"Манай оронд төдийгүй дэлхийн улс оронд Дельта вирусийн давлагаа эхэлж байна. Иймд Дельта вирустэй холбоотой хорио цээр, хариу арга хэмжээг улс орнууд чангатгаж байна. Манай улсад хэд хэдэн судалгааны ажил хийгдэж байгаа. Мөн Япон улс руу 50 сорьцыг илгээсэн. Урьдчилсан дүнгээр Япон улс руу илгээсэн 50 сорьцоос 5 сорьцод нь Дельта вирус илэрсэн. Эдгээр хүмүүсийг тусгаарласан. Өнөдрийн байдлаар Дельта хувилбарын тархалт байхгүй"
Өнөөдөр УОК хуралдсан. Хуралдааны шийдвэр гарлаа. Үндэсний их баяр наадмыг хойшлуулах саналыг Засгийн газрын хуралдаанд оруулахаар Улсын Онцгой комиссоос шийдвэрлэлээ. Засгийн газар, Үндэсний баяр наадмыг зохион байгуулах хороо долдугаар сарын 01-ний өдрийг хүртэлх хугацаанд эрсдэлийн үнэлгээ хийсэн. УОК-д давхар танилцуулсан. Эрүүл мэндийн яам болон бусад холбогдох мэргэжлийн байгууллагууд, эрдэмтэн судлаачид энэ удаагийн баяр наадмыг хойшлуулах нь цар тахлыг давлагааг багасгах боломжтой гэх дүгнэлтийг гаргасан. Энэ хүрээнд УОК Ардын хувьсгалын 100 жилийн ойг хойшлуулах шийдвэр гаргаж, маргаашийн Засгийн газрын ээлжит бус хуралдаанаар уг асуудлыг шийдвэрлүүлэх санал хүргүүлсэн. Засгийн газрын ээлжит бус хуралдаан маргааш өглөө 09:00 цагт эхэлнэ. Уг хуралдаанаар эцэслэн шийдвэрлэнэ.
Хөдөлмөр нийгмийн хамгааллын сайд А.Ариунзаяа Шадар сайд С.Амарсайханд албан бичиг хүргүүлжээ.
"Тэвчээр тасарлаа" хөдөлгөөнийхөн Сүхбаатарын талбайд цуглаан хийлээ. Тэд аж ахуйн нэгжүүд туйлдаж байгааг хэлж байна. Мөн наадам зохион байгуулахыг эсэргүүцэж, бизнес эрхлэгчдээ дэмжихийг шаардаж шар даавуун дээр гарын үсгээ зурлаа.
Хуулийн төслийн 9 дүгээр зүйлд гэмт хэргийн улмаас хүүхэд хохирсон гэмт хэргүүд болох арван зургаан насанд хүрээгүй хүнтэй хурьцал үйлдэх, бэлгийн дур хүслээ ёс бусаар хангах, хүн худалдаалах болон хүүхдийн эсрэг гэмт хэрэг гэх мэт хэргүүдийг өршөөлд хамааруулахгүй гэмт хэрэг, эрүүгийн хариуцлагын төрлийн жагсаалтад багтаахаар төсөл боловсруулсан байна.
Коронавирус цар тахлын энэ үед иргэд шинжилгээ өгөх цаг болон шинжилгээний хариугаа авдаг Eruul.gerege.mn систем төлбөрийн асуудлаас үүдэн ажиллахгүй болсон талаар өмнө бид мэдээлсэн. Тодруулбал, Гэрэгэ Системс ХХК төлбөрийг төлж барагдуулах албан бичгийг нийслэлийн Эрүүл мэндийн газрын дарга Б.Бямбадоржид хүргүүлжээ.Уг албан бичигтээ ОБЕГ-т төлбөрийн талаар удаа дараа сануулж, мэдэгдсэн талаараа дурдсан байна.
Цагдаагийн газрын саатуулах, баривчлах байр нь бүхэлдээ орчин нөхцөл муу, нэг хүнд ноогдох талбайн хэмжээ бага, зориулалтын бус барилгад үйл ажиллагаа явуулдаг, баривчлах байр чанар, стандарт, эруул ахуйн шаардлагыг хангадаггүй тул ажилтан, албан хаагчид болон саатуулагдсан, баривчлагдсан этгээдийн олон улсын гэрээ, конвенцоор баталгаажуулсан эрүүл, аюулгүй орчинд амьдрах, хөдөлмөрийн аятай таатай нөхцөлөөр хангагдах эрхийг зөрчсөн нь тогтоогдсон. Түүнчлэн цагдан хоригдсон иргэдийг баривчлах байрны алба хаагчид хувийн ажилдаа дайчилсан, уртасгасан цагаар ажиллуулсан зэргээр “Баривчлах байрны дотоод журам” зөрчсөн байна. Зөрчлийг арилгуулахаар Комиссын гишүүний шаардлагыг 2021 оны 4 дүгээр сарын 29-ний өдөр ЦЕГ-ын газрын дарга, цагдаагийн хурандаа Ж.Болдод хүргүүлсэн.
Нийслэлийн Засаг даргын "Газрын зөрчил арилгах тухай" 2021 оны А/250 дугаар захирамжийг үндэслэн Сонгинохайрхан дүүргийн 34, 38 дугаар хорооны зарим байршилд зөвшөөрөлгүй үйл ажиллагаа явуулж байсан объектуудыг буулгаж, газар чөлөөлөх ажил хийсэн. 34 дүгээр хорооны хувьд Орбитын тойрог орчмын нийтийн эдэлбэр газарт зохих зөвшөөрөлгүй үйл ажиллагаа эрхэлж байсан Түргэн үйлчилгээний цэг болон контейнер, төмөр чингэлгүүдийг Газрын тухай хуулийн 57 дугаар зүйлийн 57.3, 57.4 дэх заалтын дагуу албадан чөлөөллөө. Мөн 38 дугаар хорооны “Залуус” хотхоны гадна талбайн хуучны объектуудыг буулгалаа.
Коронавирусийн халдварын батлагдсан тохиолдлын ойрын хавьтлуудаас ПСР шинжилгээ авахгүй байгааг бид мэдээлсэн.
Олон удаагийн хөл хорионоос шалтгаалж, цаашид үйл ажиллагаа явуулах боломжгүй болж байна. Засгийн газраас гаргаж буй шийдвэр нь аялал жуулчлал, зоогийн газар, амралтын баазуудыг дахин үйл ажиллагаа явуулах боломжгүй болгож байгаа. Дотоодын аялал жуулчлал хөгжүүлэх хүсэл эрмэлзэлтэй. Гэтэл үүнийг хааж боогдуулж байна. Аялал жуулчлалын ажилтнууд, тэдний ар гэрийнхэн ажил хийж мөнгө олж амьдрах ямар ч боломжгүй болж байна. Ажиллаж, амьдрах эрх чөлөөг нь хаагдуулж байгаа. Хөл хорио тогтоохоос илүү халдвар хамгааллын дэглэмээ баримталж, иргэн бүр хариуцлагатай байж, ажиллаж, амьдрах боломжийг маань нээж өгөхийг хүсэж байна. Мөн наадам хийхээ болих хэрэгтэй. Наадам хийх мөнгөөрөө амьсгалын аппарат авмаар байна. Хүргэлтээр үйлчлэх нь ажиллахгүй байгаатай ижил. Иргэдийнхээ хөдөлгөөнийг хориглочхоод наадам хийж байгаа нь шударга бус байна. PCR шинжилгээг үнэгүй болгомоор байна.
Жирэмсэн 2099 эхийг дархлаажуулжээ. Өчигдөр нийслэлийн хэмжээнд I тунд 6804, II тунд 1222, нийт 8026 иргэнийг дархлаажууллаа. Энэ өдөр 183 жирэмсэн эх, 12-15 насны 4814, 16-17 насны 956 хүүхэд дархлаажуулалтад хамрагдсан байна.
Хүннү Эйр ХХК-ийн 06 дугаар сарын 30-ны өдрийн Алматы-Улаанбаатар чиглэлийн нислэгийн зорчигч 23 настай Г-ийн биеийн байдал нислэгийн явцад таталт өгч мууджээ.
Нийслэлийн хэмжээнд дархлаажуулалтын явуулын болон суурин цэгт эмч нар багаар ажиллаж буй. Өдөр бүрийн дархлаажуулалтын төлөвлөгөөгөө биелүүлэх үүрэг хүлээнэ. Эрүүл мэндийн яамнаас мэдээлж буйгаар нийгмийн харилцаанд хамгийн их оролцдог 25-29 насны иргэдийн вакцинд хамрагдах идэвх сул байгаа гэнэ. Тиймээс иргэн та өөрийнхөө болоод хайртай гэр бүлийнхээ төлөө дархлаажуулалтад идэвхтэй хамрагдах шаардлагатай байна. Дархлаажуулалтын өдрийн төлөвлөлт биелж байвал, тооцсон хугацаандаа нийслэлчүүдийгээ бүрэн вакцинжуулж дуусч, сүргийн дархлаа тогтоно. Сүргийн дархлаа тогтвол, нийгмийн харилцаа идэвхжиж, сургууль цэцэрлэг танхимаар хичээллэж, ААН-үүд үүдээ нээх боломж бүрдэнэ. Тиймээс хариуцлагатай иргэн та дархлаажуулалтандаа хамрагдаарай.
Эрүүл мэндийн яамнаас covid-19 халдварын цаг үеийн нөхцөл байдлын тухай ээлжит мэдээллийг /2021.07.01/ хийлээ. Сүүлийн 24 цагийн хугацаанд 19 442 хүн дархлаажуулалтад хамрагджээ. Ингэснээр улсын хэмжээнд нийт нэгдүгээр тунд 2 021 411 хүн, хоёрдугаар тунд 1 746 187 хүн хамрагджээ. Насны бүлгээр нь авч үзвэл 25-29 насны иргэдийн вакцинжуулалтын идэвх бага байна гэж ЭМЯ-ны хэвлэлийн төлөөлөгч Б.Ууганбаяр мэдээллээ.
Сүүлийн 24 цагийн хугацаанд 8 000 сорьцод шинжилгээ хийснээс 2485 хүнд коронавирус илрэв. Ингэснээр манай улсын нийт батлагдсан тохиолдол 117 963 боллоо. Шинээр батлагдсан тохиолдлын 1437 нь Улаанбаатар хотод, 1048 нь орон нутагт байна. Мөн сүүлийн 24 цагийн хугацаанд халдварын улмаас 15 хүн нас барлаа. Ингэснээр халдварын улмаас нийт нас барсан хүний тоо 578 болж байна" гэлээ.
Иргэний нисэхийн Ерөнхий газраас /ИНЕГ/ долдугаар сарын нислэгийн хуваарийг танилцууллаа. Ирэх сард нийт 23 удаагийн нислэгийг Өмнөд Солонгос, Япон, Унгар, Турк, Герман, Казахстан улс руу хийхээр төлөвлөөд байна.
Иргэн Энхбат, Баянмөнх нар нийслэлийн төсвийн 2.5 тэрбум төгрөгөөр наадам хийж буйг эсэргүүцэж, нийслэлийн Засаг дарга Д.Сумъяабазарт өнөөдөр шаардлага хүргүүллээ.
ШӨХТГ-аас сүүлийн саруудад хийсэн хяналт шалгалтын талаар мэдээлэл хийж байна. Тус газраас Замын-Үүдийн хил гааль дээр ачаа гацсан асуудалд хяналт шалгалт хийж, тодорхой шийдвэрүүдийг гаргажээ.
Үндэсний их баяр наадмыг үзэгчтэй зохион байгуулахаар, би багтайгаа ажиллаж байсан. Гэтэл наадмыг үзэгчгүйгээр цахимаар зохион байгуулах шийдвэр гарсан. Ингээд цахим наадмын зохион байгуулалтыг өөр баг хариуцаж ажиллахаар болсон.
Булган аймаг цар тахлын нөхцөл байдал хүндэрсэнтэй холбоотой баяр наадам тэмдэглэхгүй, наадмынхаа төсвийг халдварт өвчний эсрэг зарцуулахаар боллоо.