB-ны гишүүн орнуудын оролцоотой төслүүд болон Монгол Улсад хэрэгжиж буй тогтвортой хөгжлийн санаачлагуудыг санхүүжүүлэхэд зарцуулах юм.
Эрхэм харилцагч та өөрийн хэрэгцээ шаардлагад нийцсэн орон сууц худалдан авахаар зорьж буй бол, тав тухыг цогцлоосон амины орон сууцтай болохоор төлөвлөж байгаа бол энэхүү зорилгоо биелүүлэх боломжийг санал болгож байна. Бага хүү, урт хугацаатайгаар буюу зах зээл дэх хамгийн таатай нөхцөлөөр тансаг зэрэглэлийн болон энгийн орон сууц, мөн амины орон сууц худалдан авах дөрвөн төрлийн зээлийг ХААН Банк харилцагчдадаа олгож эхэллээ.
УОК-оос хоолны газруудыг заалаар үйлчлэхгүй гэсэн шийдвэр гаргасан. Энэ шийдвэрийг зөрчиж, заалаар үйлчилбэл мэргэжлийн хяналтын байгууллагаас хариуцлага тооцно.
Эрүүл мэндийн сайдын тушаалаар ирэх долоо хоногийн даваа гарагаас буюу 6 дугаар сарын 28-ны өдрөөс 12-15 насны хүүхдүүдийг дархлаажуулалтад хамруулахаар боллоо. Дархлаажуулалтад хамрагдах хүүхдүүдэд Файзер үйлдвэрийн вакцин хийх юм. Ингэхдээ тухайн хүүхдийн эцэг эх, асран хамгаалагчийн зөвшөөрлөөр сайн дурын үндсэн дээр дархлаажуулалтад хамруулах юм.
Уул уурхай, хүнд үйлдвэрийн салбарт Алсын хараа – 2050 Монгол улсын урт хугацааны хөгжлийн баримт бичиг, Төрийн албаны шинэтгэл - инноваци, технологийн ямар онцлогтой хэрэгжиж байгаа талаар Төрийн албаны зөвлөлөөс ээлжит уулзалтыг зохион байгууллаа.