Сүүлийн үед Украины талаас дроны халдлага нэмэгдэж байгаа бөгөөд ОХУ-ын Зэвсэгт хүчин ойрын үед энэ халдлагад хариу өгч, өөрсдөд нь байгаа бүхий л төрлийн зэвсгээр цохилт өгч магадгүй гэж The Guardian сонины тоймч Саймон Тисдалл бичжээ.
Францад 12 дугаар сарын 10-ны шөнө дэгдсэн эмх замбараагүй байдлын үеэр 170 хүн саатуулагдсанаас 80 хүнийг цааш үргэлжлүүлэн хорихоор болжээ. Коммерсант агентлагийн мэдээлснээр, цагдаагийнхны саатуулсан хүмүүс дунд насанд хүрээгүй 23 хүн байсан гэнэ. Саатуулагдсан хүмүүсийг цагдаагийнхны шаардлагыг дагаагүй, үймээн самуун дэгдээсэн, тэсэрч дэлбэрэх бодис хадгалсан хэмээн буруутгаж байгаа аж.
Өдгөө 47 настай Маэзава 2021 онд Оросын "Союз" хөлгөөр олон улсын сансрын станц руу нисэж байсан бөгөөд одоо дахин сансарыг зорьж, dearMoon нэртэй төслийн хүрээнд сар руу явна хэмээн найдаж байгаа талаар ВВС мэдээлсэн байна. Энэ нислэг долоо хоног үргэлжлэхээр төлөвлөжээ.
Шинэ киног чухам хэн найруулах талаар Жеки Чан тодорхой мэдээлэл өгөөгүй аж. Анхны "Оргил цаг" кино 1998, хоёр дахь нь 2001 онд, гурав дахь нь 2007 онд гарч байлаа. Ийнхүү хамгийн сүүлийн анги гарснаас 15 жилийн дараа "Оргил цаг" киног дахин бүтээх ажил эхлэхээр болжээ. Өмнөх гурван киноны гол дүрүүдийг Жеки Чан болон Крис Такер нар бүтээж байлаа. Одоо Жеки Чан 68 нас, харин Крис Такер 51 настай юм.
Volkswagen Anhui компани Хятадын Хэфэй хотод анхны цахилгаан машинаа үйлдвэрлэн гаргажээ. Цахилгаан машиныг ирэх оноос цувралаар үйлдвэрлэхээр болсон байна. Энэ талаар Жэнминь жибао сонин мэдээлжээ.
ОХУ Украинд явуулж буй дайнд амссан цэргийн хохирлоо нөхөх үүднээс хэсэгчилсэн дайчилгаа зарласан нь Оросын иргэдийг багагүй цочроож, эсэргүүцэл, жагсаал цуглаан гарч байсны дээр дайчлагдсан эрчүүдийн ээж, эхнэрүүд нэгдэн "Ээжүүд, эхнэрүүдийн зөвлөл" нэртэй хөдөлгөөнийг байгуулсан юм. Тэд Путинийг цэргийн ар гэртэй уулзах мэдээлэл гарсны дараа "өөрсдийн" хүмүүстэй уулзах гэж байна, зөвлөлийнхөнтэй огт холбогдоогүй хэмээн мэдэгдэж Путинийг "зоригтой эр хүн л юм бол бидэнтэй уулз" хэмээн шаардсан нь ихээхэн анхаарал татаж байлаа.
АНУ Украинд ээлжит цэргийн тусламж үзүүлэх талаараа баасан гарагт зарлана гэж Америкийн Ройтерс мэдээллийн агентлаг дамжуулжээ. Ройтерсын мэдээлснээр энэ удаад 275 сая долларын тусламж үзүүлэх аж.
Энэ шийдвэр тасалдалгүй үйл ажиллагаа явуулах шаардлагатай байгууллагуудад хамаарахгүй. Тэр дундаа талхны газар, эмнэлгүүд ердийн хуваариар ажиллах бол төрийн байгууллагууд богиносгосон ажлын долоо хоногтойгоор ажиллаж, харин зарим их дээд сургуулийн хичээлийг түр цуцалжээ.
Ром хотын Зул сарын гол гацуурыг асаах ёслол пүрэв гарагийн үдэш болжээ. Сүлд модыг уламжлал ёсоор Италийн нийслэлийн төвд Венецийн талбай дээр байрлуулсан гэж ТАСС агентлаг мэдээлсэн байна.
Бельгийн багахан суурингийн 165 оршин суугч Европын EuroMillions лотерейн ялагчид болжээ. ВВС агентлагийн мэдээлснээр, бельгичүүд 143 сая еврогийн жекпот хожсон гэнэ.
Катарт хөлбөмбгийн дэлхийн аварга шалгаруулах тэмцээн үргэлжилж байна. ДАШТ-ий түүхэнд анх удаа Ойрх Дорнодын оронд өвөл зохион байгуулагдаж буй энэ тэмцээний хагас шигшээд Бразил, Аргентины багууд үлдэхийг хүсэж байгаагаа Фредерико Родригес де Паула Санто илэрхийлжээ.
Хуулийн зорилго нь гадаадын иргэдэд зориулан хүүхэд тээхийг хориглох явдал байсан бөгөөд гадаадаас ямар зорилгоор ирж хүүхэд авч явж байгаа, хүний наймаанд явж байгаа эсэх нь ч тодорхойгүй тул Орост төрж буй хүүхдүүдийг хамгаалах зорилготой ийм хууль боловсруулсан гэж хууль санаачлагчид мэдэгджээ.
Тайванийн эрх баригчид төрийн албан тушаалтнуудыг Хятад компанийн мэдэлд байдаг олон нийтийн сүлжээ ашиглахыг хоригложээ. Энэ талаарх мэдээллийг Тайванийн хэвлэлүүдээс авсан эх сурвалжтайгаар South China Morning Post сонин мэдээлсэн байна.
ОХУ хэл соёлоор дамжуулан нөлөөллөө хадгалах, тэлэх бодлогоо хуучин Зөвлөлтийн орнуудад хэрэгжүүлсээр байна. Энэ удаад Тажикистанд орос сургууль байгуулахаар төлөвлөж байгаа талаар Коммерсант агентлаг мэдээлжээ.
Тодруулбал, Америкийн нэр хүнд бүхий Politico сэтгүүл энэ оны дүнг гаргаж, Оросын Ерөнхийлөгч Владимир Путинийг "оны бүтэлгүй хүн"-ээр нэрлэжээ. "Путин Оросыг ЗХУ шиг агуу гүрний статустай болгохыг эртнээс зорьж байсан. Гэтэл үүний оронд тэрбээр улс орноо гуравдугаар зэрэглэлийн орон болгож дордууллаа" хэмээн Politico сэтгүүл бичжээ.
ОХУ-ын Ерөнхийлөгч Владимир Путин Киргизийн нийслэл Бишкект очсон талаар Оросын мэдээллийн агентлагууд дамжуулжээ. Бишкек хотод 12 дугаар сарын есний өдөр Евразийн эдийн засгийн холбооны дээд хэмжээний уулзалт болох юм.
Бразилийн шигшээ баг Хорватын багтай тоглохоос өмнө хэвлэлийн бага хурал зохион байгуулжээ. Энэ үеэр сэтгүүлчид Бразилийн шигшээ багийн хэвлэлийн төлөөлөгч Винисиус Родригесийг муур шиг дуугарч угтсан байна.
Ялтан солилцоогоор суллагдаж, эх оронруугаа буцах өмнө өршөөгдсөн Бриттни Грайнер нь Олимпын хоёр удаагийн аварга бөгөөд Оросын Уралын клубт багтан тоглож байжээ. Тэрбээр энэ оны хоёрдугаар сард Москвагийн Шереметьево нисэх буудал дээрээс баривчлагдсан юм. Учир нь түүний электрон тамхины төхөөрөмжөөс эмчилгээний зориулалттай марихуан илэрсэн аж.
Иранд есдүгээр сард Махса Амини гэх залуу бүсгүй хижабаа буруу өмссөн хэргээр цагдаагийнханд саатуулагдаж, дараа нь нас барсан нь Иран даяар эсэргүүцэл дэгдэх шалтгаан болсон юм. Ираны иргэд улс даяар эсэргүүцэлд нэгдэж, үймээн самуун газар авсан юм. Тус улсын эрх баригчид энэ эсэргүүцлийг хууль бус хэмээн үзэж, оролцогчдод хатуу шийтгэл онооно гэж мэдэгдсэнээрээ олон улсын зүгээс шүүмжлэлтэй тулгарч байв. Гэсэн ч Ираны эрх баригчид олон улсын шүүмжлэлийг үл харгалзан жагсаалд оролцогчдыг олноор нь баривчилж, 20 гаруй хүнд цаазын ял оноожээ.
Германы канцлер Олаф Шольц Германы холбооны канцлерын албан тушаалд дахин нэрээ дэвшүүлэх төлөвлөгөөтэй байгаа гэж мэдэгджээ. Тэрбээр 2025 онд болох бундестагийн сонгуульд ялснаар канцлерын албан тушаалд улиран сонгогдох боломжтой юм.