Хятадад өнгөрсөн сарын сүүлээр гарсан олныг хамарсан эсэргүүцлийн дараагаас тус улсын эрх баригчид "тэг ковид" бодлогын хүрээнд баримтлах зарчмаа өөрчилсөөр байна. Эсэргүүцлийн дараагаас Хятадад ковидын тархалтаас сэргийлэх зорилготой хатуу хязгаарлалтуудыг сулруулж эхэлсэн бол энэ удаад халдварын тохиолдлын тоон мэдээллийг дамжуулах журмаа өөрчилжээ.
Хятадын анагаах ухааны салбар хурдацтай хөгжиж, сүүлийн жилүүдэд эмнэлгийн үйлчилгээ тэр дундаа мэс засал зэрэг нарийн ажиллагаанд робот хэрэглэх нь улам бүр нэмэгджээ. Энэ удаад Хятадад робот мэс засалч өвдөгний үе солих мэс засал хийсэн талаар Жэнминь жибао сонин мэдээлсэн байна.
Олон нийтийн сүлжээгээр дамжуулан бусад улс орнууд америкчуудын мэдээлэлд хяналт тавьж, контентод нөлөөлөн, суртал ухуулга явуулах боломжтой гэж үзсэний улмаас ийм хуулийн төсөл боловсруулсан талаар Марк Рубио мэдэгджээ.
Их Британид төмөр замын ажилтнууд олноороо ажил хаялтад нэгджээ. Энэ салбарын ажилтнууд олноор ажил хаясан тул төмөр замын зорчих хөдөлгөөн саатсан талаар Ассошейтед пресс агентлаг мэдээлсэн байна.
Хонконгт гадны улсаас ирсэн зорчигчдыг тусгаарлах журам үйлчилж байсан. Энэ журмыг 12 дугаар сарын 14-нөөс эхлэн цуцлахаар болсон талаар South China Morning Post сонин мэдээлжээ.
Хятадад ковидын хатуу хязгаарлалтыг эсэргүүцсэн олон нийт өнгөрсөн сарын сүүлээр олныг хамарсан эсэргүүцэл, цуглаан зохион байгуулж эрх баригчдыг шүүмжлэн, хөл хорио, хязгаарлалтыг цуцлахыг шаардаж байлаа. Үүний дараагаас Хятадын эрх баригчид шат дараатайгаар хязгаарлалтын арга хэмжээнүүдийг цуцалж эхэлсэн юм.
Оросын арми 2023 оны нэгдүгээр сарын сүүлээр эсвэл хоёрдугаар сард Украин руу хийх давшилтаа сэргээж магадгүй гэнэ. Ийм байр суурийг Украины Гадаад хэргийн сайд Дмитрий Кулеба барууны сэтгүүлчдэд зориулсан хэвлэлийн хурлын үеэр илэрхийлжээ.
ОХУ Украинд дайн өдүүлсний улмаас олон улсын хоригт орсон. Хэдийгээр хориг арга хэмжээ тавигдсан ч Орос улс далавчит пуужинд шаардлагатай чипүүдийг барууны орнуудаас авсаар байгаа гэнэ. Энэ талаар Ройтерс агентлаг болон Британийн батлан хамгаалахын судалгааны Хатан хааны нэгдсэн хүрээлэнгийн хамтран явуулсан мөрдөн шалгалтын дүнд тогтоогджээ.
Владимир Путин жил бүр зохион байгуулагддаг уламжлалтай хэвлэлийн бага хурлаа цуцалсан нь Украин дахь дайны талаарх асуултаас зайлсхийсэнтэй холбоотой байж болзошгүй гэж Их Британийн Батлан хамгаалах яамны цэргийн тагнуулын мэдээлэлд өгүүлжээ.
Хууль сахиулагчдын зүгээс ийнхүү хүч хэрэглэснийг Аргентины Хүний эрхийн газрын тэргүүн Орасио Пьетрагала шүүмжилж, цагдаагийнхан "Аргентины ялалтыг тэмдэглэхээр гэр бүлээрээ цугласан аргентинчуудыг дарж, өдөөн хатгахаа зогсоох"-ын тулд шаардлагатай арга хэмжээ авахыг Засгийн газрын тэргүүнээсээ хүссэн байна.
Шинэ Зеландын парламент залууст тамхи худалдахыг хориглосон дэлхийн анхын орон болсон талаар The Guardian мэдээлжээ. Энэ хууль 2023 оны нэгдүгээр сарын нэгний өдрөөс эхлэн хүчин төгөлдөр мөрдөгдөх юм байна.
Ижил хүйстний гэрлэлтийг холбооны төвшинд хүлээн зөвшөөрөх хуульд АНУ-ын Ерөнхийлөгч гарын үсэг зуржээ. Энэ хуульд гарын үсэг зурах ёслолын ажиллагаа Цагаан ордны өмнө болсон байна.
Аргентины баг Францын шигшээ багтай тоглож, 3:0 харьцаагаар хожсон юм. Улмаар лхагва гарагт болох Франц, Мароккогийн багуудын тоглолтоос ялсантай нь цомын төлөө тоглоно.
БНХАУ Хятадад үйлдвэрлэдэг, стратегийн нэн чухал чип Орос руу нийлүүлэхийг хоригложээ. Энэ талаар БНХАУ-ын Засгийн газраас авсан эх сурвалжтайгаар Оросын Коммерсант агентлаг мэдээлсэн байна.
"Хөндлөнгийн ажиглагчийн нүдээр харахад Монгол дахь эсэргүүцэл одоогоор удаан явцтай реалити шоу шиг өрнөж байна. Энэ бол чухамхүү эсэргүүцэлд хамааралтай. Төрөл бүрийн өнгөт хувьсгал явуулахад ашигладаг олны мэдэх майхант эсэргүүцлийн адилаар хатуу ширүүн нөхцөлд дассан монголчууд үс, ноостой хувцас өмсөж, үндэсний гэрээ талбай дээр барьжээ
Катарт болж буй дэлхийн аварга шалгаруулах тэмцээний хагас шигшээгийн тоглолтод Аргентин, Хорватын баг тааран тоглолоо. Энэ тоглолтоор Аргентины баг Хорватыг 3:0 харьцаагаар хожсон талаар ВВС мэдээлсэн байна.
Британид сурагчид жил бүр шалгалт өгдөг, зургадугаар ангийнхан ч төрөл бүрийн шалгалтыг тестээр өгөх ёстой байдаг гэнэ. Хүүхдүүдээс шалгалт авахыг зогсоохыг уриалдаг хөдөлгөөнийхөн зорилгодоо хүрэхийн тулд хууль тогтоогчдоос өөрсдөөс нь шалгалт авчээ.
Эх сурвалжийн мэдээлснээр, АНУ-д эрэн сурвалжлагдаж байсан, Guangzhou R&F Properties компанийн үүсгэн байгуулагчдын нэг Жан Ли-г 11 дүгээр сарын 30-ны өдөр Лондон хотноо баривчилжээ. Түүнийг АНУ руу шилжүүлэн өгөх бөгөөд харин бизнесмен ийм шийдвэрийг давж заалдах төлөвлөгөөтэй байгаа гэнэ.
БНХАУ-ын Ардын чөлөөлөх армийн 29 онгоц, гурван хөлөг онгоц Тайваньд ойртон очжээ. Энэ талаар Тайванийн Батлан хамгаалах яам мягмар гарагт мэдэгдсэнийг Тайванийн хэвлэлүүд дамжуулсан байна.
Хятад улс тэг ковид бодлогоо цуцалж, удахгүй хилийн зорчигч тээврийн хөдөлгөөнийг нээнэ гэсэн мэдээлэл гарч байсан. Энэ мэдээллийг Хятадын Харбин дахь Оросын Ерөнхий консулын газар няцаасныг Регнум агентлаг дамжуулжээ.